Meg Ryan

De Wikipedia
Saltar a: navegación, buscar
Meg Ryan
Meg Ryan
Meg Ryan 2 Met Opera 2010 Shankbone.jpg
Meg Ryan en 2010.
Nome real Margaret Mary Emily Anne Hyra
Nacencia 19 de payares de 1961 (56 años)
Bandera de Estaos Xuníos d'América Fairfield, Connecticut, Estaos Xuníos
Nacionalidá estaunidense
Pareya/es Dennis Quaid (1991-2001)
Fíu/os Jack Henry Quaid (1992)
Daisy True (2006) (adoptada)
Ficha en IMDb

Margaret Mary Emily Anne Hyra (Fairfield, Connecticut, 19 de payares de 1961), meyor conocida como Meg Ryan, ye una actriz de cine, televisión, Productor de cine productora de cine y televisión d'Estaos Xuníos. Mientres la so trayectoria profesional Ryan recibió dellos premios y nominaciones ente les que cabo destacar tres candidatures al Globu d'Oru a la meyor actriz de comedia o musical y una al Premiu del Sindicatu d'Actores a la meyor actriz protagonista.[1] Conocida poles sos intervenciones en películes como Innerspace (1987), When Harry Met Sally (1989), Sleepless in Seattle (1993), French Kiss (1995) o You've Got Mail (1998). Amás l'actriz recaldó coles sos películes, hasta l'añu 2009, más de 1.100 millones de dólares namái en Estaos Xuníos.[2]

Biografía[editar | editar la fonte]

El Padre de Meg Ryan, Harry Hyra ye de Polonia y la so madre Susan Hyra ye de Irlanda. Entós daquella conocer como Peggy, nomatu utilizáu tamién pola so güela. Tien dos hermanes, Dana y Annie, amás d'un hermanu, Andrew.[3] Graduóse del colexu Saint Pius X Elementary School, en Fairfield, llugar en que la so madre, Susan Ryan Hyra Jordan, exercía como profesora de sestu grau. Naquel colexu foi confirmada na relixón católica romana, escoyendo'l nome Anne como'l so nome de confirmación.[4]Dempués, Ryan estudió periodismu na Universidá de Nueva York.[3]

Carrera[editar | editar la fonte]

Primeros años[editar | editar la fonte]

La carrera de Meg Ryan empezó con una intervención na serie de televisión As the World Turns (1982), pa pocu dempués consiguir el so primer papel relevante nel cine cola película Top Gun (1986), protagonizada por Tom Cruise y anguaño el so trabayu más taquilleru con 353 millones de dólares. Al añu siguiente interpretó a Lydia Maxwell en Innerspace, na que conoció al que sería'l so home mientres diez años, Dennis Quaid.

Interpretó'l orgasmu que-y dio fama na comedia romántica When Harry Met Sally (1989), xuntu a Billy Crystal, Netflix publicó que «esta comedia romántica con Meg Ryan y Billy Cristal ye difícil que non te guste». Trabayó con Tom Hanks nes comedies romántiques Joe Versus the Volcano (1990)y Sleepless in Seattle (1993) poles que recibió nominaciones al Globu d'Oru a la meyor actriz de comedia o musical.

En 1991 interpreta a Pamela Courson, la novia de Jim Morrison, na película The Doors de Oliver Stone, compartiendo creitos con Val Kilmer. Al rematar esti filme y pasalo nos cines, la familia de Pamela taba bien fadia pola forma en que s'amuesa a Courson, faciéndola pasar por drogadicta cuando según ellos la realidá foi que Morrison yera quien la inducía. El próximu proyectu foi Prelude to a Kiss (1992) con Alec Baldwin y en 1995 foi candidata al Premiu al Sindicatu d'Actores a la meyor actriz pol drama When a Man Loves a Woman, na qu'interpretaba a una muyer que sufría de alcoholismu. Esi mesmu añu tamién estrenó la comedia I.Q., con Tim Robbins y Walter Matthau, estrenada n'avientu de 1994.

