Noreña

Noreña
Bandera de Noreña Escudu de Noreña
Alministración
País	España
Autonomía	Principáu d'Asturies
Provincia	Provincia d'Asturies
Partíu xudicial	Siero
Tipu d'entidá	conceyu
Capital	Noreña
Alcalde de Noreña	César Movilla Anta
Nome oficial	Noreña (es)
Xeografía
Coordenaes	43°23′38″N 5°42′24″W
Superficie	5.29 km²
Llenda con	Siero
Altitú media	207 m
Demografía
Población	5058 hab. (2023)
Densidá	956,14 hab/km²
Xentiliciu
Viviendes	2251 (2011)
Más información
Estaya horaria	UTC+01:00
aytonorena.es

Noreña ye un conceyu y una parroquia d'Asturies. Trátase del conceyu más pequeñu de los 78 que formen el Principáu.

Parroquies

Nᵘ	Nome	Superficie (km²)	% superficie Noreña	Población	% población Noreña	Densidá (hab./km²)
1	Ceis	1,56	29,4929,49%	80	1,581,58%	51,28
2	Noreña	3,84	72,5972,59%	5124, 5091	1 013 149,291 013 149,29%
3	Santa Marina	0,26	4,914,91%	8	0,160,16%	30,77

Economía

Tien la renta per cápita más alta d'Asturies. La economía noreñense sofítase na importante industria chacinera y nel sector servicios. Noreña véndese como la capital gastronómica d'Asturies.

Emplegaos nos diversos sectores económicos (añu 2009)

	Númberu de trabayadores	Tantu por cientu
TOTAL	1.972	100
Agricultura, ganadería y pesca	10	0,51
Industria	652	33,06
Construcción	188	9,53
Servicios	1.122	56,90
* Datos tomaos del Anuariu Estadísticu d'Asturies 2009, SADEI

Usos del suelu del conceyu (añu 2009)

Usu	Superficie (km²)
Tierres de llabrantíu	0,25
Praderíes	2,47
Terrenu forestal	0,37
Otros usos (industrial, residencial, tierra ermo...)	2,57
* Datos tomaos del Anuariu Estadísticu d'Asturies 2009, SADEI

Carauterístiques del sector primariu (añu 2009)

Ganaderíes de bovín	33
Cabeces de ganáu bovín	309
Cabeces de ganáu ovín	40
Cabeces de ganáu cabrín	0
Ganaderos con cuota llechera	0
Quilos de cuota llechera	0
Metros cúbicos de madera valtao	1.256
* Datos tomaos del Anuariu Estadísticu d'Asturies 2009, SADEI

Xeografía

Ye un enclave nel conceyu de Siero. Caúna de les parroquies de Noreña ta separtada de les demás. Amás, ye'l más pequeñu d'Asturies.

Llenda con parroquies sierenses: al norte cola parroquia de Samartindianes, al sur cola d'Hevia, al este cola de La Carrera y al oeste cola d'Argüeyes.

Planu de la villa de Noreña y llocalización del conceyu en Siero y n'Asturies.

[E]l término de la villa y sus arrabales, ocupa de Oriente a Poniente, medio cuarto de legua largo, y de Norte a Mediodía, otro tanto, a corta diferencia y de circunferencia, por leguas, tendrá una larga, poco más o menos, y, por horas, se terdará dos en andarla rodeándola. Linda al O. y al Mediodía con el río que viene del puente de Agüeria hasta el Rebollar, que está más abajo de la iglesia de la parroquia de Argüelles, y al N. con la de San Martín de Anes, ambas del concejo de Siero, que por todas partes rodea esta Jurisdicción, que hacia el N. termina en el Callejón que llaman de Agüeria y sitio y término de la Cruzada, que hay en el camino real que va a Gijón, y al Poniente, en el camino que va por junto a casa de Juan González, a la fuente de la Reguerina, siguiendo sus aguas y corrientes por los prados de la Gorguera hasta entrarse en dicho río.

