Andecha Astur

De Wikipedia
Saltar a: navegación, buscar
ANDECHA ASTUR (AA)
Secretariu Xeneral Daniel Cueli
Secretariu d'organización Mariu Arbesú
Fundación 1990
Sede C/ Alvaro d'Albornoz, 8, baxu - Uviéu (Asturies)
Ideoloxía política Nacionalista asturiana y Socialista
Afiliación internacional Europa de los pueblos
Sitiu web http://www.andecha.org/

Andecha Astur (AA) ye una organización política nacionaliega y d'esquierdes d'Asturies.

Hestoria

Formación

Esta organización política foi fundada en 1990 por un seutor salíu de la Unidá Nacionalista Asturiana. UNA formárenla en 1988 los dos partíos nacionaliegos asturianos daquella Ensame Nacionalista Astur (1982-1988) y Xunta Nacionalista Asturiana (1986-1988). Esti seutor formare una corriente d'opinión crítica y taba a la escontra d'una xuntura col Partíu Asturianista. Nueve miembros de la Xunta Nacional sedrán espulsaos pola postura crítica y formarán Andecha Astur. Un añu más tarde, en 1991 UNA y PAS dirán a les eleiciones xuntos como Coalición Asturiana.

Actividá

Dende 1990 vien presentándose a les eleiciones asturianes anque nun tuvo representación na Xunta Xeneral del Principáu d'Asturies en nenguna llexislatura entovía. Nes eleiciones a conceyos vien xubiendo en candidatures convocatoria tres convocatoria.

Dende 1994 Andecha Astur convoca una movilización el 8 de setiembre que vindica como Día de la Nación Asturiana. En setiembre de 1994 convocará la primer ensame específicu del nacionalismu asturianu pol Drechu d'autodetermín d'Asturies. En 1995 Andecha Astur convocará pa esti día una manifestación qu'esi añu tamién tendría'l llema específicu d'"Autodetermín". Dende 1995 Andecha Astur vien manifestándose polos "derechos nacionales d'Asturies".

Andecha Astur cellebra a finales de Mayu dende 1998 el Día d'Andecha como día del partíu y de conmemoración de la declaración de soberanía de la Xunta Xeneral del Principau'l 25 de mayu de 1808. La conformación d'esti día suel ser una intervención política, xinta popular, musica asturiana....El Día d'Andecha nun tien una sé afitada y asina vien cellebrándose en dellos conceyos como Riosa, Carreño, Noreña, Sieru o Parres.

Nes eleiciones de 1996 al Congresu y al Senáu presentó les candidatures n'asturianu nun siendo almitíes pola Xunta Ellectoral por tar en Llingua Asturiana.

Nel añu 2000 algamó una sentencia hestórica del Tribunal Constitucional tres ser denegaes les sos candidatures en Llingua Asturiana a les eleiciones estatales. La sentencia permitía a les organizaciones polítiques presentar les candidatures n'asturianu, drechu que se-y negare nes eleiciones estatales de 1996.

En 1999 presentóse tamién a les eleiciones Europees algamando más de 7000 votos en tol estáu. En 2004 presentaráse otra vuelta a les eleiciones al Parllamentu Européu pero esta vegada dientru de la coalición Europa de los Pueblos, qu'integraba formaciones nacionaliegues d'estremaos paises del Estáu, algamando un representante, Bernat Joan. David Rivas foi'l representante d'Andecha Astur na llista.

Ideoloxía

Ficheru:Pegadiella.JPG
Pegadiella en denuncia de los emigraos asturianos

Andecha Astur ye una organización política nacionalista d'izquierdes. Ente les sos bases ideolóxiques alcuéntrense:

