Felipe V d'España

De Wikipedia
Felipe V d'España
Rei d'España

6 setiembre 1724 - 9 xunetu 1746
Lluis I d'España - Fernandu VI d'España
jefe de Estado de España (es) Traducir

6 setiembre 1724 - 9 xunetu 1746
Rei d'España

7 setiembre 1714 - 15 xineru 1724
← ensin valor - Lluis I d'España
jefe de Estado de España (es) Traducir

7 setiembre 1714 - 15 xineru 1724
monarca de la Corona de Castilla (es) Traducir

16 payares 1700 - 7 setiembre 1714
Carlos II d'España - ensin valor →
monarca de la Corona de Aragón (es) Traducir

16 payares 1700 - 29 xunu 1706
Carlos II d'España - Carlos VI del Sacru Imperiu Romanu Xermánicu
rey de Cerdeña (es) Traducir

16 payares 1700 - xunetu 1713
Duque de Anjou (es) Traducir

Vida
Nacimientu Versalles[1]19 d'avientu de 1683[2]
Nacionalidá Bandera de Francia Reinu de Francia
Reformismu borbónicu [3]
Llingua materna francés
Muerte Madrid[4]9 de xunetu de 1746[2] (62 años)
Sepultura Mausoleo de Felipe V de España (es) Traducir
Palaciu Real de La Granxa de San Ildefonso
Causa de la muerte accidente vascular cerebral
Familia
Padre Luis de Francia
Madre María Ana Victoria de Baviera
Casáu con María Lluisa Gabriela de Saboya (1701 – )[5]
Isabel Farnesio (1714 – )[5]
Fíos/es
Hermanos/es
Familia
Pueblu Casa los Borbones n'España
Estudios
Llingües falaes castellanu
francés
Oficiu gobernante, políticucoleicionista d'arte
Premios
Creencies
Relixón Ilesia Católica
Cambiar los datos en Wikidata

Felipe V d'España, llamáu «l'Animosu» (19 d'avientu de 1683Versalles – 9 de xunetu de 1746Madrid) foi rei d'España dende'l 16 de payares de 1700 hasta la so muerte en 1746, con una curtia interrupción (entendida ente'l 16 de xineru y el 5 de setiembre de 1724) por causa de l'abdicación a favor del so fíu Lluis I, fináu prematuramente el 31 d'agostu de 1724.

Como bisnietu de Felipe IV, foi'l sucesor del últimu monarca de la Casa d'Austria, el so tíu-güelu Carlos II, polo que se convirtió nel primer rei de la Casa de Borbón n'España. El so reináu de 45 años y 3 díes (partíu, como yá se señaló, en dos periodos separaos) ye'l más enllargáu na historia de la monarquía española.

Reináu[editar | editar la fonte]

Felipe de Borbón, duque de Anjou, nació en Versalles como segundu de los fíos de Lluis, Gran Delfín de Francia y de María Ana de Baviera. Por tanto, yera nietu del rei francés Lluis XIV y María Teresa d'Austria, nacida infanta d'España, y bisnietu de Felipe IV d'España, de la Casa d'Austria.

Carlos II nomó herederu al so sobrín-nietu Felipe, cola esperanza de que Lluis XIV evitara la división del so imperiu, al ser el so propiu nietu'l rei d'España. Poco dempués, el 1 de payares de 1700, morría Carlos II y Felipe de Borbón, duque de Anjou, aceptaba la Corona'l 16 de payares.

Tres esto, l'Imperiu español y toles monarquíes europees —sacante la Casa d'Austria— reconocieron al nuevu rei. Felipe V dexó Versalles el 4 d'avientu y entró n'España por Irún el 22 de xineru de 1701, y realizó la so entrada triunfal en Madrid el 18 de febreru.

Grandes armes de Felipe V con mantu real, cimera real de Castiella y el lema «A solis ortu usque ad occasum» (Dende la salida del sol hasta'l ocaso), deriváu de la famosa frase atribuyida a Felipe II: «Nos mios dominios nun se pon el sol», faciendo referencia a que'l sol nunca se ponía nos territorios españoles, pos tomaben los dos hemisferios. Tamién s'inclúi la palabra Santiago, en referencia al Santu Patrón d'España, Santiago'l Mayor, y más concretamente al lema tradicional «Santiago y cierra España». Fueron utilizaes por Lluis I y más tarde, por Fernando VI, tres la muerte del so padre. Al morrer esti postreru ensin descendencia, el so hermanu Carlos VII de Nápoles xubió al tronu como Carlos III y modificó el blasón central y, poro, los estandartes que porten los ánxeles.

