Rosetón

De Wikipedia
Saltar a: navegación, buscar
Santu Domingu de Soria. Rosetón románicu.

Un rosetón, palabra proveniente del Llatín rosa, ye una ventana circular calada, dotada de vidreres, que la so traperiada disponse xeneralmente de forma radial.[1]

Evolución arquitectónica[editar | editar la fonte]

El rosetón utilizóse principalmente nes fachaes d'ilesies gótiques, algamando la so mayor rellumanza na arquitectura gótica. Nel románicu solía ser de pequenu diámetru y disponíase a manera de óculo nos llaterales de les naves. Pero a partir del sieglu XIII los rosetones fueron aumentando en tamañu y en complexidá de decoración, hasta llegar a increíbles graos de filigrana pedresa. Pasaron a asitiase nes fachaes, percima de les portaes, y en cada unu de los frentes del transepto. Les vidreres decorábense de normal con escenes bíbliques en vivos colores.

Simboloxía[editar | editar la fonte]

Al rosetón atribuyóse-y un doble simbolismu: unu marianu, pola apariencia que tien de la estructura d'una rosa; otru que suxure a Cristu, como asonsañu de los rayos del sol.

Notre Dame de París. Vista interior del rosetón norte, unu de los trés rosetones colos que cunta la catedral.

La so misión tamién ye doble: per un sitiu, la más simple d'allumar l'interior de los templos; por otru, el consiguir un ambiente misterioso al incidir nel altar los rayos peneraos poles multicolores vidreres cuando los rosetones abrense nel imafronte de la nave central.

Como unu de los exemplos más representativos de la sublimidá artística que puede zarrar un rosetón suelse citar la pareya qu'afata'l transepto de Notre Dame de Paris.

N'España esisten dellos diseños, como por casu el Güeyu del góticu na Catedral de Santa María de Palma de Mallorca, el de la Catedral de Mondoñedo o tamién los de la Catedral de Llión, la Catedral de Sevilla y la Catedral de Burgos ente tantos otros.

Otros usos[editar | editar la fonte]

Tamién puede faer referencia a la flor ornamental presente nos capiteles corintio y compuesto.[1]

Referencies[editar | editar la fonte]

  1. 1,0 1,1 Léxico de arte. Akal. ISBN 978-84-460-0924-5.