Parres

Esti artículu fai referencia al conceyu asturianu de Parres, pa ver l'artículu sobre la parroquia llanisca ver Parres (Llanes) 

Parres

Bandera de Parres Escudu de Parres
Mapa: Asturies
Nome en castellanu	Parres
Xentiliciu	Parragués -esa, -és (-eso).
Comunidá autónoma	Asturies
Estáu	España
Capital	Les Arriondes
Coordenaes	n/d
Partíu xudicial	Cangues d'Onís
Parroquies	17
Población (2007)  -Habitantes  -Densidá  -% d'Asturies	Puestu: 29 5.725 habitantes 45,40 hab/km² 0,53 %
Superficie  -Total  -% d'Asturies	Puestu: 27 126,08 km² 1,18 %
Mayor altitú	Picu Pienzu, 1.161 m
Códigu postal	33540
Alcalde	Manuel Millán García González (PSOE)
http://www.aytoparres-arriondas.com/

Parres ye un conceyu d'Asturies. Llenda'l norte con Caravia y Ribeseya, al este con Cangues d'Onís, al oeste con Piloña y Colunga y pel sur con Amieva.

Xeografía

El tarrén de Parres ye mui montañosu y abruptu, con pequeños valles orientaos en toles direiciones. Dientro de la rede de montes del conceyu, hai que comentar qu'ésta ye lo que se pue dicir mui complicada, pola variedá de cordales y picos grandes y pequeños qu'ocupen el conceyu. Pel norte apaecen una serie de cumales y sierres que faen d'éstes una parte mui carauterística d'Asturies, como son la Sierra del Sueve col picu Pienzu a la cabeza (1.159 m), la sierra de Llavayos, la de Calabréz y el picu Moru nel estremu Noreste. Na parte central cabe destacar la suavidá de la zona, ya qu'anque haiga una pequeña ondulación ye la parte menos abrupta del conceyu. Nel sur hai que destarcar la mota Cea y Cetín (1.068 m).

Hidrografía

La rede hidrográfica tamién ye importante, teniendo'l conceyu dos grandes ríos como son el de Piloña, separtáu casi pola metá del conceyu, trescurriendo de oeste a este ya inclináu al este; y el Seya, el ríu más causalosu de la zona, que reparte les sos agües ente Cangues d'Onís y Parres y que desemboca nel mar Cantábricu na vecina Ribeseya. Ye por otra parte elementu llimítrofe pel oriente del conceyu.

Fauna y Flora

La vexetación del conceyu tamién ye variada destacando matos na alta montaña, asina como pinos, fayes, ocalitos, carbayos y ablanos. La fauna principal ta representada sobre too na trucha, el reu, l'esguín y el salmón na so rede hidrográfica. Ente la fauna terrestre alcontramos raposos, melandros, fuines, xabalinos, corzos y venaos, asina como asturcones, caballu ésti autóctonu que ca vegada ta en mayor regresión. Les aves más vistes son les pegues, miruelles, cuervos y ferres.

Parroquies

• Les Arriondes
• Bode
• Castiellu
• Cofiñu
• Fíos
• La Güera Deu
• Llerandi
• Margolles
• Los Montes
• Nevares
• Parres
• Pendás
• Santitomás
• Sorribes
• Viabañu
• Villanueva

Economía

Emplegaos nos diversos sectores económicos (añu 2006)

	Númberu de trabayadores	Tantu por cientu
TOTAL	2.117	100
Agricultura, ganadería y pesca	241	11,38
Industria	256	12,09
Construcción	279	13,18
Servicios	1.341	63,34
* Datos tomaos del Anuariu Estadísticu d'Asturies 2006, SADEI

Usos del suelu del conceyu (añu 2006)

Usu	Superficie (km²)
Tierres de llabrantíu	3,10
Praderíes	41,28
Terrenu forestal	57,14
Otros usos (industrial, residencial, tierra ermo...)	24,56
* Datos tomaos del Anuariu Estadísticu d'Asturies 2006, SADEI

Característiques del sector primariu (añu 2007)

Ganaderíes de bovín	312
Cabeces de ganáu bovín	6.165
Cabeces de ganáu ovín	1.564
Cabeces de ganáu cabrín	585
Ganaderos con cuota llechera	30
Quilos de cuota llechera	4.846.195
Metros cúbicos de madera valtao	166
* Datos tomaos del Anuariu Estadísticu d'Asturies 2007, SADEI

Enllaces esternos

• Páxina de Parres
• Federación Asturiana de Conceyos