Unión Progresu y Democracia

De Uiquipedia
(Redirixío dende Unión Progreso y Democracia)
Saltar a: navegación, buscar
Unión Progreso y Democracia
Sigles: UPyD
Fundáu en: 2007
Voceru: Rosa Díez González
Ideoloxía: constitucionalista español (patriotismu constitucional), oposición a los nacionalismos centrífugos.
Ámbitu: España
Llar nacional: Avda de Viñuelas númberu 23, 1ºA, 28760, Tres Cantos, Comunidá de Madrid
Afiliaos: ---
Colores: rosa
Estáu: N'activu
Web: www.upyd.es

Unión Progresu y Democracia (en castellanu: Unión Progreso y Democracia o UPyD), ye un partíu políticu español fundáu en 2007. Foi inscritu nel rexistru de partíos del Ministeriu del Interior el 6 de setiembre de 2007. Ente los sos promotores atópense la ex cabezalera del PSE-PSOE Rosa Díez, el caderalgu Mikel Buesa y los filósofos Carlos Martínez Gorriarán y Fernando Savater.

Orixe[editar | editar la fonte]

Actu fundacional del partíu en Madrid

El partíu tien el so orixe na Plataforma Pro, un coleutivu empobináu por un grupu de cabezaleros y activistes, na so mayoría vascos y averaos a la esquierda política, que nació col envís de formar un partíu políticu n'España alternativu al PSOE y el PP.

Con esi enfotu, la Plataforma Pro entamó una riestra d'alcuentros en toa España nos que se dirían concretando los oxetivos principales del nuevu partíu, ente los que rescamplen:

Ente los miembros o colaboradores de la plataforma atopábense el filósofu Fernando Savater, el portavoz del coleutivu d'oposición al terrorismu ¡Basta Ya!, Carlos Martínez Gorriarán (coordinador de la mesma), o la eurodiputada socialista Rosa Díez.

Tamién amosaron el so sofitu a la plataforma el partíu Ciudadanos-Partido de la Ciudadanía, especialmente los sos miembros Arcadi Espada, Albert Boadella y Xavier Pericay; amás del hasta entós presidente del coleutivu Foro de Ermua, Mikel Buesa.

Finalmente, nun actu públicu de presentación el 29 de setiembre de 2007, en Madrid, quedó constituíu el partíu Unión, Progresu y Democracia, col apoyu espresu de dellos inteleutuales y activistes políticos d'estremada adscripción.

Adscripción ideolóxica[editar | editar la fonte]

La UPyD se define como un partíu de calter progresista, nin de dereches nin d'esquierdes. Allúgase no que se vien nomando tresversalismu políticu, al enfotase n'amestar dellos aspeutos tradicionalmente adscritos a la esquierda o la derecha política. Sicasí, cabría englobalu na socialdemocracia, el lliberalismu progresista o el social lliberalismu.

Ente les sos señes d'identidá rescamplen tamién l'aspueste pola defensa de la Constitución española de 1978; el laicismu, y el no nacionalismo, como rechazo y llucha contra la, al so entender, excesiva preponderancia de los partíos nacionalistes periféricos y separatistes nel sistema políticu español.

Presencia n'Asturies[editar | editar la fonte]

El partíu cuenta n'Asturies con una agrupación d'afiliaos. En xineru de 2008 dio anuncia de que l'abogáu xixonés José Ignacio Prendes encabezará la so candidatura a les eleiciones a les Cortes Xenerales del 9 de marzu de 2008.

Enllaces esternos[editar | editar la fonte]