La Meca

De Uiquipedia
Saltar a: navegación, buscar
La Meca

La Meca (en árabe مكة المكرمة Makka al-Mukarrama o a cencielles Makka) ye la principal ciudá de la rexón del Hiyaz, n'actual Arabia Saudita, y una de les más importantes de la península d'Arabia. Ta asitiada al oeste de la península y cuenta con 1.294.167 habitantes (censu de 2004), allúgase nun estrechu valle, a 277 m sobro'l nivel del mar, a 80 km de la Mar Bermeya.

El nome Makka n'árabe antiguu significa "digna". El nome completu que lleva dende tiempos islámicos, Makka al-Mukarrama, significa "L'Anoblecida Meca". Ptolomeo, nel sieglu II, refirióse a ella col nome de Makoraba, helenización del árabe Makka Harb, o "Meca de Harb" (nome d'una tribu).

Ciudá natal de Mahoma, ye la más importante de toles ciudaes santes del islam, visitada cada añu por millones de pelegrinos. Primero que Mahoma predicara l'Islam, ésta yera yá pa los paganos una ciudá santa, con dellos llugares d'importancia relixosa, ente ellos el más importante de toos: la Kaaba.

Pa los musulmanes, el pelegrinaxe a La Meca forma parte d'ún de los aspeutos fundamentales de la so fe, los denominaos pilastres del islam. Cada añu, cerca de trés millones de pelegrinos empobinen haza la ciudá santa pa facer el pelegrinaxe mayor o Hajj mientres el mes musulmán de du l-hiyya. Munchos más faen la pelegrinación menor o Umrah, que puede realizase durante tol añu. Bien pocos non musulmanes pudieron ver los ritos y rituales del Hajj, darréu que ta dafechu prohibida la entrada de non creyentes en La Meca y en Medina.