Diferencies ente revisiones de «Grau»
Sin resumen de edición |
|||
Llinia 30: | Llinia 30: | ||
| prefixu = 985 |
| prefixu = 985 |
||
| web = http://www.ayto-grado.es/ -|}} |
| web = http://www.ayto-grado.es/ -|}} |
||
'''Grau''' ye un [[conceyu]] d'[[Asturies]], una [[parroquia]] de dichu conceyu y una [[villa (población)|villa]] de dicha parroquia, [[capital (política)|capital]] del conceyu. |
'''Grao''' or '''Grau''' ye un [[conceyu]] d'[[Asturies]], una [[parroquia]] de dichu conceyu y una [[villa (población)|villa]] de dicha parroquia, [[capital (política)|capital]] del conceyu. |
||
El conceyu llenda al norte con [[Candamu]] y [[Les Regueres]], al este con [[Proaza]], [[Santu Adrianu]] y [[Uviéu]], al sur con [[Teberga]] y [[Yernes y Tameza]] y al oeste con [[Miranda]] y [[Salas]]. Cuenta con una población de 10.746 habitantes ([[Institutu Nacional d'Estadística d'España|INE]]). |
El conceyu llenda al norte con [[Candamu]] y [[Les Regueres]], al este con [[Proaza]], [[Santu Adrianu]] y [[Uviéu]], al sur con [[Teberga]] y [[Yernes y Tameza]] y al oeste con [[Miranda]] y [[Salas]]. Cuenta con una población de 10.746 habitantes ([[Institutu Nacional d'Estadística d'España|INE]]). |
||
Revisión a fecha de 14:41 24 xnt 2013
Plantía:Ficha conceyu asturianu
Grao or Grau ye un conceyu d'Asturies, una parroquia de dichu conceyu y una villa de dicha parroquia, capital del conceyu.
El conceyu llenda al norte con Candamu y Les Regueres, al este con Proaza, Santu Adrianu y Uviéu, al sur con Teberga y Yernes y Tameza y al oeste con Miranda y Salas. Cuenta con una población de 10.746 habitantes (INE).
Historia
Prehistoria y romanización
Los restos más antiguos del conceyu daten de la Edá de Bronce. De la Edá de Fierro queden dalgunos pocos restos, como dellos recintos castreños qu'en realidá nun son más que simples peñeos fortificaos.
De la dómina romana, a pesar de la bayura de restos en conceyos próximos, malapenes hai testimoniu. Esto ye, en parte, debío a que la distribución actual de la población ye mui distinta de la d'entóncenes.
Edá Media
Sí tenemos, empara, restos del poder feudal como son les torres fortificaes de Villanueva, Báscones y la torre de Cuaya. Ye na Alta Edá Media cuando mos llega una gran cantidá de documentación. Lo que ye evidente ye que n'aquella época lo qu'entendemos por Grau nun constituyía una unidá, ya que lo que güei se conoz como Grau repartíase ente trés territorios mui estremaos: Prámaro, Salcéu y Vayu o Grau.
Nun sedría hasta'l sieglu XIII, cuando se constituya la puebla qu'abarca a les trés unidaes de población y amás espúrrese hasta Candamu. La nueva villa recibirá'l nome d'ún de los territorios que la conforma. El conceyu y la diócesis uviedina llegarán a un acuerdu nel repartu de rentes. La villa instálase nun llugar ricu y frecuentáu nes rutes del Camín de Santiago. Ye, polo tanto, una villa típica del camín, con una estructura de cai central y cases a los llaterales. La villa tenía muralla y fuexu y consiguió un gran desenrollu, llegando a ser una de les más importantes d'Asturies. Foi una villa baturicia que selló xermandía con diferentes conceyos y rexones próximes.
Nel sieglu XIV, Grau nun pudo quedar fuera de la influyencia de los grandes señoríos debío a qu'entró a formar parte de les tierres del conde Alfonso, bastardu d'Enrique II de Castiella. Un sieglu dempués pasó a la familia Quiñones. Nun algamará la so autonomía hasta finales del sieglu XV, anque l'ayuntamientu siguió baxo'l control, qu'exerció'l poder de forma unillateral hasta'l sieglu XVIII, pese a la fuerte oposición vecinal.
