Fernandu VI d'España

De Wikipedia
Saltar a navegación Saltar a la gueta
Fernandu VI d'EspañaPicto infobox character.png
Ferdinand VI of Spain.jpg
Escudo Felipe VI de España.svg
Rei d'España

9 xunetu 1746 - 10 agostu 1759
Felipe V d'España - Carlos III d'España
jefe de Estado de España (es) Traducir

9 xunetu 1746 - 10 agostu 1759
Felipe V d'España - Carlos III d'España
Vida
Nacimientu

Madrid[1]23  de setiembre de 1713

[2]
Nacionalidá Flag of Spain.svg España
Muerte

Villaviciosa de Odón[1]10  d'agostu de 1759

[3] (45 años)
Sepultura Mausoleo de Fernando VI de España (es) Traducir
Familia
Padre Felipe V d'España
Madre María Lluisa Gabriela de Saboya
Casáu con Bárbara de Bragança  (19 xineru 1729, 20 xineru 1729 - [4]
Hermanos/es
Familia
Pueblu Ca los Borbones n'España
Estudios
Llingües falaes castellanu
Oficiu gobernante
Premios
Creencies
Relixón Ilesia Católica
FirmaFernandoVI.jpg
Cambiar los datos en Wikidata

Fernando VI d'España (23  de setiembre de 1713Madrid – 10  d'agostu de 1759Villaviciosa de Odón), llamáu «el Prudente» o «el Xustu», foi rei d'España dende 1746 hasta la so muerte. Foi'l tercer fíu de Felipe V y de la so primer esposa María Luisa Gabriela de Saboya. Casose na Catedral de San Juan Bautista de Badayoz con Bárbara de Braganza en 1729, que foi reina d'España hasta la so muerte en 1758.

Cuando Fernando nació'l 23 de setiembre de 1713 —siendo bautizáu ensin gran solemnidá na ilesia franciscana de San Gil, el 4 d'avientu— tenía per delantre na sucesión al tronu a dos hermanos mayores Luis y Felipe Pedro, nacíos en 1707 y 1712, respectivamente —un tercer hermanu, mayor qu'él, morriera en 1709 al poco de nacer. Pero cuando tenía seis años finó Felipe Pedro, polo que Fernando quedó'l segundu na sucesión tres el príncipe d'Asturies, Luis, seis años mayor qu'él.[5]

La infancia de Fernando tuvo marcada pol fechu de que la so madre, la reina María Luisa Gabriela de Saboya, finó a los cinco meses de la so nacencia, y de qu'el so padre contraxo nueves nupcias siete meses dempués d'haber enviudado cola princesa del ducáu de Parma, Isabel de Farnesio, que-y dio seis fíos qu'espolletaron —el primeru foi l'infante Carlos nacíu'l 20 de xineru de 1716. Asina la nueva reina esmolecióse más pola suerte y el futuru de los sos propios fíos —dedicando tolos sos esfuerzos en consigui-yos n'Italia un estáu propiu sobro'l que pudieren reinar, lo que determinó en bona midida la política esterior de la Monarquía de Felipe V mientres les décades siguientes—, que pola de los sos fiyascos. Amás, el ríxidu protocolu de la corte torgaba'l contactu directu de los príncipes colos reis —nin comíen xuntos, nin asistíen a actos oficiales colos sos padres—, asina que Luis y Fernando comunicaron col so padre —y cola so madrasca— al traviés de cartes escrites en francés, que yera la llingua qu'utilizaba la familia.[6]

El reináu[editar | editar la fonte]

Cuando llegó al tronu, España atopábase somorguiada na guerra de sucesión austriaca, que terminó al poco tiempu (Paz de Aquisgrán, 1748) ensin nengún beneficiu para España. Empezó'l so reináu esaniciando la influencia de la reina viuda Isabel de Farnesio y del so grupu de cortesanos italianos. Establecida la paz, el rei impulsó una política de neutralidá y paz nel esterior para faer posible un conxuntu de reformes internes. Los nuevos protagonistes d'estes reformes fueron el Marqués del Ancón, francófilo; y José de Carvajal y Lancaster, partidariu de l'alianza con Gran Bretaña. El bracéu ente dambos terminó en 1754 al morrer Carvajal y cayer Ancón, pasando Ricardo Wall a ser el nuevu home fuerte de la monarquía.

Dalgunos de los más importantes proyectos mientres el reináu fueron llevaos a cabu pol marqués de la Ensenada, secretariu de Facienda, Marina ya Indies. Plantegó la participación del Estáu pa la modernización del país. Para ello yera necesariu caltener una posición de fuerza nel esterior por que Francia y Gran Bretaña consideraren a España como aliada, ensin qu'ello supunxera unu arrenunciu de Xibraltar.

Referencies[editar | editar la fonte]

  1. 1,0 1,1 Afirmao en: Diccionario biográfico español. Identificador DBE: 10095/fernando-vi. Apaez como: Fernando VI. Data de consulta: 9 ochobre 2017. Editorial: Real Academia de la Historia. Llingua de la obra o nome: castellanu. Data d'espublización: 2011.
  2. Afirmao en: Encyclopædia Britannica Online. Identificador Encyclopædia Britannica Online: biography/Ferdinand-VI. Apaez como: Ferdinand VI. Data de consulta: 9 ochobre 2017. Llingua de la obra o nome: inglés.
  3. Afirmao en: The Bourbons of Naples. Páxina: 105. Editorial: Faber and Faber. Llingua de la obra o nome: inglés. Data d'espublización: 2009.
  4. Identificador de persona en The Peerage: p10579.htm#i105783. Data de consulta: 7 agostu 2020.
  5. Voltes, 1998, páxs. 13-15.
  6. Voltes, 1998, páxs. 16-19 y 22.

Enllaces esternos[editar | editar la fonte]


Predecesor:
Felipe V
Rei d'España
1746 - 1759
Socesor:
Carlos III
Predecesor:
Luis de Borbón
Príncipe d'Asturies
1724 - 1746
Socesor:
Carlos de Borbón