Papa Calistu I

De Uiquipedia
Saltar a: navegación, buscar
San Calistu I
CalixtusI.jpg
Nome Callistus o Callixtus
Nacencia pel añu 155
Roma
Entamu papáu 217
Fin papáu 222
Predecesor San Ceferín
Socesor San Urbanu I

El papa Calistu I, o San Calistu, (* Roma, ha. 155 – † 222), ye'l pontífiz númberu 16 de la Ilesia católica, reinando de 217 a 222.

Nació esclavu nel somantu d'una familia d'aniciu griegu, que na so llingua'l so nome significa "el más guapu" (kallistos), y nun abrazó'l cristianismu hasta la edá adulta. Como alministrador de los bienes d'un altu funcionariu del emperador Cómodo llamáu Carpóforu, tamién cristianu, viose implicáu nuna malversación de fondos que-y valió ser condergáu a trabayos forzaos nes mines d'azufre de Cerdeña; allí permaneció a lo llargo de tres años hasta que, alredor del 190, llogró ser lliberáu gracies a la intercesión de Marcia, una concubina del emperador Cómodo.

Depués de la so lliberación, el papa Víctor I destinólu a Antium otorgándo-y una pensión; allí vivió hasta'l so treslláu a Roma reclamáu pol papa Ceferín, que faciéndolu secretariu personal de so lu nomó diáconu y alministrador del cementeriu cristianu na Vía Appia, que depués se conocería como les catacumbes de San Calistu, y nel que s'enterraron tolos papes que gobernaron la Ilesia a lo llargo del sieglu III, escepto él mesmu.

A la muerte de Ceferín, Calistu ye elexíu como'l so socesor. La circunstancia de ser un esclavu lliberáu nun yera un impidimentu pa ser elexíu papa hasta que Lleón I el Magnu, nel sieglu V, asina lo dispunxo.


Predecesor:
San Ceferín
Emblem of the Papacy SE.svg
Papa
217 - 222
Socesor:
Urbanu I