Javier Fernández Fernández

De Wikipedia
Saltar a navegación Saltar a la gueta
Javier Fernández Fernández
Javierfernandezfernandezcrop.jpg
Escudo de España (mazonado).svg
diputáu d'España

20 marzu 1996 - 22 xunetu 1999 - José Alberto Pérez Cueto
Distritu: Asturies
Eleiciones: eleiciones xenerales d'España de 1996
Símbolo del Gobierno de Asturias.svg
8. Presidente del Principáu d'Asturies

26 mayu 2012 - 20 xunetu 2019
Francisco Álvarez-Cascos Fernández - Adrián Barbón
Vida
Nacimientu

Mieres7  de xineru de 1948

(71 años)
Nacionalidá Bandera d'España España
Estudios
Estudios Universidá d'Uviéu
Llingües castellanu
Oficiu
Oficiu políticu, funcionariu y inxenieru
Llugares de trabayu Uviéu
Miembru de Federación Socialista Asturiana
Creencies
Partíu políticu Partíu Socialista Obreru Español
www.javierfernandez.es/
Cambiar los datos en Wikidata

Javier Fernández Fernández (7  de xineru de 1948Mieres) ye un inxenieru de mines, funcionariu y políticu asturianu. Foi Secretariu Xeneral de la Federación Socialista Asturiana (FSA) y Presidente del Principáu d'Asturies dende'l 26 de mayu de 2012 hasta'l 20 de xunetu de 2019.

Biografía[editar | editar la fonte]

Nacíu nel barriu mierense de Requexu, provién d'una familia fuertemente venceyada a la esquierda. Ye fíu de María Luz Fernández González, güérfana dende los once años pola desapaición del so padre, y Manuel Fernández Montes, que pasó dellos años nun campu de concentración del occidente d'Asturies, nel que foi internáu a los 16 años. El so padrín, Arístides Llaneza yera fíu de Manuel Llaneza, alcalde de Mieres y fundador del SOMA.

N'estudiando'l bachilleratu cursó Inxeniería de Mines na escuela d'Uviéu. En 1978 abre en Xixón, xunto a dos socios compañeros d'oficiu, un despachu d'estudios y proyeutos d'inxeniería. En 1984 aprueba les oposiciones pal Cuerpu d'Inxenieros de Mines del Estáu.

Entamos na política[editar | editar la fonte]

En 1987 afíliase al Partíu Socialista Obreru Español en Xixón y ye nomáu pal so primer cargu públicu como Direutor Rexonal de Mines y Enerxía del Principáu d'Asturies en 1991, con Víctor Zapico como Conseyeru d'Industria, Comerciu y Turismu y Juan Luis Rodríguez-Vigil como presidente del Principáu. En marzu de 1996 ye escoyíu diputáu por Asturies, onde cuayó amistá col so compañeru d'escañu José Luis Rodríguez Zapatero pero abandona l'escañu en 1999 al ser nomáu Conseyeru d'Industria, Comerciu y Turismu del Principáu d'Asturies por Vicente Álvarez Areces, cargu que caltién hasta 2000, cuando ye escoyíu Secretariu Xeneral de la FSA-PSOE.

En xunetu de 2003 ye designáu senador en representación de la Comunidá Autónoma, cargu que promete'l día 14.

En 2004 y 2008 revalida'l cargu de Secretariu Xeneral de los socialistes asturianos. Nes eleiciones autonómiques de 2007 ocupa'l segundu puestu na llista de la FSA a la Xunta Xeneral del Principáu, xusto detrás del presidente Vicente Álvarez Areces.

Eleiciones de 2011[editar | editar la fonte]

Tres l'arrenunciu de Vicente Álvarez Areces a una nueva reeleición, el 18 de xunetu de 2010 Javier Fernández amosó la so disposición a encabezar la llista de la FSA-PSOE pa les Eleiciones Autonómiques de mayu de 2011. El Comité Autonómicu de la FSA-PSOE sofitó por aclamación dicha ufierta. Javier Fernández ye designáu candidatu de la FSA-PSOE a la Presidencia del Principáu d'Asturies en septiembre de 2010. Nes eleiciones del 22 de mayu, la candidatura encabezada por Javier Fernández llogró 179 619 votos -el 29,92%- y 15 diputaos, siendo superada en diputaos pola formación política d'Álvarez-Cascos, Foro Asturias, que llogró 16 escaños, magar llograra menor númberu de votos. Entá asina, el grupu parllamentariu socialista nun presentó nenguna candidatura a la Presidencia del Principáu d'Asturies, siendo escoyíu Francisco Álvarez Cascos, ensin nengún contrincante.

Eleiciones de 2012[editar | editar la fonte]

Nes eleiciones del 25 de marzu de 2012, vuelve encabezar la candidatura de la FSA a la Xunta Xeneral del Principáu[1] y consigue 17 escaños, siendo la fuercia más votada con más de 159.000 votos. El 26 de mayu de 2012 tomó posesión como presidente del Principáu d'Asturies.

Referencies[editar | editar la fonte]

Enllaces esternos[editar | editar la fonte]


Predecesor:
Francisco Álvarez Cascos
Flag of Asturias (indoor).svg Presidente d'Asturies
2012 - 2019
Socesor:
Adrián Barbón