Papa Nicetu

De Uiquipedia
Saltar a: navegación, buscar
San Nicetu
Papa Aniceto cropped.jpg
Nome Anicetus
Nacencia nun se conoz
Emesa, Siria
Entamu papáu 155
Fin papáu 166
Predecesor San Píu I
Socesor San Soteriu

San Nicetu foi elixíu papa nel 155 y morrió nel 166.

Promulgó un decretu qu'impidía al cleru dexar crecer el pelo. Confirmó la celebración de la Pascua en domingu, según la tradición de San Pedru.

Nos anicios del so pontificáu recibió en Roma a San Policarpu, obispu d'Esmirna, que fore discípulu del Apóstol San Xuan y maestru d'Irenéu de Lyon, cola fin d'afitar la data de celebración de la Pascua. Policarpu, y la Ilesia oriental nel so conxuntu, atalantaben que la celebración tenía que se realizar el día 14 del mes de Nisán independientemente del día de la selmana pel que cayere. Esta postura que siguía la tradición xohánica y que suponía celebrar la Pascua de Resurrección el mesmu día que los xudíos, ye conocida como práutica "cuartodecimal" y nun yera considerada pol papa Nicetu como correcta yá que cuidaba, mesmo como la Ilesia occidental, que la Pascua tenía que se celebrar el domingu siguiente al día 14 de Nisán.

Según el rellatu qu'Irenéu de Lyon fai d'esta visita, paez ser qu'Anicetu nun pudo convencer a Policarpu, yá qu'ésti basaba la so postura en que "Xuan y los otros apóstoles colos qu'elli viviere" celebraben la Pascua d'esta forma. A pesar de les diferencies ente dambos nun hebo ruptura ente ellos y el papa permitió al santu siguir celebrando la Pascua sigún la tradición oriental.

Fixo amistá col apoloxista Xustín col que morrió en 166 depués de sufrir martiriu nes persecuciones del emperador Marcu Aureliu.

Paez que condergó la doctrina montanista, y que s'enfrentó a los gnósticos y a los marcionistes, magar nun esisten documentos históricos qu'acreiten estos fechos, anque sigún el Liber Pontificalis prohibió a los clérigos que llevaren el pelo llargo, lo que supondría una forma de dixebrase de los gnósticos que, al paecer, teníen esti vezu.

Predecesor:
Píu I
Emblem of the Papacy SE.svg
155-166
Socesor:
Soteriu