Caravia

43° 27' 00" N 5° 11' 00" W

Caravia

Bandera de Caravia Escudu de Caravia
Mapa: Asturies
Nome en castellanu	Caravia
Xentiliciu	caravianu, -a, -o
Comunidá autónoma	Asturies
Estáu	España
Capital	Prau
Coordenaes	43° 27' N 5° 11' O
Partíu xudicial	Villaviciosa
Parroquies	2
Población (2007)  -Habitantes  -Densidá  -% d'Asturies	Puestu: 71 578 habitantes 43,26 hab/km² 0,05 %
Superficie  -Total  -% d'Asturies	Puestu: 76 13,36 km² 0,12 %
Mayor altitú	Les Llanes (El Fitu) 623 m
Códigu postal	33343 y 33346
Alcalde	Pablo García Pando (PSOE)
http://www.caravia.org

Caravia ye un conceyu d'Asturies. Llenda al norte col mar Cantábricu, al sur con Parres, al este con Ribeseya y al oeste con Colunga.

Xeografía

Conceyu costeru, tien les sableres de La Espasa, Beciella y Arenal de Morís.

El mirador del Fitu fai de llende con Parres y Ribeseya.

Parroquies

• Caravia
• Caravia l'Alta

Politica

	PSOE	PP	IX-BA	Otros	Total
2003	4	3	0	0	7
2007	4	3	0	0	7

Hestoria

Los restos líticos atopaos nos menudus abellugos de Les Vaques y del Bayu, cabu'l llugar de Duyos (Caravia la Baxa), prueben la presencia paleolítica del home'n Caravia . El Neolíticu y la Edá del Bronce tán representaos poles estructures tumulares de Les playes de la Tuerba y La Beciella.

Na Edá del Fierro fechase'l famosu xacimientu prehistóricu del Picu'l Castru o Castru de Caravia, poblau ente los sieglos IV o III y I enantes de nuesa era ensin restos de romanización. Esti Castru prerromanu, que ta cabu Prau y cuyu recintu rodiaba una poderosa muria pétrea, estudiolu l'ilustre investigador Caraviegu Aurelio de Llano, quien lu escavó en 1917-18, recuperando un bon númberu d'oxetos asgaya de Fierru, adornos de bronce (blingos; fíbules, ente elles una en forma caballu, depositada nel Muséu Arqueolóxicu d'Asturies n'Uviéu que ye la primer muesa del orixe del Asturcon na Sierra'l Sueve) y restos cerámicos decoraos.

Hasta'l primer cuartu del sieglu X nun apaece citau en documentu nengún el menudu territoriu Caraviegu. Del año 921 (alta Edá Media) ye una supuesta donación del rei Ordoño II a la Ilesia Uvieina, en la que s'incluyen llugares como Duyos ( Dulios ), Duesos ( Duassos ), El Valle ( Ualle ) o Caravia ( Karauiam ), darréu pertenecientes a esti conceyu pero per entonces localizaus nel territoriu de Colunga, en cuya unidá geo-alministrativa taba integrau aquel.

Na primera mitá del XI'l poderosu conde Monio Roderici, nomau "El Can", funda en la oriella esti del Ríu Los Romeros el monasteriu de Santiago de Caravia, qu'en la centuria siguienti pasó darréu a ser un de los más ricos d'Asturies; con él comienza Caravia a dixebrase dientro de les tierres colungueses. El un de Xineru de 1176, Fernando II duna a la Ilesia Uvieina esti monasteriu, situ «nel valle de Colunga», con tous sos biens y drechus.

Nel añu 1215, Alfonso IX fizo llibre y esentu'l monasteriu de Santiago –que llegó a tener alberguería de peregrinos–, ratificó l'anterior donación y entregó al obispo d'Uviéu los homes y muyeres del valle de Caravia, a cambiu d'una heredad nel alfoz de Leduas. Asina Caravia convertiose en territoriu d'abadengu –dixebrau del alfoz de Colunga–, condición que mantuvo a lu llargo la baxa Edá Media. Se desconoz cuándu fue lliberau y pasa a ser conceyu de realengo, figurando ya como tal en les Ordenances de 1494 de la Xunta del Principau, en cuyas sesiones formaba parte del partiu de Llanes y ocupaba l'asiento numberu 33. En 1779 y 1783 redactó Ordenances. En 1822 fue-y concebiu mercau selmanal, a cellebrar los vienres.

Al deseu la Diputación Provincial d'incorporar el territoriu de Caravia al de Colunga, los vecinos del so Ayuntamientu ficieron-y llegar per escritu a la reina Isabel II, en Avientu de 1839, los motivos que les llevaben a oponese a tal decisión.

Algunus llugareños tuvieron participación ativa na revolución de 1868, que destronó a la citada reina, constituyendo una Xunta «col fin de sofitu los bonos principius que los caudiellos la revolución glayaron en Cádiz».

Na guerra civil española (1936-1939), el conceyu permaneció en la zona republicana hasta mediaus d'ochobre de 1937, cuandu'l exercitu fascista llogró vencer la dura oposición miliciana del cinturón del Sella , llogrando someter tou Asturies. D'antes d'esti episodio proclamose na Xixón El "Conceyu Soberanu d'Asturies y Llión" entamándose un'Asturies Soberana ya Socialista bajo la presidencia de Belarmino Tomás.

Demografia

Fuente: Instituto Nacional de Estadística de España

Economía

Emplegaos nos diversos sectores económicos (añu 2006)

	Númberu de trabayadores	Tantu por cientu
TOTAL	141	100
Agricultura, ganadería y pesca	17	12,06
Industria	8	5,67
Construcción	18	12,77
Servicios	98	69,50
* Datos tomaos del Anuariu Estadísticu d'Asturies 2006, SADEI

Usos del suelu del conceyu (añu 2006)

Usu	Superficie (km²)
Tierres de llabrantíu	0,18
Praderíes	4,49
Terrenu forestal	6,91
Otros usos (industrial, residencial, tierra ermo...)	1,78
* Datos tomaos del Anuariu Estadísticu d'Asturies 2006, SADEI

Característiques del sector primariu (añu 2007)

Ganaderíes de bovín	20
Cabeces de ganáu bovín	554
Cabeces de ganáu ovín	96
Cabeces de ganáu cabrín	17
Ganaderos con cuota llechera	2
Quilos de cuota llechera	61.262
Metros cúbicos de madera valtao	2.613
* Datos tomaos del Anuariu Estadísticu d'Asturies 2007, SADEI

Enllaces esternos

• Páxina del Ayuntamientu
• Federación Asturiana de Conceyos
• La Fíbula de Caravia