  • La realidá nacional Asturiana: Asturies ye una unidá xeográfica, hestórica, social, cultural y llingüística que la conforma comu país estremáu: ello ye una nación.
  • El drechu d'autodetermín. Andecha defende l'exerciciu del drechu que tien el Pueblu Asturianu a autogobernase, decidiendo por sigo mesmu'l so modelu económicu, cultural, social, políticu y llingüísticu y a encadarmar comu-y pete les sos rellaciones colos pueblos y estaos que lu arrodien.
  • Poder políticu pa la recostruición nacional. La Soberanía y l'Autodetermín del Pueblu Asturianu y les instituciones qu'ésti encadarme pasen por recuperar la capacidá y el poder políticu afayaizu pa garantizar la reconstrucción económica, cultural, política, social, llingüística ya hestórica d'Asturies.
  • L'Asturianu: Llingua Nacional d'Asturies, la seña cimera de la identidá coleutiva. La oficialidá de la Llingua Asturiana ye por tanto vindicación d'Andecha Astur.
  • Pola clas trabayadora. P'Andecha Astur la inxusta realidá na que s'atopa la sociedá asturiana fai necesario l'algame d'un sistema social más xustu y llibre onde'l Pueblu Trabayador protagonice una fonda tresformación p'algamar una sociedá socialista, igualitaria, non sesista, desmilitarizada, ecolóxica y con especial pricuru haza los seutores qu'anguañu s'atopen marxinaos o amenorgaos.
  • La democracia participativa tamién ye un enfotu d'esta orgnización política. Democracia participativa que garantice'l respetu, l'encadarmamientu y potenciación de les estremaes manifestaciones de la voluntá popular.
  • Ecoloxistes. La defensa del mediu ambiente ye un puntu basicu p'Andecha Astur ya que'l pueblu que llucha pola so identidá tien de pescanciar y asumir la defensa de la tierra cola que s'identifica.

Mocedá

Manifestación de Darréu en La Felguera (07-10-2006)

La organización politica de mocedá d'Andecha Astur ye Darréu -mocedá nacionaliego- que furrula dende l'añu 2004 preséntándose nel Día la Nación Asturiana d'esi añu. Dende 1999 fasta 2004 furruló como tal Andecha Mocedá(AM). Darréu xurdiría d'un procesu de tresformación tres la desapaición d'AM. Darréu edita la revista Írguite como voceru nacional. Un miembru de Darréu ye miembru de la Executiva del partíu.

Representación institucional

  • Parllamentu Européu

En 2004 presentóse a les eleiciones al Parllamentu Européu dientro de la coalición Europa de los Pueblos, qu'integraba xunto a otres formaciones nacionalistes y rexonalistes (ERC, CHA, EA, PSA, CNC). Europa de los Pueblos algamó un Eurodiputáu: Bernat Joan i Marí.

Andecha Astur entovía nun algamó representación na Xunta Xeneral.

  • Conceyos

En (2003-2007) Andecha Astur cuenta con dos conceyales, Violeta Santapaz nel conceyu Riosa y Santiago Artime nel conceyu Carreño.

  • Parroquies

Paulo Arboleya Canteli ye alcalde pedaniu de la collación de Granda (Sieru) (2004-2008).


Resultaos Ellectorales

A la Xunta Xeneral del Principáu d'Asturies

Resultaos de les Elecciones Autonómiques del Principáu d'Asturies
1983 1987 1991 1995 1999 2003 2007
AA votos 1.137 1.948 2.206 3.821 2.770
escaños 0 0 0 0 0

De Conceyu

Resultaos de les Elecciones de Conceyos del Principáu d'Asturies
1983 1987 1991 1995 1999 2003 2007
AA votos 230 1.630 2.652 4.250 2.098
conceyales 1 1 1 2 0

Congresu de los Diputaos

Resultaos de les Elecciones pal Congresu de los Diputaos
1985 1989 1993 1996 2000 2004 2008
AA votos 787 - 2.036 1.942 1299
diputaos 0 - 0 0 0

Senáu

Añu Candidatos Votos Senadores
2004
  • Llucía Fernández Marqués
  • Xicu Xabel Fernandi Güerta
  • María Sandra Santos García
  • 3.059
  • 2.404
  • 2.202
Nengún
2000
  • Ana Fernández Marqués
  • David M. Rivas Infante
  • Ezequiel Sánchez Díaz
  • 3.549
  • 2.397
  • 1.877
Nengún
1996 --- --- ---
1993
  • 1.320
  • 883
  • 812
Nengún

Parllamentu Européu

Resultaos de les Elecciones Europees nel Principáu d'Asturies
1987 1989 1994 1999 2004 2009
AA1 votos 1.467 1.667 806
europarlamentarios 0 1 0
1 en 2004 presentóse na coalición Europa de los Pueblos.

Enllaces esternos

Páxines oficiales

Sentencia hestórica del Tribunal Constitucional

-Xurisprudencia Constitucional (en castellán):

Otres