Edá Moderna
Nel sieglu XVI, cola desamortización eclesiástica de Felipe II d'España, delles xurisdicciones señoriales cambiaron de manes. Asina, el cuetu de Peñaflor foi remíu polos sos habitantes y el cuetu de Priañes pasó al traviés de la compra a la casa de Dasmarinas, como munchos más que fueron cambiando de manes.
Foi nel sieglu XVIII cuando los moscones ofrecieron al rei una cantidá a cambiu de que pudieren escoyer a los sos cargos conceyales, ya que tuvieren acaparaos por unes poques families per sieglos. Sedrá l'Audiencia d'Uviéu la que fallará a la escontra del monopoliu d'estes families en 1774 y la Cancillería confirmarálo en 1783. Pero sicasí, siguirán esistiendo numberosos cuetos nesta zona, que queden fuera de la xurisdicción ordinaria y son competencia direuta d'un señor. Nesta época subsisten entá los siguientes cuetos: el cuetu de La Mata, el cuetu de Peñaflor, el cuetu de San Xuan, el cuetu de Cabruñana, etc.
Sieglu XIX endelantre
Nel sieglu XIX asocedieron dellos fechos importantes. La guerra del francés presentó nel conceyu un protagonismu especial. Creóse un reximientu con mozos del llugar que llevaba'l nome del conceyu y que foi unviáu a lluchar lloñe del so territoriu. La villa foi invadida cuatro vegaes y esto tuvo consecuencies fatales nel so patrimoniu artísticu. Les principales amarraces del Principáu tuvieron llugar nel escobiu de Peñaflor, llugar que tamién tuvo importancia nes guerres carlistes.
Otru fechu destacable son los cambeos na configuración alministrativa. Grau adquier a finales del sieglu XIX la mesma configuración d'anguaño. Asina, Candamu, que taba amestáu a Grau, tenta la so dixebra, que llogrará a finales de sieglu. Tamién nesta centuria incorpórense dafechu a la so xurisdicción los cuetos señoriales.
Na primer metá del sieglu XX, Grau vivió una época de prosperidá impulsada poles comunicaciones ferries. Convirtióse nun centru esportador de productos agrícoles y ganaderos de primer orde. La puxante situación fixo sobresalir al pueblu perenriba d'otres llocalidaes españoles contemporanies y atrayó muncha población. Como centru comercial d'importancia, concentráronse na población servicios alministrativos y bien d'establecimientos comerciales y d'ociu. Los hoteles, cabarets, cafés, cines y teatros complementaben l'atraición que proporcionaba'l puxante comerciu llocal y que proporcionaron cierta sonadía al pueblu per décades.
Por mor de la so situación cercana a Uviéu y na Asturies central, Grau foi afeutáu polos fechos de la Revolución de 1934. Más tarde, na Guerra Civil Española quedó,al entamu, dientro de territoriu republicanu. Foi, por embargu, tomada bien ceo poles columnes gallegues sublevaes de Teijeiro, qu'usó'l conceyu como cabeza de llanza pa la ruptura del sitiu a Uviéu.
A partir de la metá del sieglu XX, Grau especializóse nuna ganadería de tipu llacteu col abandonu de les sos zones agrícoles y con una escasa industrialización.
Xeografía
Xeografía Política
Situación
Na tabla siguienterepreséntase la llocalización n'Asturies del conceyu de Grau, al traviés de la representación de les llendes colos sos conceyos vecinos:
Noroeste: Conceyu de Salas | Norte: Conceyu de Candamu | Noreste: Conceyu de Les Regueres |
Oeste: Conceyu de Miranda | Este: Conceyu d'Uviéu | |
Suroeste Conceyu de Miranda y Teberga | Sur: Conceyu de Yernes y Tameza, Teberga y Proaza | Sureste: Conceyu de Proaza y Santu Adrianu |
Xeografía física
El conceyu de Grau poseye grandes diferencies en cuantes a la xeografía física. La so parte norte alcuéntrase na Franxa Llitoral Asturiana, dominada por estensos valles y montes de poca altitú. Mentes que la parte sur, afáyase inmersa en plena Cordelera Cantábrica, llegando a algamar altitúes importantes como la del Picu la Berza, con cuasi 1.500 metros sobre'l nivel del mar.
