Club Deportivu Mosconia

De Wikipedia
Saltar a navegación Saltar a la gueta
Datos xenerales
Nome completu Club Deportivo Mosconia
Nomatu(os) Mosconistas
Fundación 1945 (refundáu en 1961)
Presidente Antolín Rodríguez Prieto
Entrenador Emilio Cañedo
Instalaciones
Estadiu Marqués de la Vega de Anzo
Allugamientu Avda de los Deportes, s/n, 33820, Grau.
Capacidá 3.000
Inauguración 1946
Otru complexu El Casal
Uniforme
Kit left arm.svg
Kit body.svg
Kit right arm.svg
Kit shorts.svg
Titular
Kit left arm.svg
Kit body.svg
Kit right arm.svg
Kit shorts.svg
Alternativu
Cabera temporada
Lliga Tercera División
(2016/17) 12.º
Sitiu web oficial
[editar datos en Wikidata]

El Club Deportivu Mosconia ye un equipu de fútbol de Grau, Asturies.

L'equipu ye un de los clásicos dientro del futbol asturianu, ocupa l'úndecimu llugar na clasificacion hestórica del fútbol asturianu (excluyendo a Real Uviéu, Real Sporting y los sos filiales).

Ye amás el númberu 241 na clasificación hestórica total de la Tercera División, con 24 temporaes na categoría; y ún de los únicos 12 equipos asturianos en xugar polo menos una temporá en categoría estatal, penrriba la Tercera División.

Hestoria[editar | editar la fonte]

Al entamu'l sieglu XX esistieron na villa moscona dellos equipos aficionaos, nos que la mocedá del conceyu entamó a prauticar el fútbol. Dalgunos d'esos equipos foron l'Atlético de Grado, Arenas Moscón o Sporting Moscón. A la fin en 1945, Jose María Fernández conocíu popularmente como 'Pepe el Cubano' fundaría el Club Deportivu Mosconia, rexistrándolo na Federación Asturmontañesa el 4 d'ochobre.

L'equipu pasó a ser ún de los punteros na pol aquel entonces, Segunda y Primera Rexonal Asturiana, algamando na temporá 1954/55 los títulos de Copa Federación y de campeón de Primera Rexonal. Esi mesmu añu, disputó la so primer promoción d'ascensu a la Tercera estatal, perdiendo escontra l'Unión de L'Entregu dempués d'una polémica actuación arbitral nel partíu de vuelta en feudu entreguín. Sicasí, tres l'abandonu de la presidencia del fundador del club, entamó un periodu de dificultaes que finó cola desapaición nel 1958.

Los años vinientes la tradición del fútbol nun coló de Grau y apaeció nel vecín pueblu de San Pelayo otru club, el San Pelayo Club de Fútbol, eso sí, namás por 3 temporaes. Nun sedría hasta 1961 cuando tornaría a surdir de nuevu un equipu con base na capital del conceyu, el Grado Club de Fútbol. A partir d'esti club, llograríase por fin la estabilidá deportiva e institucional, llegando al puntu de recuperar nel añu 1970 los derechos federativos, emblema y nome del hestóricu Club Deportivu Mosconia.

Na temporada 1983/84, dempués de munches temporaes intentándolo y siendo ún de los llamaos al ascensu, algamaría xugar la so primer temporá na Tercera División. El club asentaríase na categoría con muncho trabayu, ya que n'ella xúntabense clubs asturianos con cántabros o gallegos hasta 1987. Nel final de la década de los 80, entamaría a asomase nas primeras posiciones de la clasificación, finando delles veces ente los 6 primeros pero ensin disputar promoción. Na temporá 1990/91, recuperase el sistema de liguilla d'ascensu, y el C.D. Mosconia algama la tercera posición del grupu asturianu, polo que disputaría la promoción a Segunda B. Queda encuadráu ne grupu A3 col Real Madrid C, Burgalés y Bergantiños. El Mosconia fina con 10 puntos, invictu, y llogrando l'ascensu el 16 de xunu del 1991 dempués de ganar por 1-2 al Real Madrid C na Ciudá Deportiva de Las Rozas.

Siendo estí el mayor hitu de la so hestoria, disputaría la campaña 1991/1992 nel grupu I de la Segunda B, compartiendo división con equipos como'l Salamanca, Numancia, Pontevedra o Lugo ente otros. El pasu moscón pola categoría sedría fugaz, finando últimu clasificáu con 21 puntos. La torna a la categoría asturiana sedría dura y pasaría los años 90 como equipu ascensor ente la Tercera y la Rexonal Preferente. Col nuevu mileniu, el Mosconia posaríase de nuevu estable na Tercera División, siendo terceru na temporá 2004/2005 y tornando a disputar un play-off d'ascensu a Segunda B. El sortéu emparexaríalo cola SD Negreira, empatando 1-1 en Grau y a 0-0 na localidá gallega, quedando elimináu pol valor doble de los goles en campu contrariu.