Que hay en el término de esta villa y sus arrabales 806 días de bueyes, de los cuales 557 son de tierras de sembradura, que dan un año pan y otro maíz y fabes, mezclado y alternado; 208 de prados, y 41 de tierra brava e inculta y plantada de algunos robles y castaños.

Archivu Xeneral de Simancas,18 de payares de 1751 linen

Historia

Ye causique imposible determinar l'orixe del conceyu. Nun hai constancia de documentu dengún que fale de Noreña como tal hasta principios del sieglu XII. Pa desplicar esti fechu, l'historiador Juan Uría Ríu supunxo que d'esistir dalgún caseríu o población na zona, el llugar llevase otru nome. Tamién almitió la posibilidá de que'l silenciu sea meramente fortuitu; pero inclinóse espresamente pola hipótesis de que'l llugar tomó'l nome del ríu Noreña, qu'aparez citáu como tal en dalgunos documentos.

Alta Edá Media

Castiellu de Noreña nun grabáu del s.XIX

En el año 989 el conde de Gundemaro Piñoliz y su mujer Mumadonna cedieron al obispu Bermudo tierres y casas del llugar de Anasa, en las riberas de Noreña, a cambiu de la ilesia de Santa María de Tol, ente los ríos Ove y Porcía. Nun aparez nel documentu el nome de Noreña referíu a llugar. Esiste un documentu de donación del añu 1103, nel monesteriu de San Pelayo d'Uviéu, pol que María Enalso daba'l monesteriu de San Vicente, la villa de Llames, que, diz, asitiábase cerca de la ciudá. Nesti documentu desllíndense los términos qu'abarcaben, y ente ellos méntase a Noreña.

Baxa Edá Media

En 1151, Gonzalo Peláez y la so muyer Elvira Peláez ficieron donación a San Vicente d'una heredá nomada Noreña: que vulgare vocatur Naurenia, y cinco años depués la mesma Elvira Pérez, modificando les condiciones de l'anterior donación al mesmu monesteriu, conseña n'otru diploma que-y da la metá de la villa llamada Norela: villa vocata Norenia. Nesti documento cuando aparez por primer vez aplicáu inequívocamente'l nome de Noreña a un llugar pobláu. Nesi mesmu documentu, la donante afirma que la villa de Noreña fore del so suegru Pelayo Rodríguez.

A partir del sieglu XII el nome del llugar de Noreña aparez repetidamente conseñáu nos documentos de la época; en dalgunos tamién s'indica que esti territoriu pertenecía a la xurisdicción de Siero. Asina, según un documentu citáu por Uría Riu, en 1189 Fernando Menéndez dona al monesterio de San Vicente una parte de los que tenía en Noreña de Siero.

A entamos del sieglu XIV aparez yá Noreña como xurisdicción independiente, perteneciente al señoríu de Rodrigo Álvarez de Asturias. Dalgunos xenealoxistes, dende'l sieglu XVII, suelen mentar como señor de Noreña al padre de Rodrigo Álvarez, Pedro Álvarez de Asturias, mayordomu mayor del rei Sanchu IV. Uría Ríu, basándose na inesistencia de testimonios acreditativos, estimó pol contrario que'l primer señor de Noreña foi'l so fíu Rodrigo, anque parece probao qu'antepasaos suyos poseyeron bienes na parte central d'Asturies. Asina, d'una donación fecha al monesteriu de San Vicente en 1332, sábese qu'una tía suya llamada doña Mayor Álvarez poseía bienes na villa d'Entrialgo y Bimenes.

