Venezuela

De Wikipedia
(Redirixío dende Venezolana)
Saltar a navegación Saltar a la gueta
Uiquipedia:Wikipedia:Llista d'artículos que toa Wikipedia tien que tener/Archivu
Venezuela
República Bolivariana de Venezuela
Flag of Venezuela.svg Coat of arms of Venezuela.svg
Bandera de Venezuela Escudu de Venezuela
Lema nacional Dios y Federación¹
Himnu nacional Gloria al Bravo Pueblo
Alministración
Nome oficial República Bolivariana de Venezuela
Bolivarian Republic of Venezuela
Capital Caraques
Forma de gobiernu Estáu socialista
Presidente de Venezuela Nicolás Maduro
Presidente de Venezuela Nicolás Maduro
Llingües oficiales castellanu y Llingua de señes venezolana
División
Xeografía
Coordenaes 8°N 67°W / 8°N 67°W / 8; -67Coordenaes: 8°N 67°W / 8°N 67°W / 8; -67
VEN orthographic.svg
Superficie 912050 km² (puestu 32)
% agua 0.3%
Costes 3.000 km aprox.
Llendes 4.700 km aprox.
Llenda con Colombia, Brasil, Guyana, República Dominicana, Trinidá y Tobagu, Saint Kitts y Nevis, Dominica, Santa Llucía, San Vicente y les Granadines, Granada, Reinu de los Países Baxos, Estaos Xuníos, Francia y Reinu Xuníu
Puntu más altu Picu Bolívar
Puntu más baxu Mar Caribe
Demografia
Población 30 405 207 hab. (2013)
Densidá 33,34 hab/km²
Economía
Moneda Bolívar
PIB nominal 482 359 318 767,7 (2014)
PIB per cápita ()
Más información
Dominiu d'Internet .ve
Códigu telefónicu +58
Códigu ISO 862 / VEN / VE
Estaya horaria UTC−04:00
www.gobiernoenlinea.ve/
Cambiar los datos en Wikidata

Venezuela, oficialmente República Bolivariana de Venezuela ye un país de la costa norte d'América del Sur. Llenda al norte col Mar Caribe y l'Océanu Atlánticu, al sur con Brasil, al oeste con Colombia y con Guyana al este.

Historia[editar | editar la fonte]

Artículu principal: Historia de Venezuela

Política y gobierno[1][editar | editar la fonte]

Organización política[editar | editar la fonte]

La República Bolivariana de Venezuela entamó un procesu de refundación política'l 30 d'avientu de 1999, data na qu'entró en vigor la constitución que los venezolanos aprobaran en referendu el 15 d'avientu d'esi añu pa sustituyir la de 1961. La llamada "Bolivariana" o "La Bicha" pol presidente Chávez tien nueve títulos, 360 artículos, 18 disposiciones transitories, una disposición derogatoria y una final. Acordies con ella el Poder Públicu ta integráu polos poderes Municipal, Estatal (rexonal) y Nacional. El caberu divídese, pela so banda, en Executivu, Llexislativu, Xudicial, Ciudadanu (que compriende al Defensor del Pueblu, la Fiscalía Xeneral y la Contraloría) y l'Electoral (formáu pol Conseyu Nacional Electoral).

El poder executivu exércelu'l presidente de la república, que ye elexíu por sufraxu universal pa un periodo de seis años. La constitución, que creó la figura del vicepresidente de la república, nun impide qu'el presidente pueda ser reelexíu les veces que quiera. El muérganu del poder llexislativu ye l'Asamblea Nacional, unicameral, con miembros escoyíos con representación proporcional de la población y, amás, trés diputaos por cada rexón. Los indíxenes tienen garantizada por llei una representación de polo menos trés lexisladores. Tocántenes al poder xudicial, el so muérganu cimeru ye'l Tribunal Supremu de Xusticia, una institución que tien autonomía financiera, alministrativa y funcional. Una de les sos sales, la Constitucional, resuelve los conflictos que se deriven de la interpretación de la Constitución.

El poder electoral exércelu'l Conseyu Nacional Electoral como muérganu cimeru d'una estructura qu'inclúi tamién a la Xunta Electoral Nacional y la Comisión de Participación Política y Financiamientu. El poder ciudadanu, pela so banda, exércelu'l Conseyu Moral Republicanu, que ta integráu polos titulares de la Defensoría del Pueblu, la Fiscalía Xeneral de la República y la Contraloría Xeneral de la República. Estes instituciones tienen l'encargu de: prevenir, investigar y sancionar les acciones qu'atenten escontra la ética pública y la moral alministrativa; vixilar la buena xestión y la llegalidá de les actuaciones nel usu del patrimoniu públicu; vixilar el cumplimientu del principiu de llegalidá en toa l'actividá alministrativa del Estáu; promover la educación como procesu creador de la ciudadanía; y promover la solidaridá, la llibertá, la democracia, la responsabilidá social y el trabayu.

Tres de la so reelección el 3 d'avientu de 2006 el presidente Hugo Chávez anunció una reforma d'esta Constitución, y pidió-y a l'Asamblea Nacional qu'aprobara una llei "habilitante" pa dá-y poderes especiales durante 18 meses. Mandó tamién nacionalizar la principal empresa de telecomunicaciones del país (CANTV) y delles empreses elléctriques, amás de les asociaciones con multinacionales petroleres na Faza Petrolífera del Orinocu. Chávez propuso modificar 33 artículos de la Constitución, y l'Asamblea, tres d'aldericar un tiempu, otros 36 más. El nuevu proyeutu constitucional foi puestu a referendu el 2 d'avientu de 2007 y refugáu pola población. Sicasí el presidente, tres de reconocer la so derrota, insistió na necesidá de reformes p'avanzar hacia lo qu'elli llama "socialismu del sieglu XXI".

