Papa Píu I

De Uiquipedia
Saltar a: navegación, buscar
San Píu I
Pius I.jpg
Nome Pius
Nacencia nun se conoz
Aquileia
Entamu papáu 140
Fin papáu 155
Predecesor San Hixiniu
Socesor San Nicetu

San Píu I (Aquileia, Italia, ? - Roma, 155) foi elixíu obispu de Roma nel 140 y morrió nel 155. Les dates del so pontificáu varien sigún les fontes; emprima pel 140 o'l 146. La única data fiable ye que morrió enantes del 155 yá que se constata que San Policarpu entrevistóse con Nicetu nel 155.

So pá yera un cristianu nomáu Rufín (Rufinus) y tamién yera d'Aquileia. Paez que yera un esclavu pero que dos de los sos fíos, Hermes y Píu, foren lliberaos pol so amu.

Yá fechu pontífiz, introdució la celebración de la Pascua pal domingo depués del plenilluniu de marzu y diz la tradición que fixere construyir una de les ilesies más antigües de Roma, Santa Pudenziana (a mediaos del sieglu XX demostróse qu'esta ilesia databa del sieglu IV). Tamién escomulgó Marción y Valentín por falses doctrines cristianes.

Nel Fragmentu de Muratori (sieglu II) afírmase que l'hermanu de Píu foi l'autor del Pastor d'Hermes, ún de los primeros escritos del cristianismu.

Sigún la tradición morrió martirizáu magar nun hai pruebes irretrucables. La so festividá ye l'11 de xunetu.


Predecesor:
Hixiniu
Emblem of the Papacy SE.svg
140-155
Socesor:
Nicetu