Y n'otra escritura esistente nel monesteriu de Santa María de Carrizo, que'l P. Carballo examinó, y que foi dada por una doña Sancha Álvarez nel añu 1210, lléese al final cierta memoria espresiva de las distintas heredaes o patrimonios que correspondieron a los fíos de Rodrigo Álvarez y la so muyer Sancha d'Estrada; ellí consta que Pedro Álvarez de Asturias, nació, según Somoza, hacia l'añu 1268: Era una persona bien apuesta y conformada, de ancha y prominente frente, cara prolongada, ojos grandes y buena dentadura. Foi un personaxe importante nas Cortes del rei Alfonsu X de Castiella, Sanchu IV de Lleón y Castiella, Fernandu IV de Lleón y Castiella y Alfonsu XI de Castiella , foi asinamesmo árbitru nes disputes sosteníes por Uviéu con Avilés y Salas, sobre la llibre introducción de pan, vinu, trigo y otras viandes, según documentos de 1315 y 1320 que copia Vigil na so Diplomática oventense. Morrió Rodrigo en 1335, siendo enterráu, por propia voluntá, nel monesteriu de San Vicente. Dexaba como herederu al fíu bastardu d'Alfonsu XI de Castiella y Leonor de Guzmán, don Enrique, al que adoptó y qu'había de llegar a ser rei de Castiella.

En 1350 l'entós conde don Enrique, arriendes del so matrimoniu con Juana Manuel de la Cerda, aporta a Asturies fuxendo del so hermanu Pedru I, p'acoyese a los señoríos qu'heredare nestes tierras; y anque nun ta probao que la fortaleza de Noreña xugase papel dalgún na rebelión qu'enfrentó a ambos hermanos, parez lóxico suponer que residiría dalgún tiempu nella durante los dos años que tuvo nel país.

El sieglu XIX

Fotografía de Noreña enantes del añu 1937

Durante la denomada guerra de la Independencia, los franceses entraron por primer vez en Noreña'l 23 de mayu de 1809. Na llucha de guerrilles algamó sonadía un tal Fombella, zapateru d'oficiu, qu'al mandu d'una numberosa partía fostigaba a los convóis del exércitu francés en territoriu de Siero.

Por Decretu d'avientu de 1826, esapaecieron los cotos xurisdiccionales de señoríu, y Noreña, que lo yera del obispu d'Uviéu, pasó a formar parte del Conceyu de Siero, dende'l 1 de xineru de 1827 hasta finales de 1833 cuando s'independizó, colos cotos que-y pertenecíen, toos separaos del nucleu de mayor población y dientro del territoriu de Siero. Nel añu 1826, los obispos d'Uviéu dexaron de desempeñar les funciones propies como Condes de Noreña (nomando Alcaldes, alministrando xusticia), anque siguieron ostentando'l títulu con calter honoríficu hasta que l'Obispu/Conde Monseñor Francisco Javier Lazurica y Torralba, que tomara posesión en 1949, asumió'l Decretu Vaticanu 12-V-11951. Él y los Arzobispos/ Condes que lu sucedieron dexaron de facer ostentación del títulu nobiliariu de Condes, nun tomando posesión y prescinden de tal símbolu enos sos sellos, insignies y armes, anque'l Condáu de Noreña sigue perteneciendo a la Sede Episcopal, güei Arzobispal.

Mientres el sieglu XIX, Noreña destacó como un importante centru industrial nel centru d'Asturies, tanto dientru del tradicional sector de l'alimentación (cárnicos), como nes industries complementarias d'ésta, el tratamientu del cueru y la fabricación de zapatos, con delles fábriques "modernes" asentaes nel conceyu, y una producción que s'esportaba fuera del Principáu.

Política

Cola muerte de franco y la fin del Franquismu, la Unión de Centro Democrático (UCD) empicipió a gobernar en Noreña na persona de Rafael Junquera García. A partir de 1980 la política llocal centróse n' Aurelio Quirós Argüelles, que gobernó mientres 25 años y con partíos políticos estremaos: CDS, Centristas Asturianos (CAS), URAS y Unión Noreñense Independiente (UNI)). Saliera conceyal nes eleiciones de 1979 siendo'l terceru de la llista d'UCD y dende 1983 ye'l candidatu a l'alcaldía polos partíos enantes mentaos.

