Cebada

De Uiquipedia
Saltar a: navegación, buscar
Uiquipedia:Llista d'artículos que toa Wikipedia tien que tener
Cebada
Cebada
Cebada
Clasificación científica
Reinu: Plantae
División: Magnoliophyta
Clas: Liliopsida
Orde: Poales
Familia: Poaceae
Xéneru: Hordeum
Especie: H.vulgare
Nome binomial
Hordeum vulgare
L.,

La cebada (Hordeum vulgare Ordio, en aragonés, Ordi en catalán, Orzo n'italianu y Orgu[1] en delles estayes d'Asturies (centru-oriente), magar que nun se recueye nel DALLA) ye una planta monocotiledónea añal perteneciente a la familia de les poácees (gramínees), al empar, ye un cereal de gran importancia tanto p'animales como pa humanos y anguaño el quintu cereal más collecháu nel mundu (53 millones d'hectárees o 132 millones d'acres).

La planta[editar | editar la fonte]

La cebada cultívase principalmente en climes templaos como collecha de primavera y xeneralmente la so distribución ye asemeyada a la del trigu. La cebada xorrez enforma en estayes drenaes, que nun necesiten ser tan vicioses (fértiles) como les dedicaes al trigu.

El raigón de la planta de cebada ye fasciculáu y nel puen identificase raigones primarios y secundarios. Los raigones primarios fórmense pol xorrecimientu de la radícula y esapaecen na planta adulta, época na que se desendolquen los raigones secundarios dende la base del tallu con delles ramificaciones.

El tallu de la cebada ye una caña güeco que presenta de siete a ocho enteñudos, separtaos por diafragmes ñudosos. Los enteñudos son más llargos a midida que'l tallu medra dende la rexón basal. El númberu de tallos en cada planta ye un númberu variable; ca ún de los cuales tien una espiga.

Les fueyes tán ensamaes pola casulla basal y la llámina, les cuales tan xuníes pola lígula y presenten dos prollongaciones membranoses denomaes aurícules. Les fueyes afáyense inxertaes a los ñudos del tallu por un sartal o pulvinus que ye un gorrumbu na base de la fueya.

La so espiga ye la inflorescencia de la planta, considérase una prollongación del tallu, que se asemeyáu al de les demás plantes gramínees, presenta reducción del periantio. La función proteutora ye desempeñada poles glumes y las pálees.

El granu de cebada ye de mena ahusao, más gordu nel centru y amenorgando hacia los cabos. La casulla de la cebada (nes menes vestíos), protexe'l granu escontra los depredadores y ye d'utilidá nos procesos de malteáu y cervecería. Representa un 13% del pesu del granu cimbrando d'acordies al tipu, variedá del granu y llatitú plantación.

La cebada tá representada principalmente por dos especies cultivaes: Hordeum distichon L., que s'emplega pa la ellaboración de la cerveza, y Hordeum hexastichon L., que s'usa como forraxe pa alimentación animal; dambes especies puen axuntase baxo'l nome de Hordeum vulgare L. ssp. vulgare.

Producción Mundial[editar | editar la fonte]

País Producción
(millones d'hectárees)
Flag of Russia.svg Rusia 7,2
Flag of Ukraine.svg Ucraína 3,7
Flag of Turkey.svg Turquía 3,6
Flag of Canada.svg Canadá 4,5
Flag of Australia.svg Australia 3,0
Flag of Spain.svg España 3,3
Flag of Morocco.svg Marruecos 2,3
Flag of the United States.svg Estaos Xuníos d'América 2,1
Flag of Iran.svg Irán 1,0
Flag of Iraq.svg Iraq 1,2

Enllaces esternos[editar | editar la fonte]

Referencies y Notes[editar | editar la fonte]

  1. Fonte Diccionario General de la Lengua Asturiana de Xosé Lluis García Arias [1]

Ver tamién[editar | editar la fonte]