Guerra de Sucesión Española (1701-1716)[editar | editar la fonte]

La guerra de Sucesión yera un conflictu internacional, pero tamién un conflictu civil, pos mientres la Corona de Castiella y Navarra calteníen fieles al candidatu borbónicu, la mayor parte de la Corona d'Aragón, especialmente pola medrana de la burguesía y la nobleza a perder los sos enormes privilexos económicos, emprestó'l so sofitu al candidatu austriacu. Nel interior los combates fueron favorables a les tropes felipistas, que tres la victoria de Almansa (1707) llograron el control sobro Aragón y Valencia.

En 1711 l'archiduque Carlos foi escoyíu emperador de Sacru Imperiu. Les potencies europees, medroses agora del escesivu poder de los Habsburgo, retiraron les sos tropes y roblaron ese mesmu añu'l Tratáu de Utrecht, nel qu'España perdía les sos posesiones n'Europa y caltenía los territorios metropolitanos (a excepción Xibraltar y Menorca, que pasaron a Gran Bretaña) y de ultramar. Sicasí, Felipe foi reconocíu como llexítimu rei d'España por tolos países, con esceición del archiduque Carlos, entós yá emperador, que siguía reclamando para sí mesmu'l tronu español.

Política interior[editar | editar la fonte]

Los Decretos de Nueva Planta (Decretu de 1707 para Aragón y Valencia, de 1715 para Mallorca y de 1716 para Cataluña) impunxeron el modelu xurídicu, políticu y alministrativu castellán nos territorios de la Corona d'Aragón, que tendieren, especialmente en Cataluña, a sofitar les pretensiones del candidatu austriacu. Solo les Provincies Vascongadas y Navarra, según el Valle de Arán, caltuvieron los sos fueros ya instituciones forales tradicionales pola so demostrada fidelidá al nuevu rei mientres la Guerra de Sucesión Española. Asina, l'Estáu entam en provincies gobernaes por un Capitán Xeneral y una audiencia, que s'encargaron de l'alministración con total llealtá al gobiernu de Madrid. Amás, para l'alministración económica y financiera establecieron les Intendencies provinciales, siguiendo'l modelu francés, lo que traxo l'apaición de la figura de los intendentes.

Pactos de Familia[editar | editar la fonte]

Los Pactos de Familia fueron trés aliances alcordaes en distintes feches del xviii ente les monarquíes d'España y Francia. Deben el so nome a la relación de parentescu esistente ente los reis firmantes de los pactos, toos ellos pertenecientes a la Casa de Borbón. España dio cuenta de que-y convenía una política d'amistá con Francia, polo que se robló un alcuerdu pol que s'amestaben militarmente. Dos d'ellos robláronse na dómina de Felipe V, y los pactos llevaron a España a una serie de guerres europees de la dómina:

  • Primer pactu: robláu en 1734, fai qu'España intervenga na guerra de sucesión de Polonia, qu'acaba col tratáu de Viena en 1738. Nesti tratáu, el príncipe Carlos llogra Nápoles y Sicilia.
  • Segundu pactu: España entra na guerra de sucesión d'Austria en 1743, y cuando acaba esta guerra en 1748, Felipe V morriera, y pol tratáu de Aguisgrán, el príncipe Felipe llogra los ducaos de Parma, Plasencia y Guastalla.