En 2005, en metá de llexislatura y cuando gobernaba UNI col PP, Aurelio Quirós dexa la política y l'alcaldía quedando d'alcalde Miguel Ángel Fuente Calleja (PP), anque per pocu tiempu. César Movilla Anta, el nuevu cabezaleru d'UNI, pacta col PSOE un nuevu gobiernu y conviértese n'alcalde. En 2007 celébrense nueves eleiciones a les que Cesar Movilla ya se presenta como candidatu del PSOE, algamando l'alcaldía con un pactu de gobiernu con IU primero y más tarde, tres la salida d'un de los dos conceyales d'IU del gobiernu, tamién col conceyal d'URAS.

Nes eleiciones de 2011, el PSOE vuelve a ganar con Cesar Movilla de candidatu algamando cuatro conceyales. Dende entós, gobierna en minoría con IDEAS que tien una representante, sumando ente dambos grupos cinco de los trece conceyales que componen el Plenu Municipal. La oposición suma ocho, Independientes por Noreña (IPÑ) tien 3 conceyales, dos el PP y con unu tán representaos Frente de la Izquierda (FDLI),Foro Asturias (FAC) y Conceyu Abiertu por Noreña (CA NOREÑA), que sumen ocho conceyales.

Alcaldes y gobiernos municipales dende 1975

Mandatu	Alcalde	Partíu
1975 - 1980	Rafael Junquera García	UCD
1980 - 2005	Aurelio Quirós Argüelles	CDS - CAS - URAS - UNI
2005 - 2005	Miguel Ángel Fuente Calleja	PP
2005 -	César Movilla Anta	UNI - PSOE

Representantes por partíu nes eleiciones municipales de Noreña dende 1979
Partíu	1979	1983	1987	1991	1995	1999	2003	2007	2011
PSOE	4	4	3	2	2	3	3	5	4
IPÑ									3
AP / PP		3	2	2	2	1	3	5	2
FDLI									1
FAC									1
CA Noreña									1
IDEAS									1
PCE / IU / IU-BA / IU-Los Verdes	1	1	1	1	1	1	1	2	0
URAS / URAS-PAS						6	0	1	0
UCD / CDS	4	3	5	6
CAS					6
UNI							4
Independientes	2
Total	11	11	11	11	11	11	11	13	13

Asociaciones

El conceyu cunta con delles asociaciones que desendolquen actividaes diferentes, ente elles les siguientes:

- Academia y Banda de Música Condado de Noreña

- AMPA – Asociación de Madres y Padres del Colegio Publico "Condado de Noreña"

- AMPA –Asociación de Madres y Padresdel Instituto de Educación Secundaria de Noreña.

- APA Colegio Nuestra Señora de Covadonga.

- Asociación Amas de Casa Sta. María de Covadonga.

- Asociación Cultural Contigo

- Asociación Cultural InfoNoreña

- Asociación Cultural Ruiu Nora

- Asociación Ex jugadores Condal C. F.

- Asociación Juvenil Naurenia.

- Asociación de Investigación de Industrias Cárnicas del Principado de Asturias.

- Asociación Prodeficientes Psíquicos Asturias – ADEPAS.

- Banda Gaites. A. F. M. "Villa y Condáu de Noreña"

- Caballeros de la Orden del Sabadiego.

- Cla El corchu.

- Cabalgata de Reyes - COCAR.

- Cofradía de Jesús Nazareno.

- Orfeón Condal de Noreña.

- Peña Azul Noreña.

- Peña El Jarru.

- Peña Sportinguista "Los 50".

- Peña Sportinguista Bar La Iglesia.

- Fundación Solidaridad con Benín.

- Unión Comerciantes de Noreña.

Deportes

Amás de les asoiciaciones yá comentaes, no que se refier a clubes deportivos, Noreña cuenta con clubs como:

• Condal Club
• Club Voleibol Noreña.
• Club Baloncesto Noreña.
• Club BTT Noreña
• Club Judo Noreña.
• Club de Rítmica.
• Peña Bolística Villa de Noreña.
• Torbolín – Deportes de Aventura.

Enllaces esternos

• (castellán) Páxina del Ayuntamientu
• (castellán) Federación Asturiana de Conceyos
• (n'asturianu) (castellán) InfoNoreña.net Archiváu 2011-12-13 en Wayback Machine

• Datos: Q816255
• Multimedia: Noreña