1995-2000[editar | editar la fonte]

En 1995 protagonizó y debutó como Productor de televisión productora con French Kiss na qu'interpretaba a una muyer que se diba a Francia pa tratar de recuperar al amor de la so vida. Tamién formó parte d'un repartu qu'incluyía a nomes como Hugh Grant, Sam Neill o Robert Downey, Jr nel filme de dómina Restoration (1995). En 1996 dio vida a la capitán Karen Walden en Courage Under Fire (1996), la primer película que tuvo un argumentu cola temática de la guerra del golfu y na que compartió cartelu con Denzel Washington, llogrando una bona respuesta per parte de la crítica. Draguen Antulov dixo que «pa Meg Ryan esta ye la oportunidá pa escaecer la so imaxe de moza de comedia romántica ya interpretar papeles serios, pa variar».

Protagonizó la comedia romántica Addicted to Love (1997) y emprestó la so voz al personaxe d'Anastasia na película de títulu homónimu. En 1998 protagonizó diverses cintes, les comedies romántiques City of Angels con Nicolas Cage y You've Got Mail, de nuevu con Tom Hanks, siendo candidata nuevamente al Globu d'Oru a la meyor actriz de comedia o musical, Y! Online publicó que «la química ente Hanks y Ryan ye innegable». Dambes producciones recaldaron 198 y 250 millones de dólares respectivamente. Intervieno con Sean Penn y Kevin Spacey nel drama independiente Hurlyburly. Darréu llegaríen les cintes Hanging Up (2000), Kate and Leopold (2001) y la cinta d'acción Proof of Life (2000), con Russell Crowe como compañeru de repartu y con quien caltuvo una curtia relación sentimental.

2003-presente[editar | editar la fonte]

Amosó'l so cuerpu desnudu per primer vegada na pantalla col drama eróticu In the Cut (2003), dirixíu por Jane Campion y del que s'afirmó «por enforma que Meg Ryan quiera ganar un Óscar, desafortunadamente, nun pasa la corte».[ensin referencies] Al añu siguiente protagonizó Against the Ropes (2004), interpretando a Jackie Kallen, una mánager de boxéu. Intervieno nun personaxe secundariu, como una muyer enferma de cáncer de mama, en Ente muyeres (2007) y trabayó a les ordes de Diane English y xuntu a Eva Mendes, Debra Messing y Annette Bening en The Women (2008), pola que recibió la so primer candidatura al Razzie a la peor actriz. La prensa cinematográfica dixo «Meg Ryan ta perbién equí, pero The Women ye la típica comedia romántica que fai que los homes odien esti tipu de cine».

En El mio noviu ye un lladrón (2008) tuvo como compañeru de repartu a Antonio Banderas, finalmente la película nun s'estrenó en sales de Estaos Xuníos, sicasí en España foi estrenada n'abril de 2008. Tampoco la comedia The Deal, con William H. Macy consiguió ser distribuyida, siendo estrenada directamente pa videu en xineru de 2009. En 2009 encabezó'l repartu de Serious Moonlight, la cinta foi estrenada n'Estaos Xuníos n'avientu de 2009 y directa al mercáu domésticu en numberosos países como Arxentina.

Vida privada[editar | editar la fonte]

Meg Ryan casóse col actor Dennis Quaid el 14 de febreru de 1991, el día de San Valentín.[3] Tuvieron un fíu, Jack Henry Quaid, que nació'l 24 d'abril de 1992.[3] Dennis tuvo problemes coles drogues, siendo adictu a la cocaína dende 1989. Quaid declaró en numberoses ocasiones que "el tratamientu y la recuperación fueron bien difíciles y afectarón el so matrimoniu". La pareya divorcióse'l 16 de xunetu de 2001 dempués de que Ryan protagonizara un romance col actor Russell Crowe, el so compañeru de repartu na película Proof of Life (2000).[5] Anguaño ta divorciada.

L'actriz ta bien arreyada na política estaunidense, defendiendo'l partíu demócrata d'Estaos Xuníos, especialmente les iniciatives y los programes de protección del mediu ambiente. En 2003 sofitó la campaña de Wesley Clark pa ser el presidente de los Estaos Xuníos. Amás sofitó a John Kerry nes elecciones presidenciales de 2004.[6]

L'actriz sumó un nuevu miembru a la familia al adoptar en 2006 a una neña china de 14 meses, llamada Daisy True.[7]

Filmografía[editar | editar la fonte]

