Laurenciu

De Wikipedia
Saltar a navegación Saltar a la gueta
Nobeliu ← LaurenciuRutherfordiu
   
 
103
Lr
 
               
               
                                   
                                   
                                                               
                                                               
Tabla completaTabla enantada
Información xeneral
Nome, símbolu, númberu Laurenciu, Lr, 103
Serie química Actínidos
Grupu, periodu, bloque 3, 7, d
Masa atómica 262 u
Configuración electrónica [Rn]5f14 7s27d1
Electrones per nivel 2, 8, 18, 32, 32, 8, 3
Propiedaes atómiques
Estáu(aos) d'oxidación 3
enerxía d'ionización 443.8 kJ/mol
enerxía d'ionización 1428.0 kJ/mol
enerxía d'ionización 2219.1 kJ/mol
Propiedaes físiques
Estáu ordinariu Presuntamente sólidu
Varios
N° CAS 22537-19-5
Valores nel SI y condiciones normales de presión y temperatura, sacante que se diga lo contrario.
[editar datos en Wikidata]

El laurenciu ye un elementu químicu sintéticu, de símbolu Lr (antiguamente yera Lw) y númberu atómicu 103. Recibio'l so nome n'honor d'Ernest Lawrence, inventor del ciclotrón, un aparatu utilizáu pa descubrir dellos elementos radioactivos artificiales. El laurenciu ye un metal radioactivu, el décimuprimeru de los elementos transuránicos y, al tiempu, el caberu de los elementos de la serie de los actínidos. Neto que tolos demás elementos con númberu atómicu perriba de 100, la única forma de producilu ye bombardeando elementos más llixeros con partícules cargaes nún acelerador de partícules. Conócense anguaño doce isótopos del laurenciu. El más estable ye'l 266Lr, que tien una vida media d'once hores, magar qu'el que más se utiliza, porque ye más fácil de producir a gran escala, ye'l 260Lr, que tien una vida media de 2,7 minutos.

Los esperimentos químicos tienen confirmao qu'el laurenciu compórtase como un homólogu, más pesáu, del luteciu, y que ye un elementu trivalente. Esto permite clasificalu como'l primeru de los metales de transición del séptimu periodu. Por embargu, la so configuración electrónica ye anómala pa esta posición de la tabla periódica, una y bones tien una configuración s²p en cuenta de la s²d del so homólogu, el luteciu. Esto indica qu'el laurenciu ye más volátil de lo esperable pola so posición na tabla periódica, teniendo una volatilidá comparable a la del plomu.

Nes décades de 1950, 1960 y 1970 dellos llaboratorios de la Xunión Soviética y los Estaos Xuníos reclamaron pa sigo la síntesis, en calidaes variables, del laurenciu. La prioridá del descubrimientu, y con ella la decisión del nome del elementu, foi reconocida pa los estauxunidenses pola Unión Internacional de Química Pura y Aplicada. En 1997, por embargu, reevaluose esta decisión, y magar que se-yos reconoció a estauxunidenses y soviéticos al empar el reconocimientu de la so síntesis, caltúvose'l nome del elementu.


Icono de esbozo
Esti artículu ye un entamu. Pues ayudar a la Wikipedia n'asturianu ampliándolu.