Isótopu radioactivu

De Wikipedia
Isótopu radioactivu
nucleido (es) Traducir
Cambiar los datos en Wikidata

Un isótopu radioactivu d'un elementu carauterízase por tener un nucleu atómicu inestable (pol balance ente neutrones y protones) y emitir enerxía cuando camuda d'esta forma a una más estable. La enerxía lliberada al camudar de forma pue deteutase con un contador Geiger o con una película fotográfica.

Cada isótopu tien una vida media carauterística. La enerxía pue ser lliberada, principalmente, en forma de rayos alfa (nucleos d'heliu), beta (electrones) o gamma (enerxía electromagnética).

Hai varios isótopos radioactivos artificiales con usos en medicina. Por exemplu, l'isótopu del taliu pue usase pa identificar vasos sanguíneos bloquiaos. Hai varios isótopos radioactivos naturales que s'usen pa reconstruyir cronoloxíes, como por exemplu les arqueóloxiques.