Bloque por Asturies
Bloque por Asturies ye un partíu políticu asturianu. Tien una ideoloxía nacionalista asturiana y d'izquierdes y foi fundáu de cara a les elecciones autonómiques de 2003, nes que se presentó en coalición con Izquierda Xunida p'acabar formando parte del gobiernu xuntu al PSOE. Nes elecciones autonómiques de 2007, volvió a presentase en coalición con Izquierda Xunida y tamién con Los Verdes d'Asturies, obteniendo la coalición 58.114 votos (9,7%) y 4 diputaos (BA nun obtuvo representantes al tar el primer candidatu de BA nel puestu 7 de la llista). Nes elecciones del 22 de mayu del 2011, Bloque por Asturies presentóse en coalición con Unidá Nacionalista Asturiana y consiguió 6.191 votos, un 1,06% del total.
Tabla de conteníos |
[editar] Cargos
Forma parte del Conceyu Abiertu pola Oficialidá. El so secretariu xeneral ye Roberto Colunga y el so voceru Manuel Benayas. Esti sustituyó nel cargu a Rafael Palacios viniente d'INA, que tuvo'l cargu de director de l'Axencia Asturiana de Cooperación al Desarrollu del Principáu demientres la llexislatura 2003-2007. Ente 2003 y 2007 formó con IU parte del Gobiernu Asturianu del PSOE [1], y ya nel 2008 reeditose esi gobiernu de coalición. [2] Nes elecciones autonómiques del 2011, Rafael Palacios foi'l cabeza de llista pola circunscripción central y candidatu a la presidencia d'Asturies.
Depués de que Francisco Javier García Valledor decidiera abandonar el so escañu na Xunta Xeneral, el secretariu xeneral del Bloque por Asturies, Roberto Colunga, foi l'encargáu d'ocupar el puestu de diputáu, convirtiéndose nel primer representante del asturianismu d'esquierdes nel Parllamentu. D'esta manera, el Grupu Parlamentariu d'IU-BA-Verdes, quedará formáu por Jesús Iglesias (IU), Diana Camafeita (IU), Emilia Vázquez (IU) y Roberto Colunga (BA).
[editar] Salida del Gobiernu
En xunetu del 2010, el Bloque por Asturies solicitó constituyise como Grupu Mistu na Xunta Xeneral. La decisión sumábase al anunciu de salir del Gobiernu del Principáu depués el desencuentru colos otros partíos de la coalición IU y Los Verdes en rellación a la Lle d'Axuste, aprobada colos votos del PSOE y los tres diputaos d'IU.
[editar] Coalición Bloque-UNA
Depués de meses de negociaciones, el 12 de xineru del 2011, nun actu celebráu nel Hotel Principado d’Uviéu, presentóse la coalición formada por Bloque por Asturies y Unidá Nacionalista Asturiana, baxu'l lema de Compromisu por Asturies. Nes elecciones del 22 de mayu del 2011, la coalición consguió 6.191 votos, un 1,06% del total. Los resultaos son los meyores d'un partíu asturianista d'esquierdes hasta la fecha, pero nun foron abondo pa que Bloque-UNA tuviera representación na Xunta Xeneral.
| Predecesor: Izquierda Nacionaliega d'Asturies (INA) |
Partíu políticu Bloque por Asturies 2003- |
Socesor: Compromisu por Asturies |
