Francisco Álvarez Cascos

Francisco Álvarez Cascos
7. Presidente del Principáu d'Asturies 15 xunetu 2011 - 26 mayu 2012 ← Vicente Álvarez Areces - Javier Fernández Fernández → Diputáu na Xunta Xeneral del Principáu d'Asturies 15 xunu 2011 - 16 xunu 2015 Distritu: Central Presidente de Foru Asturies 5 marzu 2011 - 14 marzu 2015 - Cristina Coto → Ministru de Fomentu 27 abril 2000 - 28 abril 2004 ← Rafael Arias-Salgado (es) - Magdalena Álvarez, María Antonia Trujillo → Diputáu nel Congresu de los Diputaos d'España 30 marzu 2000 - 2 abril 2004 Distritu: Asturies Eleiciones: eleiciones xenerales d'España de 2000 vicepresidente primero del Gobierno de España (es) 6 mayu 1996 - 27 abril 2000 ← Narcís Serra (es) - Mariano Rajoy Brey → ministru de la Presidencia 6 mayu 1996 - 27 abril 2000 ← Alfredo Pérez Rubalcaba - Mariano Rajoy Brey → Diputáu nel Congresu de los Diputaos d'España 21 marzu 1996 - 5 abril 2000 Distritu: Asturies Eleiciones: eleiciones xenerales d'España de 1996 Diputáu nel Congresu de los Diputaos d'España 22 xunu 1993 - 27 marzu 1996 Distritu: Asturies Eleiciones: eleiciones xenerales d'España de 1993 Representante de l'Asamblea Parllamentaria del Conseyu d'Europa 21 marzu 1990 - 1r xunu 1996 Diputáu nel Congresu de los Diputaos d'España 17 payares 1989 - 29 xunu 1993 Distritu: Asturies Eleiciones: eleiciones xenerales d'España de 1989 1. Secretariu xeneral del Partíu Popular 20 xineru 1989 - 30 xineru 1999 ← ensin valor - Javier Arenas Bocanegra → Diputáu nel Congresu de los Diputaos d'España 7 xunetu 1986 - 21 payares 1989 Distritu: Asturies Eleiciones: eleiciones xenerales d'España de 1986 Diputáu na Xunta Xeneral del Principáu d'Asturies 8 mayu 1983 - 2 xunu 1986 Distritu: Central miembru del Senáu español 28 ochobre 1982 - 22 xunu 1986 Distritu: Asturias (es) Eleiciones: II llexislatura d'España
Vida
Nacimientu	Madrid, 1 d'ochobre de 1947 (76 años)
Nacionalidá	España
Estudios
Estudios	Universidá Politéunica de Madrid
Llingües falaes	castellanu
Oficiu	políticu, inxenieru civil
Llugares de trabayu	Madrid
Premios	ver Gran Cruz de la Orde de Carlos III  (2004)
Miembru de	Aconceyamientu Parllamentariu del Conseyu d'Europa
Creencies
Partíu políticu	Suma Principado (es) (dende 3 avientu 2022) Foru Asturies (de 30 xineru 2011 a 2020) Partido Popular (de 1989 a 1r xineru 2011) Alianza Popular (de 1976 a 1989)
IMDb	nm1775691

Francisco Álvarez Cascos (1 d'ochobre de 1947, Madrid) ye políticu y ex-Presidente del Principáu d'Asturies, el séptimu depués de la muerte del dictador Francisco Franco y el sestu depués de l'aprobación del Estatutu d'Autonomía.

De familia asturiana vivio dende mozu en Xixón, estudió inxeniería de caminos y en 1976 xuntóse a ún de los grupos, Reforma Democrática, que darréu constituyiríen Alianza Popular. Ente 1979 y 1986 foi'l voceru d'AP nel conceyu de Xixón. Escoyíu senador por Asturies (1982-1986), candidatu a la presidencia del Principáu perdió frente a Pedro de Silva (1983). Escoyíu diputáu nel Congresu de los Diputaos en 1986 (fasta 2004). Foi escoyíu secretariu xeneral del PP en 1989 peustu nel que caltendríase hasta 1999. Con José María Aznar foi vicepresidente primeru y ministru de la presidencia (1996-2000) y ministru de fomento (2000-2004). La so decisión d'alloñar el Prestige, ensin informes que la avalaren, de les costes gallegues y la so actuación durante la catástrofe foi mui cuestionada por dellos seutores sociales y políticos de Galicia.

Vida personal

En 1954 la so familia, d'orixe asturianu (del conceyu de Valdés), treslladaráse a Xixón, onde trescurrió la so infancia y mocedá. Del so primer matrimoniu con Elisa Fernández-Escandón Ortiz tien cuatro fíos, a los que se xunen los dos del so segundu matrimoniu con Gemma Ruiz. Anguaño ta casáu en terceres nupcies cola galerista María Porto.

Estudió mientres tres años na Escuela d'Inxenieros de Mines d'Uviéu, hasta qu'en 1967 treslládase a Madrid, onde cursa los estudios d'Inxenieru de Caminos, Canales y Puertos. Enantes de la so incorporación a la política profesional trabayó nun estudiu d'arquiteutura y como xerente d'una asociacion profesional d'arquiteutos.

Publicó cinco llibros (Testimonios de una crisis, Discursos Políticos, Rasgos y riesgos del desencanto astur, Los parllamentarios asturianos en el reinado de Fernandu VII y Europa, asignatura pendiente) amás d'artículos en prensa ya otres intervenciones.

