Manuel Llaneza

De Wikipedia
Saltar a navegación Saltar a la gueta
Manuel LlanezaPicto infobox character.png
alcalde


Escudo de España (mazonado).svg
Diputáu nel Congresu de los Diputaos d'España


Greater Royal Coat of Arms of Spain (c.1883-1931) Version with Golden Fleece and Charles III Orders.svg
miembro de la Asamblea Nacional Consultiva (es) Traducir

10 ochobre 1927 - 6 payares 1927
Vida
Nacimientu

Llangréu y Lada[1]14  de xineru de 1879

[3]
Nacionalidá Flag of Spain.svg España
Muerte

Mieres[4]24  de xineru de 1931

[5] (52 años)
Estudios
Llingües castellanu
Oficiu
Oficiu políticu
Llugares de trabayu Madrid
Miembru de Unión Xeneral de Trabayadores
Creencies
Partíu políticu Partíu Socialista Obreru Español
Cambiar los datos en Wikidata

Manuel Llaneza Zapico (14  de xineru de 1879Llangréu y Lada - 24  de xineru de 1931Mieres) foi un sindicalista y políticu socialista asturianu, fundador del Sindicatu de los Obreros Mineros d'Asturies (SOMA) y alcalde de Mieres.

Manuel Llaneza nació'l 14 de xineru de 1879 en Veneros (parroquia de Lada, Llangréu).

A los dos años treslladóse cola so familia a Barruelo de Santillán, na cuenca minera de Palencia y ellí entamó a trabayar a los once años.

En 1902 vuelve a Asturies y trabaya na mina Poca Cosa de Mieres, ingresando nel PSOE un añu más tarde.

Por participar na güelgona de 1906, despidiéronlu del so trabayu y coló a Francia, onde trabayó de mineru y conoció'l sindicalismu francés y belxicano.

En 1910 volvió a Mieres y fundó en payares del mesmu añu'l "Sindicato de Obreros Mineros de Asturias" (SOMA), que s'integró al añu siguiente na UGT. Desempeñó'l cargu de secretariu xeneral d'esti sindicatu práuticamente de forma ininterrumpida hasta que morrió.

Tamién foi conceyal del ayuntamientu de Mieres dende 1911. Nes eleiciones municipales de 1911 accedio al cargu d'alcalde, puestu qu'ocupó hasta 1919.

Tuvo presu por ser ún de los cabezaleros de la fuelga revolucionaria de 1917. En 1920-21 pronuncióse contra l'ingresu del PSOE na III internacional (comunista).

En 1923 foi elixíu diputáu a Cortes por Asturies, pero sólo llegó a ocupar l'escañu unos meses, al producise'l golpe d'estáu de Primo de Rivera. Na dómina de la dictadura, foi ún de los artífices de la política de collaboración cola patronal y hasta col gobiernu, llegando a entrevistase con Primo de Rivera en 1923. Ún de los mayores llogros de Llaneza foi la concesión de 25 céntimos por tonelada de carbón, destinada a construyir y caltener un orfanatu mineru. Tamién promovió la construcción de varies Cases del pueblu. Sicasí, esta collaboración recibió una fuerte contestación de les bases y, tres el XII congresu del PSOE de 1928 cambió d'orientación y desmarcose de la dictadura.

Manuel Llaneza representó a los mineros españoles nel Congresu Internacional de Xinebra de 1929. Un añu más tarde, el 24 de xineru morría, en viéspores de la cayida de la dictadura.

Referencies[editar | editar la fonte]

Enllaces esternos[editar | editar la fonte]