Partíu Socialista Obreru Español

De Wikipedia
Saltar a navegación Saltar a la gueta
Partíu Socialista Obreru Español
Fundador/a/es Pablo Iglesias
Presidente Cristina Narbona
Secretaría xeneral Pedro Sánchez Pérez-Castejón
Voceru/a Elena Valenciano
Fundación 2 de mayu de 1879
See Madrid
Estáu Bandera d'España España
Afiliaos 189 167 (2016)
Ideoloxía política centrismu
Posición nel espectru Centroizquierda política
Organización de mocedá Juventudes Socialistas de España
Afiliación europea Partíu de los Socialistes Europeos
Páxina web www.psoe.es/
Cambiar los datos en Wikidata

El Partíu Socialista (PS) (oficialmente en castellanu: Partido Socialista, PS) fúndase col envís de lluchar polos intereses de les clases trabayadores nacíes na revolución industrial y foi evolucionando la so base teórica dende la so fundación iguándose a les circunstancies históriques del entornu européu. Anguaño ye ún de los partíos socialdemócrates europeos.

Orixe[editar | editar la fonte]

Naz en Madrid, el 2 de mayu de 1879, nuna andecha d'intelectuales y obreros, fundamentalmente tipógrafos, encabezaos por Pablo Iglesias.

El primer programa del nuevu partíu políticu aprobóse por cuarenta persones nun congresu, el 20 de xunetu d'esi mesmu añu.

Tuvo una actividá perimportante nos gobiernos progresistes de la Segunda República, siendo illegalizao dempués de la Guerra Civil fasta la Transición. Inda asina tuvo tiempu de facer dellos congresos como'l de Suresnes en 1974, nel qu'anovóse y fixo posible la so victoria nes eleiciones xenerales en 1982, un año dempués del intentu golpista del 23-F.

Llueu, dende 1982 fasta 1996, tuvieron nel gobiernu n'España col presidente Felipe González. Foron años de crisis económica y los gobiernos tuvieron qu'enfrentase cola xuba del paru, y el déficit de la seguridá social. La primer etapa socialista finó col españíu de los crímenes del Gal y fraudes económicos, polo que foi derrotáu nes eleiciones de 1996 que-y dieron el triunfu al PP (Partíu Popular). Llueu de 8 años na oposición el PSOE tornó a algamar la presidencia col cabezaleru José Luis Rodríguez Zapatero, que pertenez a la tercera via, o vía reformista, más cercana al centru izquierda. El 9 de marzu de 2008 el partíu socialista volvió ser el partíu más votau nes eleciones xenerales celebraes en toa España esi dia.

El partíu n'Asturies[editar | editar la fonte]

El 4 d'avientu de 1891 fúndase una Agrupación Socialista en Xixón, n'Uviéu al añu siguiente, y en Mieres y Sama en 1897, xuniéndose toes elles en 1901 na Federación Socialista de la Región Asturiana.

Foi'l partíu más importante d'Asturies durante la Segunda República Española teniendo un protagonismu fundamental na Revolución d'Ochobre y na Guerra Civil Española con dirixentes como Belarmino Tomás y Ramón González Peña.

Tres de la concesión del Estatutu d'Autonomía'l PSOE ganó toles eleiciones autonómiques a escepción del añu 1995 y les de 2011 que'l cabeza de llista yera Javier Fernández Fernández y tuvo la mayoría de votos pero sacó un diputáu menos que FAC.