Xovellanista declaráu, aveza a introducir dalguna cita del históricu ilustráu xixonés nos sos discursos más importantes. Gran aficionáu a los toros, collaboró cola emisora Radio Minutu na tresmisión de corríes celebraes na plaza xixonesa d'El Bibio. Ye aficionáu a la caza y a la pesca del salmón, llogrando'l "campanu" en dos ocasioes. La so pasión cinexética foi bien comentada cuando s'afayó que metanes la mayor catástrofe ecolóxica d'España, el naufraxu del Prestige, presidiendo'l ministeriu responsable del so control, abandonara too pa dise a una caceria que nun abandonó magar la gravedá de los acontecimientos. Según publicó la revista Época, de mientres el so periodu como responsable del Ministeriu de Fomentu allegó a caceríes valoraes en mas de 60.000 euros al añu, siempres convidáu por empresarios que teníen intereses nes contrataciones de dichu ministeriu, lo que provocó que diputaos del PSOE (Gerardo Torres) y d'Izquierda Xunida (Antero Ruiz) dirixiéren-y entrugues nes Cortes. Bien comentada foi la so excursión cinexética a Rumanía por invitación d'un conocíu empresariu, onde cazó un osu y un gallu montés. Dambes especies tán protexíes n'España, non asina en Rumanía.

En 2004, al términu de la Llexislatura, abandonó voluntariamente la política -él definir como "un pasu tras"-, buscando dedicase a la so vida personal en dixebrándose de la so segunda muyer y empecipiar una rellación con una nueva pareya.

Carrera política

En 1976, afíliase a Reforma Democrática que darréu s'integraría n'Alianza Popular, dos partíos políticos de derecha. Foi'l voceru del Grupu Municipal Popular de Xixón ente 1979 y 1986, siendo conceyal de la ciudá y miembru del ente pre-autonómicu asturianu.

En 1982 foi escoyíu senador per Asturies, un cargu que combinó col de voceru del Partíu Popular na Xunta Xeneral del Principáu d'Asturies dende 1983. Nel IX Congresu Nacional del Partíu Popular, foi escoyíu Secretariu Xeneral del Partíu Popular, siendo confirmáu nel so cargu polos siguiente trés congresos nacionales del PP que tuvieron llugar en Sevilla (1990) y Madrid (1993 y 1996).

Escoyíu Senador en 1982, tuvo importantes responsabilidaes dientro del so Grupu Parllamentariu. Darréu, en 1986, foi escoyíu diputáu por Asturies, siendo reelixíu en 1989, 1993, 1996 y 2000 perdiendo frente a Luis Martínez Noval en 1989 y 1993 énte'l que lu ganó en 1996 y nel 2000.

Nesi tiempu, Álvarez Cascos foi protagonista de la escisión del Partíu Popular asturianu, al decidir en 1998 la espulsión del partíu del entós presidente del Gobiernu asturianu pol PP, Sergio Marqués. La decisión, depués d'un enfrentamientu de dambos líderes conservadores, propició la creación pela parte de Marqués y los sos seguidores de la Unión Renovadora Asturias (URAS), al tiempu que calteníen el gobiernu autonómicu hasta les eleiciones autonómiques de 1999.

Con José María Aznar en La Moncloa, foi'l so Vicepresidente Primeru y Ministru de la Presidencia na VI Llexislatura 1996-2000 y Ministru de Fomentu na Llexislatura 2000-2004.

En 2005, y pola mor del so enfrentamientu cola direición del PP de Xixón, Álvarez-Cascos tresllada la so afiliación del partíu a Madrid. Tres de la so marcha, volvería a Asturies de manera esporádica pa participar en dellos actos públicos. Nun d'esos eventos, na entrega del premiu "Sardina de Oro" que-y concediera la Fundación 'Sabugo, ¡Tente Firme!' d'Avilés, nel mes de xunu de 2009, aprovechó pa facer un discursu de fonda carga política. Poco depués, anunciárase la so intención de regresar a la política activa n'Asturies.

Entamóse entós un procesu nel qu'Álvarez-Cascos y los sos siguidores nel Partíu Popular trataron de forzar la so designación como candidatu del PP a les eleiciones autonómiques d'Asturies 2011, bien por designación direuta de los muérganos de direición del partíu, bien pela vía d'un congresu extraordinariu. Sicasí, al día siguiente de que se conociera'l refugu de la direición del partíu a la so opción, el 1 de xineru de 2011 Álvarez Cascos dio anuncia al so abandonu del partíu al entender que con esa decisión se daba cobertura "a los insultos" que recibiera nos meses previos dende la direición del PP d'Asturies. Un día depués, anunciaba la so disposición a encabezar una nueva opción política n'Asturies, lo que daría llugar, unes selmanes más sero, al nacimientu de Foro Asturias, col que ganaría les eleiciones autonómiques de 2011.

El día 15 de xunetu de 2011 sería investíu Presidente del Principáu d'Asturies colos votos favorables del so grupu políticu y l'astención del restu de grupos de la Xunta Xeneral del Principáu. Al convocar eleiciones anticipaes nel añu 2012 éstes seríen ganaes pol PSOE y finalmente sería sustituyíu na Presidencia del Principáu pol socialista Javier Fernández Fernández.

Referencies

• Datos: Q2349461
• Multimedia: Francisco Álvarez-Cascos