Pravia

Pa otros usos d'esti términu, ver Pravia (dixebra). 

---

Pravia

Bandera de Pravia Escudu de Pravia
Mapa: Asturies
Nome en castellanu	Pravia
Xentiliciu	Pravianu, -a, -o.
Comunidá autónoma	Asturies
Estáu	España
Capital	Pravia
Coordenaes	n/d
Partíu xudicial	Pravia
Parroquies	15
Población (2007)  -Habitantes  -Densidá  -% d'Asturies	Puestu: 43 9.118 habitantes 88,55 hab/km² 0,85 %
Superficie  -Total  -% d'Asturies	Puestu: 34 102,96 km²  %
Mayor altitú	Llan de Cubel, 678 m
Códigu postal	33XXX
Alcalde	Antonio de Luis Solar (PSOE)
http://www.pravia.es/

Pravia ye un conceyu d'Asturies. Llenda al norte con Cuideiru y Muros del Nalón, al este con Candamu y Sotu'l Barcu, al oeste con Cuideiru y Salas y al sur con Candamo y Salas.

Etimoloxía

Esisten delles teoríes sobro l'orixe etimolóxicu del nome de Pravia. La más aceutada suel ser la d'Antonio de Juan Banzes y Valdés que sofita que'l nome'l conceyu vien del términu románicu Flavia Avia, qu'atoparía'l so orixe nel nome del emperaor romanu Flavio Vespasiano del que tenemos noticies nel sieglu II a partir de los escritos de Ptolomeo. La pallabra Avia tien el so puntu de ñacencia nun vocablu indoeropéu que fai referencia a l'agua los ríos.

Otra de les teoríes ye que l'orixe del nome'l conceyu vien de Prahúa, que querría dicir "zona de vistes a veigues y praderes" y qu'anguaño esiste una zona de la villa que se noma asina.

Tamién surden teoríes como la sofitada por Pascual Madoz (ente 1845-1850) pela que mos remonta l'orixe etimolóxicu nel términu emplegau pelos xeógrafos romanos: Noega.

Finalmente, sigún hestoriadores locales, como Javier Fernández Conde, caderalgu 'Hestoria Medieval y párrocu de Quinzanas, Pravia pudo ser la capital de los Passicin y los pravianos descendientes direutos de los Pésicos preromanos.

Parroquies

Arangu Cordoveiru Courias Escoréu Folgueras

Inclán Muros Pravia Pronga Quinzanas

Sandamías Santianes Selgas Villafría Villavaler

Economía

Emplegaos nos diversos sectores económicos (añu 2006)

	Númberu de trabayadores	Tantu por cientu
TOTAL	2.973	100
Agricultura, ganadería y pesca	216	7,27
Industria	807	27,14
Construcción	343	11,54
Servicios	1.607	54,05
* Datos tomaos del Anuariu Estadísticu d'Asturies 2006, SADEI

Usos del suelu del conceyu (añu 2006)

Usu	Superficie (km²)
Tierres de llabrantíu	4,79
Praderíes	28,29
Terrenu forestal	61,39
Otros usos (industrial, residencial, tierra ermo...)	8,49
* Datos tomaos del Anuariu Estadísticu d'Asturies 2006, SADEI

Característiques del sector primariu (añu 2007)

Ganaderíes de bovín	267
Cabeces de ganáu bovín	2.597
Cabeces de ganáu ovín	527
Cabeces de ganáu cabrín	107
Ganaderos con cuota llechera	37
Quilos de cuota llechera	3.696.616
Metros cúbicos de madera valtao	45.139
* Datos tomaos del Anuariu Estadísticu d'Asturies 2007, SADEI

Personaxes destacaos

• Antonio de Juan Banzes y Valdés

Enllaces esternos

• Páxina del Ayuntamientu
• Federación Asturiana de Conceyos