Conciliu Vaticanu II

De Wikipedia
(Redirixío dende Conceyu Vaticanu II)
Conciliu Vaticanu II
sínodo (es) Traducir
Conciliu Vaticanu I Conciliu Vaticanu II
Cambiar los datos en Wikidata

El Conciliu Vaticanu Segundu o Segundu Conciliu Ecuménicu del Vaticanu foi un Conciliu ecuménicu de la Ilesia Católica, entamáu embaxo'l papáu de Xuan XXIII (1962) y fináu con Pablu VI en 1965.

Situación previa[editar | editar la fonte]

La época previa a la convocatoria del Conciliu Vaticanu II carauterizábase pola esistencia de grandes cambeos dientro del sen de la Ilesia Católica. D'un llau, surdieren nueves corrientes teolóxiques; per otru, los obispos teníen qu'afrontar una nueva situación política, económica, social y téunica. Amás, l'inacabáu Conciliu Vaticanu Primeru, cásique un sieglu enantes, dexare munches cuestiones dogmátiques ensin fixar.

El Papa Xuan XXIII anunció la so voluntá de convocalu alpenes trés meses dempués d'asoceder a Píu XII. El so oxetivu faciéndolu yera, según él mesmu, "Abrir les ventanes de la Ilesia pa que podamos mirar p'hacia fuera y la xente pueda mirar dientro". Asina, non sólo invitó a tolos obispos de la Ilesia al conciliu, sinón tamién a los representantes del Protestantismu y de la Ilesia Ortodoxa.


Lliturxa[editar | editar la fonte]

L'efeutu más inmediatu del Conciliu Vaticanu II foi l'establecimientu d'una lliturxa más averada al pueblu, que incluyía la sustitución del llatín poles llingües propies de cada llugar, pa facilitar la comprensión de los fieles.

Daqué asemeyao asocedió colos testos sagraos (la Ilesia comprometióse a traducilos a les llingües de cada llugar).

Crítiques al Conciliu[editar | editar la fonte]

Dellos católicos, especialmente los conservadores, caltienen que'l Conciliu Vaticanu II alloñó a la Ilesia de los sos entamos. Defenden que:

  • La Ilesia habría considerarse l'únicu y escluyente camín p'hacia la salvación.
  • Nun habría permitise la llibertá de cultu.
  • Habría mencionase'l xuiciu tres de la muerte y la esistencia del cielu y l'infiernu.
  • La creyencia de la infabilidá de la Biblia habría tener sío afirmada.
  • El llatín habría siguir siendo la llingua llitúrxica.

Pese a too, estos grupos son mui reducíos y la Ilesia Católica en xeneral aceptó'l conteníu del Conciliu.

Referencies[editar | editar la fonte]

Enllaces esternos[editar | editar la fonte]