Cabruñana

De Wikipedia
Saltar a: navegación, buscar
Cabruñana
Bandera d'España España
Escueles de Cabruñana.JPG
Alministración
País Bandera d'España España
Comunidá autónoma Flag of Asturias.svg Principáu d'Asturies
Conceyu Grau
Partíu xudicial Grau
Tipu entidá parroquia
Xeografía
Coordenaes 43°23′53″N 6°07′18″O / 43.398055555556, -6.1216666666667Coordenaes: 43°23′53″N 6°07′18″O / 43.398055555556, -6.1216666666667
Cabruñana is located in España
Cabruñana
Cabruñana
Cabruñana (España)
Superficie 2.82 km²
Demografía
Población 43 hab. (2016)
Densidá 15,25 hab/km²
Cambiar los datos en Wikidata

Cabruñana ye una parroquia del conceyu asturianu de Grau. Ocupa los 2,82 km² del estremu noroccidental del conceyu. Llenda'l Norte col conceyu de Candamu y al Oeste col de Salas; al Sur cola parroquia moscona d'El Freisnu y al Oeste cola de San Xuan. Nos dos sos únicos núcleos de población, Cabruñana y Los Llanos, viven 43 hab. (2016)[1].

El llugar homónimu, de 32 habitantes, s'asitia nel altu La Cabruñana, un colláu de 375 m d'altor que dixebra les cuenques de los ríos Nalón y Narcea y que foi,de siempres, llugar de pasu pa los que diben de les Asturias de Oviedo a les Asturies de Tineo. Pola so situación estratéxica la rodiada del pueblu ye bayurosa en restos arqueolóxicos: hai delles necrópolis tumulares y un conxuntu amuralláu conocíu como Castiellu El Pedréu. El llugar aparez conseñáu en munchos documentos medievales, tanto pol so calter de llende ente los territorios de l'Asturies central y la occidental como por haber nelli una malatería que funcionó, a lo menos, dende'l 1267 hasta 1770. Anguaño namái que queda, n'alcordanza d'aquello, el nome eclesiásticu de la parroquia, que ta consagrada a Santa María Magdalena. Y ello porque yera vezu, allá ú había una malatería, que la institución tuviera dedicada a San Llázaru, mentantu que la ilesia parroquial se consagraba en honor d'esa santa. L'actual ilesia foi llevantada nel 1967 siendo benefactores la familia Fernández de la Torre, según se fai saber nuna placa que ta a la vera la puerta.

Túmulu na necrópolis del Llanu Las Ayalgas

Referencies[editar | editar la fonte]

Flag of Asturias (indoor).svg Parroquies de Grau Bandera de Grado.svg
Ambás | Báscones | Berció | Cabruñana | Castañéu | Cuaya | El Freisnu | Grau | La Mata | Las Villas | Peñaflor | Pereda | Rañeces | Restiellu | Rodiles | Rubianu | Sama | Samartín | San Adrianu | Santa María Grau | Santa María Villandás | Santianes de Molenes | San Xuan | Sorribas | Tolinas | Vayu | Vigaña | Villamarín |