Eleiciones a la Xunta Xeneral del Principáu d'Asturies de 2011

De Wikipedia
Saltar a navegación Saltar a la gueta

Les eleiciones autonómiques d'Asturies de 2011 celebráronse el domingu 22 de mayu de 2011 con un censu de 987.013 votantes llamaos a escoyer los 45 diputaos de la Xunta Xeneral nes trés circunscripciones eleutorales nes que se xebra la comunidá autónoma asturiana. Tres de la so celebración, con una participación del 67,15% (605.730 votantes), se conforma la octava llexislatura de la Xunta Xeneral dende les primeres eleiciones democrátiques dende 1983.

Resultaos[editar | editar la fonte]

Eleiciones a la Xunta Xeneral del Principáu d'Asturies de 2011

Candidatura Votos % Escaños
Foro Asturias (FAC) 177.588 29,75% 16
Partíu Socialista Obreru Español (PSOE) 177.714 29,77% 15
Partido Popular (PP) 118.930 19,92% 10
Izquierda Xunida-Los Verdes d'Asturies (IU-LOS VERDES) 61.513 10,30% 4
Unión Progreso y Democracia (UPyD) 14.662 2,46%
Independientes de Asturias (IDEAS) 6.337 1,06%
Bloque por Asturies-UNA (BA-UNA) 6.160 1,03%
Frente de la Izquierda (FDLI) 4.572 0,77%
Los Verdes-Grupo Verde (LV-GV) 3.564 0,60%
Unión Asturianista (URAS-PAS) 2.948 0,49%
Partido Antitaurino Contra el Maltrato Animal (PACMA) 1.864 0,31%
Conceyu Abiertu (CONCEYU ABIERTU) 1.529 0,26%
Partíu Comunista de los Pueblos de España (PCPE) 1.417 0,24%
Partido Democrático y Constitucional (PDyC) 1.040 0,17%
Democracia Nacional (DN) 778 0,13%
Frente Nacional - Movimiento Social Republicano (FrN-MSR) 387 0,06%
Alternativa Liberal Social (ALS) 328 0,05%
Unificación Comunista de España (UCE) 10 0%

Eleición del Presidente del Principáu[editar | editar la fonte]

El llunes 11 de xunetu empezó la sesión de invistidura para la eleición del Presidente del Principáu d'Asturies. L'únicu candidatu presentáu foi Francisco Álvarez-Cascos, de Foro Asturies. El restu de grupos parllamentarios arrenunciaron a presentar candidatos. Esti fechu supunxo la certidume de qu'Álvarez-Cascos saldría escoyíu como presidente.[1]

Na votación efectuada a otru día, Álvarez-Cascos nun llogró la mayoría absoluta. El vienres 15 de xunetu foi escoyíu presidente al llograr mayoría simple de los votos, los del so grupu parllamentariu. Los diputaos del restu de partíos abstuviéronse, dexando la invistidura de Cascos.[2]

El BOE del 16 de xunetu de 2011 publicó'l cese del Vicente Álvarez Areces como presidente del Principáu[3] y el nomamientu de Francisco Álvarez-Cascos.[4] El mesmu día tomó posesión del cargu nel edificiu de la Xunta Xeneral, cola presencia de Rosa Aguilar, ministra de Mediu Ambiente y Mediu Rural y Marín, que presidió l'actu, por deferencia de Cascos.[5] El so primer discursu oficial como presidente tuvo un marcáu calter rexonalista asturianu, citando dos vegaes a Asturies como «país».[6]

Candidatu Fecha Votu FAC PSOE Partíu Popular Izquierda Xunida Total
Francisco Álvarez-Cascos
(FAC)
12 de xunetu de 2011
Mayoría riquida:
Absoluta (23/45)
16
16/45
Non Non
0/45
Astención 15 10 4
29/45
15 de xunetu de 2011
Mayoría riquida:
Simple
Sí  16
16/45
Non
0/45
Astención 15 10 4
29/45

Referencies[editar | editar la fonte]