Fallecimientu[editar | editar la fonte]

Mientres los últimos años del so reináu, la enfermedá mental y el deterioru físicu de Felipe V fuéronse acentuando, puede apreciase al rei n'obres célebres de los pintores franceses, como Jean Ranc y Van Loo, reparose'l cansanciu que presenta, productu de problemes alimenticios y males psicolóxicos, hasta que na nueche del 9 de xunetu de 1746 morrió d'un ataque cerebrovascular.[7][8] Apenes trescurrida una selmana de la muerte del so padre, el nuevu rei Fernando VI —l'únicu fíu varón del so primer matrimoniu que-y sobreviviera— ordenó a la so madrasca, la reina viuda Isabel Farnesio —quien sometiera a los príncipes d'Asturies a una especie de «arrestu domiciliariu» mientres casi quince años—, qu'abandonara'l palaciu real del Bon Retiru y colárase a vivir a una casa de la duquesa de Osuna, acompañada de los sos fíos, los infantes Lluis y María Victoria. Al añu siguiente foi desterrada de Madrid y la so residencia quedó afitada nel palaciu de La Granxa de San Ildefonso. Cuando la reina viuda protestó per mediu d'una carta na que-y dicía al rei que «deseyaría saber si falté en daqué para enmendarlo», Fernando VI respondió-y con otra misiva na que dicía: «lo que yo determino nos mios reinos nun almite consulta de naide antes de ser executáu y obedecíu»—.[9]

Matrimonios y fíos[editar | editar la fonte]

Primer matrimoniu[editar | editar la fonte]

Felipe V d'España contraxo matrimoniu cola so prima, María Luisa Gabriela de Saboya (17 de setiembre de 1688-14 de febreru de 1714), el 2 de payares de 1701 y tuvieron cuatro fíos, ente los que destaquen el rei Lluis I d'España (1707-1724)

Segundu matrimoniu[editar | editar la fonte]

Contraxo segundes nupcias con Isabel Farnesio (25 d'ochobre de 1692-11 de xunetu de 1766) el 24 d'avientu de 1714; tuvieron siete fíos, ente los que destaquen Carlos III d'España (1716-1788).

Semeya de la familia de Felipe V, por Louis-Michel van Loo (c. 1743). Oleu sobro llenzu, 408 x 520 cm, Muséu del Prado (Madrid); na semeya #reparar al infante Fernando d'España (futuru Fernando VI), a la so esposa, Bárbara de Braganza, a los reis Felipe V ya Isabel Farnesio, al Infante Felipe (futuru duque de Parma) cola so esposa Luisa Sabela de Borbón, a la Infanta Mariana Victoria d'España, al Infante Don Carlos (futuru Carlos III), cola so esposa, María Amalia de Sajonia, y a les Infantes María Antonia, María Teresa Rafaela ya Isabel.

Ancestros[editar | editar la fonte]

Predecesor:Carlos II d'España



Rei d'España 1700-1724 Sucesor:Lluis I
Duque de Milán1700-1706 Sucesor:Carlos de Habsburgo (intitulado como Carlos III d'España)
Rei de Nápoles1700-1707
Rei de Cerdeña1700-1708
Soberanu de los Países Baxos 1700-1711 Sucesor:Maximiliano II Manuel de Baviera
Rei deSicilia1700-1713 Sucesor: Víctor Amadeo II de Saboya
Predecesor:Lluis I Rei d'España1724-1746 Sucesor:Fernando VI

Referencies[editar | editar la fonte]

  1. Afirmao en: Gemeinsame Normdatei. Data de consulta: 11 avientu 2014. Llingua de la obra o nome: alemán. Autor: Biblioteca Nacional d'Alemaña.
  2. 2,0 2,1 Afirmao en: Gemeinsame Normdatei. Identificador GND: 119186640. Data de consulta: 13 agostu 2015. Llingua de la obra o nome: alemán. Autor: Biblioteca Nacional d'Alemaña.
  3. «LIBRIS» (1r ochobre 2012). Consultáu'l 24 agostu 2018.
  4. Afirmao en: Gemeinsame Normdatei. Data de consulta: 31 avientu 2014. Llingua de la obra o nome: alemán. Autor: Biblioteca Nacional d'Alemaña.
  5. 5,0 5,1 Identificador de persona en The Peerage: p10307.htm#i103064. Data de consulta: 7 agostu 2020.
  6. Afirmao en: The Peerage. Llingua de la obra o nome: inglés. Autor: Darryl Lundy.
  7. Voltes, 1998.

Enllaces esternos[editar | editar la fonte]


Predecesor:
Carlos II
Rei d'España
1700 - 1724
Socesor:
Lluis I
Predecesor:
Lluis I
Rei d'España
1724 - 1746
Socesor:
Fernandu VI