Catedral de Notre-Dame de París

De Wikipedia
Saltar a navegación Saltar a la gueta
Catedral de Notre-Dame de París
Logo monument historique - rouge sans texte.svg Monumentu históricu
Notre-Dame de Paris
Notre Dame de Paris 2013-07-24.jpg
Plan.cathedrale.Paris.png
Llocalización
PaísBandera de Francia Francia
RexónBandera de Islla de Francia Islla de Francia
MétropoleMetrópolis del Gran París
CiudáFlag of Paris with coat of arms.svg París
Distritu municipalIV Distritu de París
Barriu alministrativuNotre-Dame
Llugar físicu île de la Cité
Direición parvis Notre-Dame - place Jean-Paul-II Traducir , 6
Coordenaes 48°51′11″N 2°20′59″E / 48.853°N 2.3498°E / 48.853; 2.3498Coordenaes: 48°51′11″N 2°20′59″E / 48.853°N 2.3498°E / 48.853; 2.3498
Catedral de Notre-Dame de París is located in Francia
Catedral de Notre-Dame de París
Catedral de Notre-Dame de París
Catedral de Notre-Dame de París (Francia)
Historia y usu
850th anniversary of Notre-Dame de Paris [[File:Arbcom ru editing.svg
Construcción1163 - 1345
Conservación y restauración [[File:Arbcom ru editing.svg1844 - 1864
Consagración [[File:Arbcom ru editing.svg 19 mayu 1186
Coronación de Napoleón I [[File:Arbcom ru editing.svg 2 avientu 1804
Dedicación [[File:Arbcom ru editing.svg 31 mayu 1864
Quema de la catedral de Notre-Dame de París 15 abril 2019
Dueñu Francia
Francia
Archidiócesis de París
Orixe del nome Bienaventurada Virxe María
Relixón catolicismu
Diócesis Archidiócesis de París
Dedicación María
Usu almacén Traducir
Aforu 9000
Arquiteutura
Materiales Sillar
Estilu arquiteutura gótica francesa
Altor 69 Q11573
90 Q11573
Anchor [convert: unknown unit] m.
Llargor [convert: unknown unit] m.
Superficie 5500 Q25343
Patrimoniu
Mérimée ID PA00086250
Visitantes añales 12 000 000
Web oficial
Cambiar los datos en Wikidata

La catedral de La Nuestra Señora (francés: Cathédrale Notre-Dame) ye una catedral de cultu católicu, sede de l'archidiócesis de París, la capital de Francia. Dedicada a María, madre de Xesucristu, ta asitiada na pequeña islla de la Cité, arrodiada peles agües del ríu Sena. Ye unu de los monumentos más populares de la capital francesa y unu de los edificios más señeros y antiguos de cuantos se construyeron n'estilu góticu. L'usu anovador de la bóveda de crucería y del arbotante, los escomanaos y coloríos rosetones y el naturalismu y la bayura de decoración escultórica estrémenla de l'arquiteutura románica.

La so edificación entamó nel añu 1163 y, pa 1260, yá taba completada la mayor parte, anque se remató nel añu 1345 y tuvo bien de tresformaciones a lo llargo de los sieglos siguientes. Mientres la década de 1790, tres la Revolución francesa, Notre-Dame sufrió la profanación de parte de la so imaxinería relixosa, que quedó estropiada o destruyida. La publicación de La nuestra Señora de París por Victor Hugo, sicasí, alicó l'interés popular por ella. Eugène Viollet-le-Duc encabezó un proyeutu de restauración que principió en 1845 y duró un cuartu de sieglu. Coles mesmes, en 1963 llimpióse de sarriu la fachada y recuperóse'l color orixinal. Ente 1991 y 2000 llevóse a cabu una nueva campaña de llimpieza y restauración.

El 15 d'abril de 2019, l'edificiu sufrió daños significativos por causa d'una quema; la cubierta esbarrumbó, l'aguya principal cayó y los rosetones quedaron estropiaos.

Historia[editar | editar la fonte]

Contestu: transición del románicu al góticu[editar | editar la fonte]

Les catedrales del góticu surden venceyaes a la idea de la rellumanza y la monumentalidá, como consecuencia clara de les necesidaes y aspiraciones de la sociedá de la dómina. L'arquiteutura gótica ye un instrumentu poderosu nel senu d'una sociedá que ve tresformase la vida urbana a un ritmu aceleráu nel entamu del sieglu XI. La ciudá resurde con una estrema importancia nel campu políticu y nel campu económicu (espeyu de les crecientes rellaciones comerciales); xubiendo tamién, pel so llau, la burguesía adinerada y la influyencia del cleru urbanu. La resultancia d'esto ye una sustitución tamién de les necesidaes de construcción relixosa fuera de les ciudaes, nes comunidaes monástiques rurales, pol nuevu símbolu de la prosperidá urbana, la catedral gótica. Y como repuesta a la busca d'una nueva dignidá creciente nel senu de Francia, surde la catedral de Notre-Dame de París.

