Lada

De Wikipedia
Saltar a navegación Saltar a la gueta

Lada ye una parroquia del conceyu asturianu de Llangréu. Ta asitiada na fastera occidental del conceyu y llenda al norte coles parroquies llangreanes de Riañu y Barros, al noreste cola de La Felguera, al este cola de Sama, al oeste cola de La Venta y al sur col conceyu de Mieres. La so parte urbana conforma'l distritu de Lada, ún de los seis qu'integren la ciudá de Llangréu, capital del conceyu.

Aparte d'ella viven, nos sos 12,13 km² d'estensión, 648 persones (INE, 2009), que se reparten ente los llugares de Les Bories, Caufel, El Caliyu, El Campurru, La Casanueva, Cuturrasu, Los Cuarteles de Peñarrubia, La Cuesta Naval, Les Fayes, Lo Frayoso, La Granda, La Xusta, La Llana'l Pandu, El Llindión, La Manigua, La Nisal, El Pandu, Pedrazos, Pedrea, Pelabraga, La Pértiga, El Pontón, El Rebollín, Samiguel, Santianes, El Valle, Veneros y Conforcos.

Deportes[editar | editar la fonte]

El club más destacáu de la collación ye l'equipu de fútbol Lada Langreo C.F., fundáu en 1987 y que na temporada 1991-1992 algamó a disputar la Tercera División.


Flag of Asturias (indoor).svg Parroquies de Llangréu Bandera Llangreu 2.svg
Barros | Ciañu | Lada | La Felguera | La Venta | Riañu | Sama | Tiuya



Icono de esbozo
Esti artículu ye un entamu. Pues ayudar a la Wikipedia n'asturianu ampliándolu.