Papa Alexandru I

De Uiquipedia
Saltar a: navegación, buscar
San Alexandru I
Pope Alexander I.jpg
Nome Alexander
Nacencia nun se conoz
Roma
Entamu papáu 105
Fin papáu 115
Predecesor San Evaristu
Socesor San Sistu I

San Alexandru I (Roma, ? - 115 o 119) foi obispu de Roma dende l'añu 105 fasta 115, anque les dates del so pontificáu son mui confuses. Foi discípulu de Plutarcu.

Lo mesmo que'l so predecesor, Evaristu, conozse mui poco sobre'l pontificáu d'Alexandru I. L'historiador Osebiu de Cesarea, na so obra Ecclesiastical Historia IV, 1, diz que'l so pontificáu duró 10 años y que morrió'l tercer añu del reináu del emperador romanu Adrianu, y Irenéu de Lyon nómalu xunto a once papes más nuna llista publicada pel añu 180.

Atribúise-y la institución de l'agua bendito nes ilesies y cases. Igualmente instituyó que la hostia sagrada fore fecho esclusivamente de pan ázimo y que'l vinu de la eucaristía s'ameciere con agua.

Una tradición del sieglu V afirmaba que foi decapitáu xunto con San Evenciu y San Teódulu, yá que'l cuerpu enterráu ente estos dos santos se pensaba que yera'l papa Alexandru I pero paez que ye d'otru San Alexandru. Nel sieglu XIX atopóse una tumba con trés persones decapitaes cerca la vía Nomentana (afueres de Roma) y atribuyénonse-y a Alexandru I y a los dos santos compañeros suyos de martiriu. Posteriormente los cuerpos foren treslladaos pa la Ilesia de Santa Sabina (Roma).

Consideráu santu y mártir pola ilesia católica, la so festividá celébrase'l 3 de mayu.


Predecesor:
Evaristu
Emblem of the Papacy SE.svg
105-115
Socesor:
Sistu I