Procesu de construcción[editar | editar la fonte]

La catedral a finales del sieglu XIX  según un grabáu d'Alfred-Alexandre Delauney.
Vista de la testera.

Magar la poca calidá constructiva del sosuelu, esti allugamientu tien un llargu historial dedicáu al cultu relixosu. Los celtes celebraren equí les sos ceremonies onde, más tarde, los romanos alzaríen un templu al dios Xúpiter. Tamién nesti llugar esistió la primer ilesia cristiana de París, la basílica de Saint-Etienne, proyeutada por Childebertu I alredor del añu 528. En sustitución d'esta obra surdió una ilesia románica que va remanecer hasta 1164, cuando principia la construcción de la catedral actual.

Yá en 1160, y a resultes del ascensu centralizador de París, l'obispu Maurice de Sully consideró la esistente ilesia (de San Esteban) poco digna de los nuevos valores. El góticu inicial, colos sos anovamientos téunicos que permiten formes hasta entós imposibles, ye la respuesta a la demanda d'un nuevu conceutu de prestíu nel dominiu ciudadanu. Mientres el reináu de Lluis VII, y col so sofitu, esti proyeutu foi bendicíu financieramente por toles clases sociales. Asina, y teniendo en cuenta'l grandor del proyeutu, el programa siguió aína y ensin interrupciones que pudieren asoceder por falta de medios económicos (daqué común, na dómina, en construcciones de gran valumbu).

La construcción empecipió en 1163 reflexando influxos de l'abadía de Saint Denis, subsistiendo entá duldes tocantes a la identidá de quien asitiaría la primer piedra, l'obispu Sully o'l Papa Alexandru III. A lo llargo del procesu (la construcción, incluyendo cambeos, duró hasta mediaos del sieglu XIV fueron dellos los arquiteutos que participaron nel proyeutu, esclariando esti factor les diferencies estilístiques presentes nel edificiu.

En 1182 el coru yá daba servicios relixosos y, mientres la transición ente los sieglos, rematóse la nave. Al entamu del sieglu  arrinquen les obres de la fachada oeste coles sos dos torres, estendiéndose a mediaos del mesmu sieglu XIII. Los brazos del transeptu (d'orientación norte-sur) fueron edificaos de 1250 a 1267 baxo supervisión de Jean de Chelles y Pierre de Montreuil. Al empar, llevántense otres catedrales alredor nun estilu más avanzáu dientro del góticu; la catedral de Chartres, la catedral de Reims y la catedral d'Amiens.

Cambeos posteriores[editar | editar la fonte]

Interior de la nave.
Los arbotantes de la catedral, construyíos a principios del sieglu XIII, son una solución estructural típica de l'arquiteutura gótica que deriva les presiones de les bóvees escontra los contrafuertes afitaos al esterior de los murios.

La catedral foi alteriada bultablemente a finales del sieglu XVII, mientres el reináu de Lluis XIV de Francia, principalmente na zona este, na que sepulcros y vidreres fueron destruyíos pa ssustituyilos por elementos más al gustu del estilu artísticu de la dómina, el Barrocu. Asina, ente 1630 y 1707, el gremiu d'orfebres de París encargó un cuadru al añu a artistes como Laurent de La Hyre o Sébastien Bourdon. Axuntáronse 77 pintures de gran formatu, que depués desvalixáronse. En feches recién, tornaren al templu una docena d'eses obres.

En 1793, mientres la Revolución francesa, destruyéronse más elementos de la catedral y munches de les sos ayalgues robáronse, acabando l'espaciu en sí por sirvir d'almacén p'alimentos. En 1804 Napoleón Bonaparte coronóse a sigo mesmu emperador na catedral.

Col floriar de la dómina romántica, la catedral aprecióse con otros güeyos. Baxo esti prisma nuevu entama un programa de restauración de la catedral en 1844, dirixíu polos arquiteutos Eugène Viollet-le-Duc y Jean-Baptiste-Antoine Lassus, que s'estendió mientres ventitrés años.

Ente los cambeos que se fixeron tán: l'insertamientu de gabletes nes ventanes, el rosetón sur dafechu nuevu, el cambéu de la piedra de los arbotantes por piedra nueva, la reconstrucción de toles capiyes interiores y altares, l'allugamientu d'estatues na Galería de los Reis, parcialmente destruyida mientres la Revolución Francesa (inclusive hai dalgunes que son imaxe de Viollet); tamién s'añadieron a la catedral numberoses gárgoles que configuren una de les sos imáxenes más carauterístiques. Amás, entamóse un aisllamientu de la catedral, baltando tolos edificios de la contorna.

