Quema de la catedral de Notre-Dame de París

De Wikipedia
Saltar a navegación Saltar a la gueta

La Catedral de Notre-Dame de París sufrió una quema qu'entamó na tarde del 15 d'abril de 2019 nel techu del edificiu y asucó daños abundosos. L'aguya de la catedral y la techume colapsaron y tanto l'espaciu interior como munches pudencies foron dañaos. La quema produxose accidentalmente, por motivos aínda desconocíos.

Contestu[editar | editar la fonte]

La catedral data del sieglu XII y cuenta con una mestura de mampostería —qu'ofrez sofitu estructural— y madera pelos techos principales y aguya. Ésta yera una recreación decimonónica de roble anubiertu de chombu de la retirada en 1786.

Los bomberos por aciu de los medios de comunicación franceses dixeron que la quema podría tar rellacionada coles obres de renovación que precisaba'l edificiu depúes d'una apellada d'emerxencia en 2018. La renovación llevose a cabu mediante donaciones; el reconocíu escalador Alain Rober, per expemplu, escaló un rascacielos para sofitar na recaudación de fondos.

Alzáronse dalgunos andamios alredor de los techos y tanto les estatues de piedra como les de bronce retiráronse del llugar enantes d'entamar les llabores de renovación. Philippe Villeneuve, arquiteutu, aseguró en xunu de 2017, cuando aniciaba a aumentar la preocupación, que «la contaminación yera la principal culpable».​

L'aguya taba arrodiada d'estatues de cobre de los doce apóstoles, en cuatro grupos de tres, cada grupu nún delos puntos cardinales. A cada ún de los cuatro grupos precedíalos un animal que simbolizaba a los cuatro evanxelistes: un güe para San Llucas, un lleón para San Marcos, un águila para San Xuan y un ánxel para San Mateo. Díes antes de la quema, toles estatues foron recoyides para entamar les llabores de restauración.

Desendolcu[editar | editar la fonte]

Según el fiscal de París, Rémy Heitz, surtiose una primer alarma a les 6:20 pm. Produzse un procedimientu para esaniciar les duldes, pero nun paez que se produza nenguna quema. Una segunda alerta dase a les 6:43 pm: al poco observarse una quema nel marcu. Llegaos unos quince minutos dempués, los bomberos nun llogren controlalo. Multitud d’espectadores asisten al acontecimientu.

A les 7:57 pm, l'aguya central colapsa. A les 8:59 pm, el fueu paez recuperar intensidá, llegando a la torre norte de la catedral. A les 9:07 pm, un periodista de France Info presente na isla de la Cité notó que la torre norte taba empezando a amburase, lo cual ye confirmáu pocu dempués.

Consultada la posibilidá de dexar cayer agua a baxu altor, la Dirección xeneral de seguridá civil amosó'l so desalcuerdu énte esta solución, el pesu de l'agua puede debilitar los cimientos de la catedral. Un voceru del cuerpu de Bomberos de París declaró qu'importantes medios d'intervención fueron movilizaos y que bomberes del departamentu de París lleguen en refuerzu.

Poco enantes de les 10 pm, el Secretariu d'Estáu del Interior, Laurent Núñez, llegó al llugar, anuncia a la prensa que'l rescate de la catedral ta en marcha y moviliza a unos cuatrocientos bomberos y l'usu de dieciocho mangones. Poco primero de les 11 pm, indica que l’estructura del edificiu, especialmente'l campanariu del norte, pudo ser salváu.

Referencies[editar | editar la fonte]

Incendio en la catedral de Notre Dame de París. (2019, 16 de abril). Wikipedia, La enciclopedia libre. Fecha de consulta: 18:25, abril 16, 2019 desde https://es.wikipedia.org/w/index.php?title=Incendio_en_la_catedral_de_Notre_Dame_de_Par%C3%ADs&oldid=115305525

Incendie de Notre-Dame de Paris. (2019, avril 16). Wikipédia, l'encyclopédie libre. Page consultée le 18:23, avril 16, 2019 à partir de http://fr.wikipedia.org/w/index.php?title=Incendie_de_Notre-Dame_de_Paris&oldid=158493653.

Enllaces esternos[editar | editar la fonte]