Tracia

Coordenaes: 42°N 26°E / 42°N 26°E / 42; 26
De Wikipedia
Tracia
Alministración
Tipu d'entidá rexón histórica
Xeografía
Coordenaes 42°N 26°E / 42°N 26°E / 42; 26
Llenda con Antigua Grecia
Demografía
Cambiar los datos en Wikidata
Macedonia, Tracia, Iliria, Mesia y Dacia

Tracia[1][2] (en griegu Thrákē) ye una rexón histórica que, na so dómina, s'espardía dende Macedonia pal mar Negru y el mar de Mármara; y dende'l mar Exéu pa col ríu Danubiu. Ocupa la punta sureste de la Península Balcánica y comprende'l nordeste de Grecia, el sur de Bulgaria y la zona europea de Turquía; les sos llendes camudaron al traviés del tiempu. Los montes Ródope separten la Tracia griega de la búlgara y el ríu Maritsa separta la turca de la griega.

Les ciudaes principales de la zona son Estambul, Gallipoli, Edirne y Tekirdag toes elles na república turca, especialmente ye una rexón agrícola u se produz tabacu, arroz, trigu, algodón, aceite d'oliva y frutes.

Historia[editar | editar la fonte]

Na Antigüedá tuvo habitada por numberoses tribus y clanes pertenecientes a los tracios que, a diferencia de los macedonios, enxamás absorbieron la cultura griega, y formaben pequeños reinos independientes. Hacia'l 600 e.C. los griegos sometieron a los tracios y los emplegaron como mineros nes sos mines d'oru y plata.

Dempués pasaron a dominiu persa y pal añu 46 Claudiu conquista la rexón pal Imperiu romanu, lo que benefició sobremanera a Tracia. Sicasí coles invasiones bárbares del sieglu III esta zona ye davezu campu de guerres y batalles.

Nel sieglu VII, el norte pasa a manes búlgares y el sur al Imperiu bizantín y asina caltiénse, con pequeños cambeos, ta 1453 cuando tola rexón cai xunto al Imperiu en manes turques.

Historia moderna y contemporánea[editar | editar la fonte]

En 1878, el norte de Tracia foi anexonáu pola provincia de Rumelia del Este, entidá búlgara autónoma perteneciente al Imperiu otomanu. Pero en 1885 Bulgaria toma la provincia de Rumelia, conociéndose dende entós baxo'l nome de Tracia únicamente a la parte sur, qu'entá siguía en posesión turca.

L'actual configuración división de la rexón débese a dos alcuerdos, el Tratáu de Neuilly, 1919 y el Tratáu de Lausana, esti entamaba'l ríu Maritsa como fastera ente la Tracia griega y la turca.

Referencies[editar | editar la fonte]

  1. Esti términu apaez nel Diccionariu de l'Academia de la Llingua Asturiana. Ver: traciu, -a, -o
  2. Esti topónimu apaez na traducción al asturianu de los Mapes de l'Associació Bíblica de Catalunya
    Esta fonte emplégase como referencia dende'l puntu de vista llingüísticu.