L'interior de la catedral mientres la celebración d'un oficiu relixosu.

En 1871, col curtiu ascensu de la Comuña de París, la catedral tórnase nuevamente telón de fondu de les revueltes sociales, mientres les que cuasi amburó. En 1965, de resultes de les escavaciones pa la construcción d'un aparcamientu soterrañu na plaza de la catedral, atopáronse catacumbes que revelaron ruines romanes, de la catedral merovinxa del sieglu VI-VI y de cuartos medievales. Yá más próximu a l'actualidá, en 1991 empezó otru proyeutu de remocique y caltenimientu de la catedral con una duración prevista de diez años.

Fitos[editar | editar la fonte]

La coronación de Napoleón (1805-1807), cuadru de Jacques-Louis David. La obra retrata l'interior de Notre-Dame mientres la coronación de Napoleón Bonaparte como emperador de Francia'l 2 d'avientu de 1804.

Descripción de la catedral[editar | editar la fonte]

Esiste entá nesta catedral una dualidá d'influencies estilístiques: per un llau, reminiscencies del románicu normandu, cola so fuerte y compacta unidá; per otru llau, el yá innovador aprovechamientu de les evoluciones arquiteutóniques del góticu, que-y dan al edificiu una llixereza y aparente facilidá na construcción vertical y nel soporte del pesu de la so estructura (siendo la cadarma de soporte estructural visible namái dende l'esterior).

La planta ta marcada pola formación en cruz llatina apuntada a Occidente, d'exa llonxitudinal acentuada, y non perceptible dende l'esterior. La cruz ta «encuallada» nel edificiu, envolubrada por un doble deambulatoriu, que circula prl coru na cabecera (al este) y enllarga paralelamente a la nave, dando llugar, asina, a cuatro naves llaterales.

La fachada occidental[editar | editar la fonte]

Les trés puertes de la fachada oeste

Ye la fachada principal y la de mayor monumentalidá. Pué establecese una afinidá na composición y trazos xenerales cola fachada de Saint-Denis, una derivación de la fachada del románicu normandu.

La fachada presenta un conxuntu proporcional, amenorgando los sos elementos a lo esencial, anque con gran riqueza de detalles. Optóse por una paré «plástica» qu'interconecta tolos sos elementos y pasa a integrar tamién la escultura en llugares predefinidos, evitando que se disponga un tanto aleatoriamente como asocedía nel románicu.

La fachada presenta trés niveles horizontales y ta estremada en trés zones verticales polos contrafuertes llixeramente prominentes que xunen en verticalidá los dos pisos inferiores y refuercen los picos de les dos torres. Na organización de la fachada, que sigue un patrón xerárquico y xeométrico, pueden estremase la torre norte, la torre sur, la Galería de les quimeras, el rosetón occidental, la Galería de los reis y les puertes d'accesu:

  • Puerta del llau norte: Puerta de la Virxe.
  • Puerta central: Puerta del Xuiciu Final.
  • Puerta del llau sur: Puerta de Santa Ana.

Sobro les puertes de la fachada, atópase la Galería de los reis, formada por 28 estatues que representen a los reis de Xudea ya Israel. Mientres la Revolución francesa, diches estatues fueron destruyíes nel so mayor parte por cuenta de que creíase que representaben a los reis de Francia, polo que les estatues actuales son retruques de les orixinales, parte de les cualos pueden trate nel Muséu Cluny.

Les torres tienen 69 metros d'altor. La torre sur contien la famosa campana Emmanuel. Puede visitase, pasando pola Galería de les quimera (mitoloxía) quimeras.

Interior[editar | editar la fonte]

Interior de la catedral escontra l'altar mayor.

L'interior de la catedral destaca pola so lluminosidá y ventanales, gracies a los amplios ventanales que se abren na cabecera, el claristorio, el triforio y les naves llaterales. Gran orixinalidá y audacia suponen les pilastres cilíndriques que dixebren los espacios de les naves. En contra de lo que se fixo dempués na mayoría d'edificios góticos, diseñóse a manera de columnes xigantes, ensin fexes o columnilles adosaes. Les bóvedes y les tracerías de los ventanales amuesen diseños simples, como correspuende a la fase inicial del góticu en que fueron proxectaos. La decoración escultórica de capiteles, enjutas y demás espacios tamién respuende a la cencellez heredera de la tradición cisterciense, y predominen nellos los elementos vexetales.

Na cabecera, destaca la monumental Piedá, esculpida por Nicolas Coustou nel sieglu xviii , y que preside la catedral dende'l centru del ábside. Arrodien a la estatua dos tales efixes del rei Luis XIII, obra de Guillaume Coustou, y Luis XIV, por Antoine Coysevox. Dambos monarques apaecen arrodillados n'actitú de súplica, y arródien-yos ánxeles portando les Arma Christi.

