Nora Ephron
![]() |
Nora Ephron (19 de mayu de 1941, Upper West Side (es) – 26 de xunu de 2012, Manhattan) foi una guionista, direutora de cine, productora, periodista, novelista, ensayista y dramaturga d'Estaos Xuníos. Yera una de les más agudes y brillantes periodistes neoyorquines cuando publicó Heartburn, consideráu un rellatu del so matrimoniu con Carl Bernstein, unu de los periodistes del casu Watergate (vease Gargüelu Fondu (Watergate)). Finó'l 26 de xunu de 2012, víctima de leucemia[5].
Carrera
[editar | editar la fonte]Saltó a la fama internacional cuando escribió'l guión de l'aclamada comedia When Harry Met Sally; tamién foi reconocida polos sos trabayos como guionista y direutora en Sintonía d'amor (1993) y Tienes un e-mail (1998). Amás de la so trayeutoria detrás de cámares, destacó como ensayista y escritora.
Filmografía selecta
[editar | editar la fonte]- (1983) Silkwood (guionista)
- (1986) Heartburn (guionista; novelista)
- (1989) When Harry Met Sally (guionista; productora asociada)
- (1989) Cookie (guionista; productora executiva)
- (1990) El mio queríu mafiosu (guionista; productora executiva)
- (1992) Esta ye la mio vida (This is my life) (direutora; guionista)
- (1993) Sintonía d'Amor (direutora; guionista)
- (1994) Un día de llocos (direutora; guionista)
- (1996) Michael (direutora; guionista; productora)
- (1998) The Hairy Bird/Strike!/All I Wanna Do (productora executiva)
- (1998) Tienes un e-mail (direutora; guionista; productora)
- (2000) Colgaes (guionista; productora)
- (2000) Combinación ganadora (direutora; productora)
- (2005) Embruxada (direutora; guionista; productora)
- (2009) Julie & Julia (direutora; guionista; productora)
Premios
[editar | editar la fonte]Premios Óscar
[editar | editar la fonte]Añu | Categoría | Película | Resultáu |
---|---|---|---|
1993 | Óscar al meyor guión orixinal | Sleepless in Seattle | Candidata |
1989 | Óscar al meyor guión orixinal | When Harry Met Sally | Candidata |
1983 | Óscar al meyor guión orixinal | Silkwood | Candidata |
Ephron y "Gargüelu Fondu"
[editar | editar la fonte]Mientres munchos años, Ephron foi una de les bien poques persones del mundu que conocíen la verdadera identidá de Gargüelu Fondu, la fonte de los artículos periodísticos que publicaron el so ex maríu, Carl Bernstein, y Bob Woodward mientres l'escándalu Watergate.[6] Ephron dixo qu'afayó la identidá de Gargüelu Fondu dempués de lleer les notes de Bernstein, que mentaben a un tal "MF".[6] Bernstein aseguraba que "MF" quería dicir "My Friend (El mio amigu)", pero Ephron aldovinó correutamente que yeren les iniciales de Mark Felt, quien fuera direutor asociáu de la FBI. Primero que Felt revelara, nel 2005, qu'él yera Gargüelu Fondu, hubo munches especulaciones alrodiu de la fonte real de Bernstein y Woodward.[6]
El matrimoniu de Ephron con Bernstein terminó con rensíes, y dempués de la rotura Ephron reveló la identidá de Gargüelu Fondu.[7] Ephron reveló'l datu al so fíu Jacob y a cualesquier otra persona que quixera saber. Dalguna vegada mentó: "Una vegada di una charra ante un grupu de 500 persones, y una d'elles dixo: '¿Sabi quién ye Gargüelu Fondu?' Y díxi-y: 'Ye Mark Felt.'"[7] Los compañeros de clase de Jacob Bernstein na Dalton School y nel Vassar College recuerden que Jacob reveló a munches persones que Felt yera Gargüelu Fondu. Curiosamente, esta revelación nun atraxo l'atención de los medios mientres tolos años nos que la identidá de Gargüelu Fondu foi un misteriu. Ephron reconoció, más tarde, que "Fora de los mios fíos, naide creíame."[8] Ephron foi convidada por Arianna Huffington por qu'escribiera alrodiu de la so esperiencia nel Huffington Post, pal cual contribuyía como bloguera con regularidá y tamién como editora de mediu tiempu.[6]
Referencies
[editar | editar la fonte]- ↑ Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ 2,0 2,1 2,2 2,3 «Nora Ephron Dies at 71; Writer and Filmmaker With a Genius for Humor» (inglés). The New York Times (26 xunu 2012). Consultáu'l 6 payares 2017.
- ↑ «Nora Ephron, screenwriter behind When Harry Met Sally, dead at 71». Consultáu'l 26 xunu 2012.
- ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ «Morrió Nora Ephron, l'autora de Cuando Harry conoció a Sally». Telam (26 de xunu de 2012). Consultáu'l 26 de xunu de 2012.
- ↑ 6,0 6,1 6,2 6,3 Deep Throat and Me: Now It Can Be Told, and Not for the First Time Either. 31 de mayu de 2005. http://www.huffingtonpost.com/nora-ephron/deep-throat-and-me-now-it_b_1917.html. Consultáu'l 19 d'avientu de 2008.
- ↑ 7,0 7,1 Hawkins, Ed (4 de marzu de 2007). escritu en Londres. «Get real – ageing's not all Helen Mirren». The Times. http://women.timesonline.co.uk/tol/life_and_style/women/article1466183.ece. Consultáu'l 16 d'agostu de 2007.
- ↑ «Nora Ephron». The Daily Telegraph. 27 de xunu de 2012. http://www.telegraph.co.uk/news/obituaries/culture-obituaries/film-obituaries/9358820/Nora-Ephron.html.
Enllaces esternos
[editar | editar la fonte]- Nora Ephron na Internet Movie Database (n'inglés)
- Nora Ephron na Internet Broadway Database (n'inglés)
- Nora Ephron n'AllMovie (n'inglés)
- «Nora Ephron». en Find a Grave. (n'inglés)
- Muyeres
- Persones nacíes en 1941
- Persones finaes en 2012
- Productores de cine d'Estaos Xuníos
- Direutores de cine d'Estaos Xuníos
- Guionistes de cine d'Estaos Xuníos
- Comunistes d'Estaos Xuníos
- Ensayistes d'Estaos Xuníos
- Ganadores del premiu BAFTA
- Escritores d'Estaos Xuníos
- Novelistes d'Estaos Xuníos
- Persones de Nueva York