Imperiu Bizantín

De Uiquipedia
Saltar a: navegación, buscar
Uiquipedia:Wikipedia:Llista d'artículos que toa Wikipedia tien que tener/Archivu
Mapes col Imperiu Bizantín.

L'Imperiu Bizantín —nomau tamién, sobro too pa facer referencia a la so etapa inicial, Imperiu Romanu d'Oriente— foi un imperiu cristianu medieval de cultura griega con capital en Constantinopla o Bizanciu (actual Estambul). L'orixe del Imperiu Bizantín remanez de la dómina final del Imperiu Romanu. Inicialmente abarcaba tol Mediterraneu oriental, pero col tiempu foi sofriendo importantes reducciones territoriales.

Nun hai consensu xeneral en cuanto a la dómina d'entamu del Imperiu Bizantín. Pa dellos autores la dómina clave ye la fundación de Constantinopla nel añu 330, demientres qu'otros estudiosos consideren como acta de naciencia del Imperiu Bizantín la muerte de Teodosiu I, en 395, cuando l'Imperiu Romanu foi definitivamente estremáu en dos metaes, oriental y occidental. Otros piensen que puede falase con propiedá de Imperiu Bizantín a partir del momentu en que foi depuestu'l caberu emperador romanu d'Occidente, Rómulu Augústulu (476).

La desapaición del Imperiu Bizantín creóse cola caída de Constantinopla en poder de los turcos otomanos en 1453. Ensin embargu, la desapaición del estáu bizantín nun acabó colos sentimientos nacionalistes del pueblu, yá que los actuales habitantes de Grecia se consideren heriedos de la tradición bizantina.