L'espaciu del coru caltien parte de la sillería de madera que foi asitiada nesti espaciu nel sieglu xviii  Presenta una decoración típicamente barroca, con bayura de volutes y baxorrelieves tallaos.

La mayor parte de les vidreres fueron asitiaes mientres les socesives restauraciones que se realizaron dende'l sieglu xix .

L'ayalga de la catedral guarda delles reliquies rellacionaes cola Pasión de Cristu: la Corona d'escayos, un fragmentu de la Vera Cruz y unu de los clavos que sirvió para la crucifixón. Estes preseas sacres fueron mercaes pol rei Luis IX al emperador de Constantinopla. El 19 d'agostu de 1239, el rei en persona llevó les reliquies a Notre-Dame mientres se construyía un edificiu fayadizu pa elles, lo que sería la Sainte Chapelle. Mientres la Revolución Francesa, les reliquies fueron llevaes a la Biblioteca Nacional. Tres el Concordatu de 1801, entregáronse a la custodia del arzobispu de París, que les depositó de nuevu na catedral el 10 d'agostu de 1806.

L'órganu[editar | editar la fonte]

L'órganu de la catedral de Notre-Dame.

L'órganu principal de la catedral ye un destacáu preséu, obra de Aristide Cavaillé-Coll nel so mayor parte; tien una caxa afatada con autómates. La plaza d'organista titular de Nôtre Dame ye unu de los más altos honores a los que puede aspirar un músicu. Ente los que la ocuparon destaca Louis Vierne, que foi organista ente los años 1900 y 1937.

Quema[editar | editar la fonte]

La quema na Catedral de Notre-Dame de París foi un accidente de causes entá desconocíes que s'empecipió na tarde del 15 d'abril de 2019 nel techu del edificiu y causó daños considerables. L'aguya de la catedral y el techu colapsaron, y l'interior y los artefactos qu'allugaba fueron gravemente estropiaos.[2][3][4][5]

Na cultura popular[editar | editar la fonte]

Lliteratura[editar | editar la fonte]

Mientres el Romanticismu, Victor Hugo, escribió, en 1831, la novela Notre-Dame de Paris. Asitiando los acontecimientos na catedral mientres la Edá Media, la historia trata de Quasimodo, que se namora d'una xitana de nome Esmeralda. La ilustración poética del monumentu abre puertes a un nuevu deséu de conocencia de l'arquiteutura del pasáu y, principalmente, de la catedral de Notre Dame de París.

Y la catedral no era sólo su compañera, era el universo; mejor dicho, era la Naturaleza en sí misma. Él nunca soñó que había otros setos que las vidrieras en continua floración; otra sombra que la del follaje de piedra siempre en ciernes, lleno de pájaros en los matorrales de los capiteles sajones; otras montañas que las colosales torres de la iglesia; u otros océanos que París rugiendo bajo sus pies.

Victor Hugo, Nuestra Señora de París, 1831.

Ver tamién[editar | editar la fonte]

Bibliografía[editar | editar la fonte]

  • Pascal Tonazzi, Florilège de Nôtre Dame de Paris (anthologie), Editions Arléa, París, 2007, ISBN 978-2-86959-795-2
  • VV. AA.: El gótico: arquiteutura, escultura, pintura. Editorial H.F. ULLMANN, 2004, ISBN 9783833111693

Referencies[editar | editar la fonte]

  1. «Incendio en la catedral de Notre Dame de París» (15 d'abril de 2019). Consultáu'l 15 d'abril de 2019.
  2. (en fr) Important incendie en cours dans la cathédrale Notre-Dame de Paris. 15 d'abril de 2019 a las 18.50. https://www.lemonde.fr/societe/article/2019/04/15/incendie-en-cours-dans-la-cathedrale-notre-dame-de-paris_5450533_3224.html. Consultáu 'l 15 d'abril de 2019. 
  3. «[https://twitter.com/France24_en/status/1117862077324877826 NotreDameFire: 'According to French officials there were no deaths... The cathedral closes at 18:45 and the fire started 5 or 6 minutes after' @mperelman, editor @France24pic.twitter.com/qo8fAvZBrV]» (en). @France24_en (2019T11:47). Consultáu'l 2019-04-15.
  4. «Incêndio atinge a Catedral de Notre-Dame, em Paris» (pt-br). G1. Consultáu'l 2019-04-15.
  5. «Huge fire breaks out at Notre Dame Cathedral in Paris» (en). euronews (2019-04-15). Consultáu'l 2019-04-15.

Enllaces esternos[editar | editar la fonte]