Isabel Pérez-Espinosa

De Wikipedia
Saltar a navegación Saltar a la gueta
Isabel Pérez-Espinosa
Isabel Pérz-Espinosa.png
Vida
Nacimientu

Xixón5  de xineru de 1967

(52 años)
Nacionalidá Bandera d'España España
Estudios
Estudios Colegio de la Inmaculada Traducir
Llingües castellanu
Oficiu
Oficiu Abogada
Creencies
Partíu políticu Partido Popular
Cambiar los datos en Wikidata

María Isabel Pérez-Espinosa González-Llobón (Xixón, 5 de xineru de 1967) ye una abogada y política española.

Ye, na actualidá, direutora xeneral de la Sociedá Estatal Agües de les Cuenques del Norte (AcuaNorte).

Estudió nel Colexo la Corolla Licéu la educación obligatoria y nel colexu de la Inmaculada el bachilleratu, antes d'ingresar na Universidá d'Uviéu, onde se llicenció en derechu en 1990. En 1992 ingresó nel Pernomáu Colexu d'Abogaos de Xixón.

En 1985 empecipió la so carrera política, al ingresar como afiliada en Nueves Xeneraciones de Alianza Popular convirtiéndose darréu en presidenta de Nueves Xeneraciones de Xixón. En 1991 salió escoyida per primer vegada diputada de la Xunta Xeneral del Principáu d'Asturies, exerciendo de vicepresidenta ente 1991 y 1995,y, más tarde, de secretaria de la Mesa. Divorcióse dos veces, primero del periodista Íñigo Álvarez Suárez, con quien se casó en 1994 y con quien tuvo'l so únicu fíu, Gabino, y darréu del so segundu home, Agustín Iglesias Caunedo.[1]

En 1999 empezó la so trayeutoria como conceyal nel Conceyu d'Uviéu,[2] onde ostentó'l cargu de segundu teniente d'alcalde, secretaria de la Xunta de Gobiernu Local, presidenta del Conseyu Escolar Municipal, presidenta del Conseyu Local d'Empléu y miembru del Conseyu Escolar del Principáu d'Asturies.

El 24 de setiembre de 2010 fues proclamada pol Partíu Popular d'Asturies como candidata a la presidencia del Principáu d'Asturies siendo sofitada por 36 de les 78 xuntes locales y pola direición rexonal del partíu. Esta decisión intentó poner fin a los intentos del ex ministru asturianu Francisco Álvarez-Cascos de presentase pa esi cargu, primero, y de presentar una candidatura paralela, dempués.[3] Nos meses siguientes surdieron voces discrepantes dientro del senu del propiu partíu tantu n'Asturies como a nivel nacional. Sicasí, el 30 d'avientu de 2010 el Comité Eleutoral Nacional del Partíu Popular presidíu por Miguel Arias Cañete ratificó la decisión del partíu rexonal y proclamar candidata al Principáu. Finalmente, el 22 de mayu de 2011, la llista qu'encabezó llogró 10 escaños nes eleiciones a la Xunta Xeneral del Principáu d'Asturies (baxando la metá al respective de 2007 y siendo la peor resultancia de la hestoria del PP n'Asturies), polo que salió escoyida nuevamente diputada de la Xunta Xeneral del Principáu d'Asturies, onde foi la vocera del Partíu Popular. Sicasí, tres l'adelantu eleutoral y la convocatoria d'eleiciones al añu siguiente, Pérez-Espinosa nun repitió como candidata a la presidencia, siendo sustituyida por Mercedes Fernández "Cherines".[4] Foi nomada direutora xeneral de la Sociedá Estatal Agües de les Cuenques del Norte (AcuaNorte).[5]

Referencies[editar | editar la fonte]


Predecesor:
Ovidio Sánchez Díaz
People's Party (Spain) Logo (2008-2015).svg
Vocera del Grupu Popular na
Xunta Xeneral del Principáu d'Asturies

2011-2012
Socesor:
Mercedes Fernández González




Isabel Pérez-Espinosa