Unión Noreñense Independiente

De Wikipedia
Saltar a navegación Saltar a la gueta
Unión Noreñense Independiente
Acrónimu UNI
Presidente Aurelio Quirós Argüelles
Fundación 2003
Disolución 2007
Sede Noreña
Estáu Bandera d'España España
Ideoloxía política llocalismu
Posición nel espectru centrismu
Cambiar los datos en Wikidata

La Unión Noreñense Independiente (UNI) foi un partíu independiente de calter llocal fundáu por Aurelio Quirós Argüelles pa preséntase a les eleiciones municipales de 2003 y que tuvo actividá hasta 2007, años nos que tuvo gobernando'l conceyu.

Aurelio Quirós, que foi alcalde de Noreña mientres más de 20 años, yá fuere candidatu anteriormente d'URAS en 1999, Centristas Asturianos en 1995 y de CDS en 1991, 1987 y 1983. Nes de 1979 presentóse de terceru na llista de Unión de Centro Democrático y Social (UCD) qu'encabezaba Rafael Junquera García saliendo escoyíu conceyal. Con too, depués de gobernar con mayoría absoluta como URAS, Quirós funda un partíu noreñés pa presentase a les eleiciones de 2003.

UNI gana les eleiciones municipales, algamando 4 conceyales, PSOE y PP queden con 3 conceyales caún ya IU algamó un representante. Aurelio Quirós conviértese n'alcalde y gobierna col PP.

Cola retirada d'Aurelio Quirós a la metada del so mandatu, en 2005, César Movilla Anta conviértese nel cabezaleru d'UNI y Miguel Ángel Fuente Calleja del PP conviértese n'alcalde en funciones. Nesti momentu, la UNI pacta col PSOE y César Movilla conviértese n'alcalde, gobierna en Noreña'l bipartitu UNI-PSOE hasta la final de llexislatura.

La Unión Noreñense Independiente desaparez yá na siguiente cita eleutoral de 2007 y dalgunos de los conceyales de la formación intégrense n'otres llistes ellectorales. Cesar Movilla, conviértese nel candidatu del PSOE, tamién nes llistes d'esti partíu preséntase María Belén Junquera Bobes, pela so parte Daniel González Rajó encabezará la llista d'URAS nes que yá fuere de númberu siete en 1999 cuando la encabezara Quirós y na que tamién s'alcontraben Movilla y Junquera.


Icono de esbozo
Esti artículu ye un entamu. Pues ayudar a la Wikipedia n'asturianu ampliándolu.