Esti incrementu d'altitúes que van dende los 40 metros hasta los 1500 da-y a esti conceyu una guapura incomparable, pudiendo observar paisaxes mui estremaos.
Fauna y flora
Cola vexetación de clima oceánicu podemos esfrutar de viesques pergrandes de castañales, carbayos, fayes y bedules. La color verde carauterística de la vexetación d'esti clima da frescura a esta tierra. Ente la so fauna destaquen el xabalín, el venáu, los gallos monteses inclusive dalgún osu pardu.
Hidrografía
El ríu principal del conceyu de Grau ye'l ríu Nalón, que percuerre la parte norte mui cerca de la capital. El siguiente ríu n'importancia ye'l Cubia, que cuerre pela propia villa, arrodiáu d'un guapu paséu fluvial y que finaliza siendo afluente del Nalón. Siguíu d'esti, el ríu Sama, tamién afluente del Nalón, percuerre la parte este del conceyu. Amás, tamién cuerren pel conceyu'l ríu Veiga y el ríu las Varas. La villa ta trevesada por otros ríos como son el Rodaco y el Martín; dambos ríos de poca importancia.
Evolución demográfica
Del conceyu
De la Villa
De les parroquies
Parroquies
Toponimia
Política
Economía
Númberu de trabayadores | Tantu por cientu | ||||
---|---|---|---|---|---|
TOTAL | 2.772 | 100 | |||
Agricultura, ganadería y pesca | 411 | 14,83 | |||
Industria | 203 | 7,32 | |||
Construcción | 306 | 11,04 | |||
Servicios | 1.852 | 66,81 | |||
* Datos tomaos del Anuariu Estadísticu d'Asturies 2006, SADEI |
Usu | Superficie (km²) | ||||
---|---|---|---|---|---|
Tierres de llabrantíu | 4,24 | ||||
Praderíes | 101,93 | ||||
Terrenu forestal | 76,39 | ||||
Otros usos (industrial, residencial, tierra ermo...) | 39,08 | ||||
* Datos tomaos del Anuariu Estadísticu d'Asturies 2006, SADEI |
Ganaderíes de bovín | 597 | ||||
Cabeces de ganáu bovín | 10.724 | ||||
Cabeces de ganáu ovín | 698 | ||||
Cabeces de ganáu cabrín | 186 | ||||
Ganaderos con cuota llechera | 45 | ||||
Quilos de cuota llechera | 4.310.419 | ||||
Metros cúbicos de madera valtao | 2.497 | ||||
* Datos tomaos del Anuariu Estadísticu d'Asturies 2007, SADEI |
Arte
Deporte
- Club Deportivu Mosconia, equipu de fútbol.
- Club Patín Areces-Elecinco, equipu de Ḥoquei
- Pilier Rugby Club, equipu de rugby.
- Club Rítmica Ékas, equipu de gimnasia ritmica ximnasia
Víes d'accesu
Tresporte
Turismu
Gastronomía
Moscones ilustres
- Valentín Andrés Álvarez - escritor.
- Ramón Areces - Fundador d'El Corte Inglés.
- Isidoro Álvarez - Presidente del conseyu d'alministración d'El Corte Inglés.
- Fernando Beltrán - Poeta
- Julio de la Fuente - Direutor de Cine
- Amado González Hevia (Favila) - Pintor.
- Pepín Fernández - Fundador de Galerías Preciados.
- Hugo Fontela - Pintor.
- Santi Pérez - Ciclista.
- Manuel Pedregal - Ministru de la I República Española y Gobernador d'A Coruña.
- Ignacio Piñeiro - Autor d'Asturies, Patria Querida y fíu d'un emigrante de Grau.
- Óscar Vázquez- Karateka.
- Toni Sánchez- Xugador de Ḥoquei.
- Xosé Ambás- Etnólogu, presentador de la TPA y cantante del grupu musical Tuenda.
- Diana Sánchez- Presentadora de TV.
Enllaces esternos
- (castellán) Páxina web del conceyu
- (castellán) Radio municipal de Grau 107.2 FM
- (castellán) Federación Asturiana de Conceyos
- (castellán) Imáxenes d'Asturies: Grau, Tinéu y Tameza
- (castellán) Arquitectura de la villa moscona
Referencies