Conceyu Abiertu

De Wikipedia
Saltar a navegación Saltar a la gueta
Conceyu Abiertu
Llogotipu
Siegles CA (nel rexistru, CONCEYU ABIERTU)
Fundáu en 2010
Voceru nacional Mariu Arbesú
Ideoloxía Izquierda, Nacionalismu asturianu, Municipalismu, Socialismu
Afiliación europea Nun tien
Ámbitu Conceyos d'Asturies
Presencia Noreña, Xixón, Villaviciosa, Sieru, Uviéu, Ribeseya, Samartín del Rei Aurelio, Llangréu, Grau, Mieres
Llar nacional C/ Javier Lauzurica, 6, baxu (Noreña, Asturies)
Afiliaos ---
Colores Azul y Blanco
Estáu N'activu
Web conceyuabiertu.org

Conceyu Abiertu (CA) ye una plataforma política de cálter asturianu, municipalista y d'izquierda presente en dellos conceyos d'Asturies.

Hestoria[editar | editar la fonte]

Conceyu Abiertu foi fundáu a lo cabero de 2010 a iniciativa de xente tanto viniente de organizaciones polítiques, sindicales, sociales y de mocedá d'Asturies como Andecha Astur, Darréu, Corriente Sindical d'Izquierda o Fai! Asturies, como independientes. L'oxetivu de la formación d'esta plataforma foi la necesidá d'una xuntura de los estremaos ámbitos de la izquierda asturiana al rodiu de los conceyos y dende la base pol estancamientu que taba sofriendo esi movimientu políticu. Presentose oficialmente ente la sociedá asturiano y la prensa el 19 de Xineru de 2011 nel Salón d'Actos de la Biblioteca Xovellanos de Xixón[1].

Conceyu Abiertu participó per primer vegada nes eleiciones asturianes del 22 de mayu, tanto con una candidatura nacional, que nun foi quien a sacar representantes, como con candidatures a nivel de conceyu. En Xixón, la candidatura integrose na coalición eleutoral Conceyu d'Unidá Popular de Xixón (CUPX)[2], xunta Izquierda Anticapitalista, Frente de la Izquierda ya independientes.

Algamose un representante en Noreña, Pablo Perez Fonseca[3].

Ideoloxía[editar | editar la fonte]

Conceyu Abiertu podía definise como una organización municipalista, asturiana y d'izquierda. Los sos finxos básicos foron marcaos nel Manifiestu Fundacional[4] presentáu ente la sociedá el 19 de Xineru en Xixón. Resumiéronse los sos finxos en 6 puntos.

Conceyos[editar | editar la fonte]

Conceyu Abiertu carauterízase como una organización non centralizada y asamblearia, siguiendo'l modelu de les Candidatures d'Unidá Popular (CUP) catalanes, furrulando el conceyu nacional como un elementu federativu y unificador. Anguaño, tien presencia en diez conceyos asturianos[5].

Referencies[editar | editar la fonte]

  1. Conceyu Abiertu preséntase como movimientu popular dende la base y dende los conceyos [1]
  2. Presentóse'l Conceyu d'Unidá Popular de Xixón [2]
  3. Pablo Pérez tomó posesión prometiendo por imperativu llegal y n'asturianu [3]
  4. Manifiestu de Conceyu Abiertu [4]
  5. Llista oficial de conceyos [5]