Parres

Parres
	Bandera de Parres
Alministración
País	España
Autonomía	Principáu d'Asturies
Provincia	Provincia d'Asturies
Partíu xudicial	Cangues d'Onís
Tipu d'entidá	conceyu
Capital	Les Arriondes
Alcalde de Parres	José Marcos Gutiérrez Escandón
Nome oficial	Parres (es)
Xeografía
Coordenaes	43°21′31″N 5°11′05″W / 43.3587°N 5.1846°O
Superficie	126.24 km²
Llenda con	Piloña, Colunga, Caravia, Ribeseya, Cangues d'Onís, Amieva y Ponga
Demografía
Población	5150 hab. (2025)
Densidá	40,8 hab/km²
Xentiliciu
Más información
Estaya horaria	UTC+01:00
	ayto-parres.es

Parres^[1] ye un conceyu d'Asturies. Llenda'l norte con Caravia y Ribeseya, al este con Cangues d'Onís, al oeste con Piloña y Colunga y pel sur con Amieva y con Ponga. Tien una superficie de 126,08 km²^[2] y una población de 5150 habitantes (2025)^[3]^[4].

Xeografía

El tarrén de Parres ye mui montañosu y abruptu, con pequeños valles orientaos en toles direiciones. Dientro de la rede de montes del conceyu, hai que comentar qu'ésta ye lo que se pue dicir mui complicada, pola variedá de cordales y picos grandes y pequeños qu'ocupen el conceyu. Pel norte apaecen una serie de cumales y xerres que faen d'éstes una parte mui carauterística d'Asturies, como son la xerra del Sueve col picu Pienzu a la cabeza (1.159 m), la xerra de Llavayos, la de Calabréz y el picu Moru nel estremu Noreste. Na parte central cabe destacar la suavidá de la zona, ya qu'anque haya una pequeña ondulación ye la parte menos abrupta del conceyu. Nel sur hai que destarcar la mota Cea y Cetín (1.134 m).

Parroquies

Nᵘ	Nome	Superficie (km²)	% superficie Parres	Población	% población Parres	Densidá (hab./km²)
1	Les Arriondes	6,4	0,510,51%	3106	60,3160,31%	485,31
2	Bode	3,61	2,862,86%	54	1,051,05%	14,96
3	Castiellu	2,83	2,242,24%	78	1,511,51%	27,56
4	Cayarga	7,87	6,236,23%	68	1,321,32%	8,64
5	Cofiñu	8,99	7,127,12%	75	1,461,46%	8,34
6	Fíos	2,12	1,681,68%	45	0,870,87%	21,23
7	La Güera Deu	12,93	10,2410,24%	219	4,254,25%	16,94
8	Llerandi	14,61	11,5711,57%	82	1,591,59%	5,61
9	Margolles	3,59	2,842,84%	21	0,410,41%	5,85
10	Los Montes	2,79	2,212,21%	14	0,270,27%	5,02
11	Nevares	4,72	3,743,74%	94	1,831,83%	19,92
12	Parres	18,06	14,3114,31%	379	7,367,36%	20,99
13	Pendás	1,7	0,130,13%	59	1,151,15%	34,71
14	Santitomás	17,13	13,5713,57%	287	5,575,57%	16,75
15	Sorribes	0,6	0,050,05%	33	0,640,64%	55
16	Viabañu	14,18	11,2311,23%	373	7,247,24%	26,3
17	Villanueva	4,12	3,263,26%	183	3,553,55%	44,42

Hidrografía

La rede hidrográfica tamién ye importante, teniendo'l conceyu dos grandes ríos como son el de Piloña, separtáu casi pola metá del conceyu, trescurriendo de oeste a este ya inclináu al este; y el Seya, el ríu más causalosu de la zona, que reparte les sos agües ente Cangues d'Onís y Parres y que desemboca nel mar Cantábricu na vecina Ribeseya. Ye por otra parte elementu llimítrofe pel oriente del conceyu.

Fauna y flora

La vexetación del conceyu tamién ye variada destacando matos na alta montaña, asina como pinos, fayes, ocalitos, carbayos y ablanos fresnos. La fauna principal ta representada sobre too na trucha, el reu, l'esguín y el salmón na so rede hidrográfica. Ente la fauna terrestre alcontramos raposos, melandros, fuines, xabalinos, corcios y venaos, asina como asturcones, caballu ésti autóctonu que ca vegada ta en mayor regresión. Les aves más vistes son les pegues, miruelles, cuervos y ferres, águiles, utres, curuxos y una montonera de raitanes o papinos, variu pintos.

Economía

**Emplegaos nos diversos sectores económicos (añu 2009)**
	Númberu de trabayadores	Tantu por cientu
TOTAL	2.097	100
Agricultura, ganadería y pesca	212	10,11
Industria	189	9,01
Construcción	255	12,16
Servicios	1.441	68,72
* Datos tomaos del Anuariu Estadísticu d'Asturies 2009, SADEI

**Usos del suelu del conceyu (añu 2009)**
Usu	Superficie (km²)
Tierres de llabrantíu	2,07
Praderíes	42,30
Terrenu forestal	57,17
Otros usos (industrial, residencial, tierra ermo...)	24,54
* Datos tomaos del Anuariu Estadísticu d'Asturies 2009, SADEI

**Carauterístiques del sector primariu (añu 2009)**
Ganaderíes de bovín	280
Cabeces de ganáu bovín	6.199
Cabeces de ganáu ovín	1.390
Cabeces de ganáu cabrín	521
Ganaderos con cuota llechera	27
Quilos de cuota llechera	4.562.051
Metros cúbicos de madera valtao	409
* Datos tomaos del Anuariu Estadísticu d'Asturies 2009, SADEI

Ver tamién

Pa ver otros sitios col mesmu nome: Parres (dixebra)

Referencies

↑ «Espediente colos topónimos oficiales de Parres». BOPA.
↑ (2000) Diccionario Geográfico de Asturias (en castellanu). Uviéu: Editorial Prensa Asturiana, S.A.
↑ Afirmao en: Municipal Register of Spain of 2025. Autor: Institutu Nacional d'Estadística. Data d'espublización: 13 avientu 2025.
↑ oficina de rexistru

Enllaces esternos

Páxina del Ayuntamientu de Parres (castellán)

[toponimia-parres-1] «Espediente colos topónimos oficiales de Parres». BOPA.

[DGA-2] (2000) Diccionario Geográfico de Asturias (en castellanu). Uviéu: Editorial Prensa Asturiana, S.A.

[5f8e1f56b2c1d9751426d665cb2780c9273eae86-3] Afirmao en: Municipal Register of Spain of 2025. Autor: Institutu Nacional d'Estadística. Data d'espublización: 13 avientu 2025.

[4] rexistru

[1]

[2]

[3]

[4]