La Mata (Grau)

De Wikipedia
Saltar a navegación Saltar a la gueta
Blue globe icon.svgLa Mata (Grau)
La Mata (Grado, Asturias).jpg
Alministración
PaísBandera d'España España
AutonomíaFlag of Asturias.svg Principáu d'Asturies
Provinciaprovincia d'Asturies
ConceyuBandera de Grado.svg Grau
Partíu xudicial Grau
Tipu entidá parroquia d'Asturies
Xeografía
Coordenaes 43°22′49″N 6°03′45″O / 43.3803°N 6.0625°O / 43.3803; -6.0625Coordenaes: 43°22′49″N 6°03′45″O / 43.3803°N 6.0625°O / 43.3803; -6.0625
La Mata (Grau) is located in Asturies
La Mata (Grau)
La Mata (Grau)
La Mata (Grau) (Asturies)
Superficie 12.49 km²
Demografía
Población 486 hab. (2016)
Porcentaxe 4.94% de Grau
Densidá 38,91 hab/km²
Cambiar los datos en Wikidata

La Mata[1] ye una parroquia de la zona septentrional del conceyu asturianu de Grau. Llenda al este cola de Samartín, al N-NE cola de Peñaflor, al oeste coles d'El Freisnu y Grau y al sur coles de Pereda y Rañeces. Tien una estensión de 12,49 km²[2] y comprende los nucleos de población d'Alcubiella, La Cai, Campulvalle, El Carbaín, Las Corradas, Cuetu, Entelafonte, Entelaiglesia, Entelosríos, La Espina, L'Aspriella, Las Ferreras, El Xabiel, Llantrales, El Mirín d'Arriba, Picalgallu, El Pozancu, Prioutu, El Rebollal, El Regueiru, El Rellán, Ribiellas, El Rodacu, Santu Dolfu, Sobroveiga, El Xorru, La Zurraquera, La Casona y El Mirín d'Abaxu. Nellos viven 486 persones (2016) [3].

Nel llugar de Santu Dolfu alcuéntrase la ilesia de Santolaya. Aparez mención d'ella yá nel sieglu XI, anque'l templu actual, de nave única y cabecera recta, ye de traza románica (sieglu XIII). Pesie a ello, lo qu'anguaño vemos ye, mayormente, fecho nel XVIII. Dientru de la ilesia hai un sarcófagu que, según la lleenda, agospiaba'l cuerpu de Santu Dolfu (San Ataúlfo en castellanu), obispu de Santiago de Compostela a finales del sieglu IX que, al ser acusáu de tener tratos colos moros, foi llamáu a cuentes pol rei Bermudu II, que d'aquella paraba n'Uviéu. De la que volvía, llibre de culpa, pa la so sé episcopal, morrió en La Mata, y ellí foi enterráu. El so sepulcru foi llugar de peregrinación demientres los sieglos medievales y modernos, hasta que'l cultu al so cuerpu foi prohibíu pol obispu Agustín González Pisador a finales del sieglu XVIII. Anguaño yá naide honra al santu, y namái que queda la lleenda, que foi recoyida pol padre Luis Alfonso de Carvallo nel so llibru Antigüedades y cosas memorables del Principado de Asturias (primer edición en 1695).

Otramiente, nel barriu d'El Cai s'alcuentra el viveru forestal de La Mata. Esti ye propiedá del gobiernu del Principáu d'Asturies, y tien como misión suministrar plantones pa les repoblaciones que fai l'alministración autonómica.

Referencies[editar | editar la fonte]

  1. Espediente colos topónimos oficiales de Grau
  2. VV.AA., Diccionario geográfico de Asturias. Uviéu, Editorial Prensa Asturiana, 2000.
  3. Padrón municipal d'España 2016

Enllaces esternos[editar | editar la fonte]

Flag of Asturias (indoor).svg Parroquies de Grau Bandera de Grado.svg
Ambás | Báscones | Berció | Cabruñana | Castañéu | Cuaya | El Freisnu | Grau | La Mata | Las Villas | Peñaflor | Pereda | Rañeces | Restiellu | Rodiles | Rubianu | Sama | Samartín | San Adrianu | Santa María Grau | Santa María Villandás | Santianes de Molenes | San Xuan | Sorribas | Tolinas | Vayu | Vigaña | Villamarín