Nes elecciones municipales y rexonales de 2008, nes que participaron el 65,45% de les persones con derechu a votar, el Partíu Socialista Xuníu de Venezuela (PSUV), fundáu por Chávez, sacó cinco millones de votos, algamando la victoria en 17 de les 22 gobernaciones y nel 80% de los conceyos del país. El 15 de febreru de 2009 púnxose a referendu otra vuelta una reforma constitucional, qu'incluyía'l derechu del presidente a presentase a más d'una reelección. Esta vez la reforma foi aprobada, lo que-y permitió a Chávez volver a presentase nes elecciones d'avientu de 2012.

Les elecciones parllamentaries de setiembre de 2010 renovaron los 165 escaños de l'Asamblea Nacional, que quedó tres d'elles con 98 miembros chavistes y 67 opositores. Esto marcó la vuelta de la oposición al múerganu llexislativu, una y bones cinco años antes, nes caberes elecciones parllamentaries, renunciaran a participar col envís de desllexitimar al chavismu, que tuvo gracies a esa acción cinco años de control total del parllamentu.

La situación de transición na que vive'l país por culpa la cabera operación quirúrxica que-y prauticaron a Chávez en L'Habana n'avientu de 2012 pa curalu d'un cáncer tien un resultáu inciertu, una y bones nun ye seguru qu'el presidente vaiga poder facese cargu de les sos responsabilidaes. De nun poder diba abrise otru procesu d'elección presidencial nel país. La victoria de la oposición habría provocar, de xuru, nuevos cambios nel ordenamientu constitucional del país.

Xeografía[editar | editar la fonte]

Artículu principal: Xeografía de Venezuela

Venezuela tien una superficie de 916.445 km² y pue dividise en 8 rexones naturales:

  • Los Andes
  • Llagu de Maracaibo
  • Insular
  • Cordillera de la Costa
  • Sistema Deltaico
  • Los Llanos
  • Sur del Orinoco o Guayana
  • Sistema Coriano

Organización políticu-alministrativa[editar | editar la fonte]

Venezuela ye una república federal dividía en 23 estaos, el Distritu Capital (onde ta la ciudá de Caraques), 72 dependencies federales (islles, isllotes y cayos). Tamién reclama'l territoriu de la Guayana Esequiba.

Cada estáu ta dividíu en conceyos y estos en parroquies. En total hai 335 conceyos y 1.065 parroquies.

En Venezuela tamién hai un ordenamientu por rexones políticu-alministratives, qu'agrupa alos estaos según les sos carauterístiques sociales, económiques y tradicionales. Son les siguientes:

Economía[editar | editar la fonte]

Artículu principal: Economía de Venezuela

Demografía[editar | editar la fonte]

Relixón[editar | editar la fonte]

Un 86% de la población ye católica; el restu practiquen otres relixones, sobre too'l protestantismu.

Fiestes[editar | editar la fonte]

Fiestes
Fecha Nome
1 de xineru Añu Nuevu
6 de xineru Epifanía del Señor
Llunes y martes
antes del Miércoles de Ceniza
Carnaval
Xueves y Viernes santu Semana Santa
19 de marzu Día de San Xosé
19 d'abril Declaración de la Independencia
1 de mayu Día del Trabayador
24 de xunu Batalla de Carabobo y Día del Exércitu
5 de xunetu Día de la Independencia
24 de xunetu Nataliciu de Simón Bolívar y
Día de l'Armada
12 d'ochobre Día de la resistencia indíxena
1 de payares Día de Toos los Santos
8 d'avientu Inmaculada Concepción
25 d'avientu Navidad

Cultura[editar | editar la fonte]

Deportes[editar | editar la fonte]

Los deportes más practicaos en Venezuela son el béisbol, el baloncestu, boxeo y el fútbol.

Símbolos Nacionales[editar | editar la fonte]

En Venezuela amás de reconocese a la bandera, l'himnu y l'escudu como símbolos nacionales hai elementos típicos de la flora y fauna nacional que tamién lo son:

Referencies[editar | editar la fonte]

  1. Los datos recoyíos nesti apartáu tán sacaos del Anuario Iberoamericano 2012 del Real Institutu Elcano y l'Axencia Efe. Disponible en http://www.anuarioiberoamericano.es/

Enllaces esternos[editar | editar la fonte]


Países d'América
Antigua y Barbuda | Arxentina | Les Bahames | Barbados | Belize | Bolivia | Brasil | Canadá | Chile | Colombia | Costa Rica | Cuba | Dominica | República Dominicana | Ecuador | Estaos Xuníos d'América | Granada | Guatemala | Guyana | Haití | Hondures | Méxicu | Nicaragua | Panamá | Paraguái | Perú | El Salvador | Saint Kitts y Nevis | Saint Lucia | San Vicente y les Granadines | Surinam | Trinidad y Tobago | Uruguái | Venezuela | Xamaica

Dependencies: Anguilla | Les Bermudes | Islles Caimán | Clipperton | Guadalupe | Guyana Francesa | Groenlandia | Islles Malvines | Islles Turques y Caicos | Montserrat | Martinica | Puertu Ricu | Shag Rocks | Xeorxa del Sur y Sandwich del Sur