Aporia crataegi

Aporia crataegi;
Clasificación científica
Reinu:	Animalia
Filu:	Arthropoda
Clas:	Insecta
Orde:	Lepidoptera
Familia:	Pieridae
Xéneru:	Aporia
Especie:	A. crataegi; (Linnaeus, 1758)
Consultes
	[editar datos en Wikidata]

Aporia crataegi ye una especie d'inseutu lepidópteru de la familia Pieridae. (Linnaeus, 1758).^[1]^[2]^[3]

Descripción[editar | editar la fonte]

El so aspeutu xeneral ye inconfundible, amosando una mancha discoidal de pequeñu tamañu sobre un fondu totalmente blancu, según venes de color negru nel machu y pardes na fema.^[4] El cuerpu ye de color gris escuru con antenes en forma de bastoninos.^[5] Les sos ales son arredondiaes y tienen un valumbu d'ente 6 y 8 cm, lo que la convierte na especie de mayor tamañu de la so familia.^[5]^[6] Les femes suelen ser llixeramente de mayor tamañu y presenten nes ales árees tresparentes.^[4] Les gates son grises y peludas, con una llinia de color negru sobre l'envés y manches coloraes.^[5]

Aporia crataegi crataegi♀
Aporia crataegi crataegi♀ △

Subespecie[editar | editar la fonte]

Aporia crataegi augusta, (Turati, 1905)
Aporia crataegi hyalina Röber, 1907
Aporia crataegi rhodinea Hofmann & Eckweiler, 2001
Aporia crataegi rotunda Eitschberger & Reissinger, 1971
Aporia crataegi transitoria Lempke, 1974
Aporia crataegi zabulensis de Freina, 1974

Aporia crataegi augusta ♂
Aporia crataegi augusta♂ △
Aporia crataegi augusta♀
Aporia crataegi augusta♀ △

Aporia crataegi transitoria ♂
Aporia crataegi transitoria ♀
Aporia crataegi transitoria ♀ △

Distribución[editar | editar la fonte]

Ta llargamente distribuyida, atopándose nel norte d'África, Oriente Mediu y el restu d'Asia ente 40 y 70° N hasta Xapón.^[7] N'Europa ta presente na mayor parte del continente, faltando en gran parte de Noruega y Suecia, islles del Atlánticu, islles Baleares, Córcega, Cerdeña, Creta y otres islles del Exéu, según nes islles Britániques, llugar esti postreru onde s'atopa escastada.^[7]

Comportamientu[editar | editar la fonte]

Fase larvaria[editar | editar la fonte]

Les gates arrexúntense pa envernar, construyendo un nial conxuntu.^[6] Tres la envernía aliméntense en pequeños grupos o por separáu.^[7] La pupa suxetase colgando de les fueyes, o en tarmos de gramínees.^[6]^[7]

Periodu de vuelu[editar | editar la fonte]

Una sola xeneración (univoltina).^[4] Nel sur d'Europa dende mediaos d'abril a xunu y nel norte d'Europa dende finales de mayu a principios de xunetu, anque depende de l'altitú, temporada y llocalidá.^[7] (Voltinismu).

Alimentación[editar | editar la fonte]

La so alimentación ye distinta a la d'otres especies asemeyaes.^[6] Aliméntase d'árboles frutales y espinos, como la cirolar (Prunus domestica), zrezal (Prunus avium), pescal (Prunus persica), almendral (Prunus amygdalus) y otros como'l majuelo (Crataegus monogyna), la peral (Pyrus communis) y el pumar (Malus domestica).^[5]^[7]

Referencies[editar | editar la fonte]

↑ (n'inglés) [1] Aporia crataegui
↑ (n'inglés) [2] Aporia crataegui Matt Rowlings
↑ (castellán) [3] Asturnatura
↑ ^4,0 ^4,1 ^4,2 Córdoba León, J. R., Sesmas Moranas, J. M. y Martín Toral, G. (2006). Mariposas en Libertad (en castellanu). Madrid, España: Publimarca Ediciones, páx. 272. ISBN 84-8476-285-8.
↑ ^5,0 ^5,1 ^5,2 ^5,3 Balmer, E. (2009). Mariposas y Polillas (en castellanu). Bath, Reino Unido: Parragon Books, páx. 358. ISBN 978-4075-6768-6.
↑ ^6,0 ^6,1 ^6,2 ^6,3 Reichholf-Riehm, H. (1990). Mariposas (en castellanu). Barcelona, España: Ediciones Blume, páx. 290. ISBN 84-87535-09-7.
↑ ^7,0 ^7,1 ^7,2 ^7,3 ^7,4 ^7,5 Tolman, T. y Lewington, R. (2002). Guía de las Mariposas de España y Europa, 1ª (en castellanu), Barcelona, España: Lynx Edicions, páx. 320. ISBN 84-87334-36-9.

Enllaces esternos[editar | editar la fonte]

[1] (n'inglés) [1] Aporia crataegui

[2] (n'inglés) [2] Aporia crataegui Matt Rowlings

[3] (castellán) [3] Asturnatura

[Córdoba-4] 4,0 ^4,1 ^4,2 Córdoba León, J. R., Sesmas Moranas, J. M. y Martín Toral, G. (2006). Mariposas en Libertad (en castellanu). Madrid, España: Publimarca Ediciones, páx. 272. ISBN 84-8476-285-8.

[Balmer-5] 5,0 ^5,1 ^5,2 ^5,3 Balmer, E. (2009). Mariposas y Polillas (en castellanu). Bath, Reino Unido: Parragon Books, páx. 358. ISBN 978-4075-6768-6.

[Reichholf-6] 6,0 ^6,1 ^6,2 ^6,3 Reichholf-Riehm, H. (1990). Mariposas (en castellanu). Barcelona, España: Ediciones Blume, páx. 290. ISBN 84-87535-09-7.

[Tolman-Lewington-7] 7,0 ^7,1 ^7,2 ^7,3 ^7,4 ^7,5 Tolman, T. y Lewington, R. (2002). Guía de las Mariposas de España y Europa, 1ª (en castellanu), Barcelona, España: Lynx Edicions, páx. 320. ISBN 84-87334-36-9.

[1]

[2]

[3]

[4]

[5]

[6]

[7]