Meg Ryan nel Festival de Cine de Cannes, en 2010.
Añu Película Títulu(s) n'español Personaxe Direutor
1981 Rich and famous Riques y famoses Debby Blake George Cukor
1986 Top Gun Top Gun: Ídolos del aire
Pasión y gloria
Carole Tony Scott
Armed and Dangerous Armaos y peligrosos Maggie Cavanaugh Mark L. Lester
1987 Promised Land Tierra prometida Beverly 'Bev' Sykes Michael Hoffman
Innerspace El chip prodixosu
Viaxe insólitu
Lydia Maxwell Joe Dante
1988 D.O.A. Muertu al llegar Sydney Fuller Annabel Jankel
Rocky Morton
The Presidiu Más fuerte que l'odiu Donna Caldwell Peter Hyams
When Harry Met Sally Cuando Harry conoció a Sally /> Cuando Harry atopó a Sally Sally Albright Rob Reiner
1990 Joe versus the Volcano Joe contra'l volcán Patricia Graynamore John Patrick Shanley
1991 The Doors The Doors: La lleenda Pamela Courson Oliver Stone
1992 Prelude to a Kiss Conxuru d'un besu
Preludiu d'un besu
Rita Boyle Norman René
1993 Sleepless in Seattle Daqué pa recordar
Sintonía d'amor
Annie Reed Nora Ephron
Flesh and Bone Como uña y carne
Silenciu de sangre
Kay Davies Steve Kloves
1994 Cuando un home ama a una muyer Cuando un home ama a una muyer Alice Green Luis Mandoki
I.Q. El xeniu del amor
Fórmula p'amar
Catherine Boyd Fred Schepisi
1995 French Kiss Besu francés
Quiero dicite que te amo
Kate Lawrence Kasdan
Restoration Restauración Katharine Michael Hoffman
1996 Courage Under Fire N'honor a la verdá
Valor baxu fueu
Capitan Karen Emma Walden Edward Zwick
1997 Addicted to Love Adictos al amor Maggie Griffin Dunne
Anastasia Anastasia (voz) Don Bluth
Gary Goldman
1998 City of Angels Un ánxel namoráu Dr. Maggie Rice Brad Silberling
Hurlyburly Descontrol
Caos mental
Bonnie Anthony Drazan
You've Got Mail Tienes un y-mail Kathleen Kelly Nora Ephron
2000 Hanging Up Colgaes
Nun nos dexes colgaes
Eve Mozell Marks Diane Keaton
Proof of Life Prueba de vida Alice Bowman Taylor Hackford
2001 Kate and Leopold Kate y Leopold
Kate y Leopoldo
Kate McKay James Mangold
2003 In the Cut En carne viso Frannie Jane Campion
2004 Against the Ropes Contra les cuerdes Jackie Kallen Charles S. Dutton
2007 In the Land of Women Ente muyeres Sarah Hardwicke John Kasdan
2008 My Mom New's Boyfriend El nuevu noviu de ma
El nuevu noviu de la mio ma
El mio noviu ye un lladrón
Marty George Gallu
The Women Tou sobre les muyeres Mary Haines Diane English
The Deal L'alcuerdu Deidre Hearn Steven Schachter
2009 Serious Moonlight Atrapáu por amor Louise Cheryl Hines
2011 Live of the Saints Chris Rossi

Premios[editar | editar la fonte]

Globu d'Oru
Añu Categoría Película Resultancia
1998 Globu d'Oru a la meyor actriz - Comedia o musical You've Got Mail Candidata
1993 Globu d'Oru a la meyor actriz - Comedia o musical Sleepless in Seattle Candidata
1989 Globu d'Oru a la meyor actriz - Comedia o musical When Harry Met Sally Candidata
Premios del Sindicatu d'Actores
Añu Categoría Película Resultancia
1995 Meyor Actriz When a Man Loves a Woman Candidata

Referencies[editar | editar la fonte]

  1. Consultáu en 2010Premios y nominaciones de Meg Ryan imdb (n'inglés)
  2. Consultáu en 2010Meg Ryan na taquilla d'Estaos Xuníos Box Office Mojo (n'inglés)
  3. 3,0 3,1 3,2 3,3 Consultáu en 2010Biografía de Meg Ryan imdb (n'inglés)
  4. Consultáu en 2010Meg Ryan Interview: Isn't She Romantic? rd.com (n'inglés)
  5. Consultáu en 2010Meg Dumped Russell, Not Vice-Trata people (n'inglés)
  6. Consultáu en 2010Bon Jovi hosts $1 million fundraiser for John Kerry usatoday.com (n'inglés)
  7. Consultáu en 2010Meg Ryan Adopts a Girl People (n'inglés)

Enllaces esternos[editar | editar la fonte]