Unión Renovadora Asturiana

De Wikipedia
Unión Renovadora Asturiana
Acrónimu URAS
Presidente Javier López Alonso
Secretaría xeneral Fernando Expósito Venayas
Fundación 2 d'avientu de 1998
Sede Uviéu
Estáu  España
Ideoloxía política nacionalismu asturianu
Cambiar los datos en Wikidata

La Unión Renovadora Asturiana (URAS) ye un partíu políticu rexonalista asturianu de centru fundáu por Sergio Marqués.

Esti partíu fundólo'l 2 d'avientu de 1998 Sergio Marqués cuando yera Presidente del Principáu d'Asturies, como consecuencia de les diferencies de criteriu del qu'entós yera'l so partíu, el PP asturianu. Por ello gobernó en minoría hasta'l fin de la llexislatura en 1999.

Nes eleiciones municipales y autonómiques d'esi añu algamó un importante sofitu, convirtiéndose na tercer fuercia política asturiana. Sacó 44.261 votos (7,2%) y 3 diputaos autonómicos, amás de 83 conceyales.

En 2003 los sos resultaos fueron peores enforma, sacando namás que 17.162 votos (2,8%), colo que perdieron tolos sos diputaos. Nos conceyos pasaron de tener 83 a 29 conceyales.

Anguaño URAS tien pautada una coalición col Partíu Asturianista baxo'l nome d'Unión Asturianista cola que se presentó a les eleiciones autonómiques de 2007. La presidencia de la colligación va ser rotativa, entamando per Sergio Marqués. Nestes eleiciones autonómiques de 2007 nun algamó nengún diputáu na Xunta Xeneral teniendo la coalición 13.255 votos, faltando-y 2.736 votos[1] pela Circunscripción Central d´Asturies p´algamalu.

Referencies[editar | editar la fonte]

Enllaces esternos[editar | editar la fonte]