En 2011, la situación del club llegó a un puntu críticu, encadenando descensos hasta la Primera Rexonal asturiana y con una peligrosa situación económica. La directiva foi presidida por Jose Luis Tamargo 'Pitus' y cola colaboración de xente mozo y moscona, el club repuntó, algamando asistencies hestóriques na categoría y llenando la grada del Marqués delles veces y na promocion d'ascensu a Preferente. Na temporá 2014/2015, el C.D. Mosconía tornó a ascender a la Tercera División, categoría na que xuega anguaño.

Estadiu[editar | editar la fonte]

El club algamó al pocu la so fundación la cesión del usu de los terrenos del barriu del Casal, propiedá del ayuntamientu, onde se construyó l'estadiu del mesmu nome. En 1974, cola mediación del Marqués de la Veiga d'Anzu, llevántase la grada cubierta que inauguraríase un añu dempués con un amistosu ente'l Real Oviedo y l'Ensidesa. Dende entonces, el campu tomaría el nome actual de Estadiu Marqués de la Vega de Anzo.

La capacidá del estadiu ronda los 3.000 espectadores.

Al llau, encuéntrase el complexu deportivu de El Casal, un campu de yerba artificial onde s'entrenen tanto'l primer equipu como les categoríes inferiores.

Rivalidá[editar | editar la fonte]

El C.D. Mosconia tien rivalidá principalmente col C.D. Praviano y Real Juvencia de Trubia, vecinos de la comarca del Baxu Nalón.

La primer y hestórica rivalidá foi col equipu trubiecu, escuadra potente nos 60 y 70, dándose la curiosa tradición por parte la afición mosconista dempués de llograr la victoria como visitante, de plantar un repollu nel centru'l campu de Trubia.

Cola venida a menos del Juvencia, acentuose más la rivalidá nos enfrentamientos col C.D. Praviano, pola mayor coincidencia ente dambos en Tercera y Preferente.

Actualmente la afluencia ye notablemente menor, pero nel recuerdu queden los numberosos desplazamientos d'aficionaos de los tres clubes nos sos enfrentamientos, sobremanera al traviés del Ferrocarril Vascu-Asturianu (dempués FEVE y agora Renfe Ancho Métrico) que xune a les tres localidaes.

Cantera[editar | editar la fonte]

El CD Mosconia posee amás dellos equipos de cantera. Dende la fundación de les escueles deportives municipales y la so posterior asunción por parte del club, el Mosconia tuvo casi siempre un equipu en ca peldañu del futbol base asturianu. Anguaño alrodiu 200 neños formen la cantera mosconista.

Los másimos prodixos de la cantera moscona son varios ascensos a la Primera División asturiana delles veces, y de xeitu más habitual en categoría benxamín, sicasí los equipos cadete y xuvenil tamién participaron n'ella.

A la vez, el C.D. Mosconia organiza dellos torneos de fútbol base, normalmente en Semana Santa y al entamu del branu, onde participen equipos de toda Asturies.

Uniforme[editar | editar la fonte]

  • Uniforme títular: Camiseta blanca, pantalón azul, medies azules.
  • Uniforme reserva: Camiseta mariella y azul, pantalón azul, medies azules.

Datos del club[editar | editar la fonte]

Temporá Categoría Puestu Copa del Rey
1945–83 Rexonal
1983/84 3.ª División 16.º
1984/85 3.ª División 13.º
1985/86 3.ª División 6.º
1986/87 3.ª División 13.º 1.ª ronda
1987/88 3.ª División 16.º
1988/89 3.ª División 6.º
1989/90 3.ª División 3.º
1990/91 3.ª División 2.º 2.ª ronda
1991/92 2.ª División B 20.º 2.ª ronda
1992/93 3.ª División 18.º 1.ª ronda
1993/94 Regional Preferente 4.º
1994/95 Regional Preferente 1.º
1995/96 3.ª División 5.º
1996/97 3.ª División 19.º
1997/98 Regional Preferente 1.º
1998/99 3.ª División 14.º
1999/00 3.ª División 17.º
Temporá Categoría Puestu Copa del Rey
2000/01 3.ª División 12.º
2001/02 3.ª División 12.º
2002/03 3.ª División 14.º
2003/04 3.ª División 9.º
2004/05 3.ª División 2.º
2005/06 3.ª División 10.º
2006/07 3.ª División 19.º
2007/08 Regional Preferente 1.º
2008/09 3.ª División 20.º
2009/10 Regional Preferente 14.º
2010/11 Regional Preferente 18.º
2011/12 1.ª Regional 3.º
2012/13 Regional Preferente 11.º
2013/14 Regional Preferente 4.º
2014/15 3.ª División 11.º
2015/16 3.ª División 13.º
2016/17 3.ª División 12.º
2017/18 3.ª División 11.º


Referencies[editar | editar la fonte]