Denzel Washington

De Wikipedia
14-12-2020 19:31
Denzel Washington
Vida
Nacimientu Mount Vernon (es) Traducir28 d'avientu de 1954[1] (69 años)
Nacionalidá Bandera de Estaos Xuníos d'América Estaos Xuníos
Residencia Beverly (es) Traducir
Grupu étnicu afroamericanu d'Estaos Xuníos
Llingua materna inglés
Familia
Casáu con Pauletta Pearson Washington (1983 – )
Fíos/es
Estudios
Estudios Universidá de Fordham Grau n'Artes : periodismu, inglés
Mainland High School (en) Traducir
Mount Vernon High School (en) Traducir
Oakland Military Academy (en) Traducir
Pennington-Grimes Elementary School (en) Traducir 1968)
El Centro de Educación Temprana (es) Traducir
Llingües falaes inglés[3]
Oficiu
Oficiu direutor de cine, productor de cine, actor de cine, voceru, actor de teatru, actor de televisiónactor
Trayeutoria
  Equipu
Fordham Rams men's basketball (en) Traducir
Posición o especialidá base
Altor 1,85 m
Premios
Nominaciones
Miembru de Academia de les Artes y les Ciencies d'Estaos Xuníos
Creencies
Partíu políticu Partido Republicano de California (es) Traducir
IMDb nm0000243
Cambiar los datos en Wikidata

Denzel Hayes Washington, Jr. (28 d'avientu de 1954Mount Vernon (es) Traducir) ye un actor y direutor de cine d'Estaos Xuníos, ganador de dos Premios Óscar, dos Globos d'Oru y un premiu Tony.

Biografía[editar | editar la fonte]

Nació'l 28 d'avientu de 1954, en Mount Vernon, Nueva York (EE.XX.) y ye'l segundu de tres fíos d'un ministru pentecostal y una madre bautista, propietaria d'una tienda de belleza. Nun principiu pensaba dedicase a la medicina, pero finalmente empecipió la carrera de periodismu na Universidá de Fordham. Mientres la so estancia como orientador nun campamentu de branu intervieno nuna producción teatral y empezó a interesase pola actuación. Volvió a Fordham esi añu y estudió col profesor Robinson Stone. Más tarde treslladóse a San Francisco pa inscribise nel Conservatoriu Americanu de Teatru. Dempués d'un intensivu añu d'estudiu nel ACT, tres una curtia parada en Los Angeles y abandonando el conservatoriu, tornó a Nueva York pa buscar trabayu como actor.

Debutó nel cine en 1981 con Carbon Copy. En 1987 Denzel Washington interpretó'l papel del activista negru sudafricanu Stephen Biko en Glaya llibertá, papel pol que foi nomáu al Óscar como Meyor Actor Secundariu. En 1989 interpretó unu de los papeles protagonistes en Glory, alrodiu de la participación de los afroamericanos na guerra civil norteamericana, que-y fizo ganar l'Óscar al meyor actor de repartu.

Carrera al estrellalgu[editar | editar la fonte]

La carrera profesional nel teatru neoyorquín empezó con Shakespeare in the park, de Joseph Papp, a la que-y siguieron aína numberoses producciones, ente elles, Ceremonies in dark old men, Came home to roost, Otelo o Man and Superman. La so versatilidad como actor apurrió-y un puestu trabayu en producciones televisives como'l telefilme Flesh and blood (1970), Wilma (1977), Carbon Copy (1981) o la serie St. Elsewhere (1982), na qu'algamó la fama pola so interpretación mientres seis temporaes del Dr. Chandler.

Trabayó en Cry Freedom (1987), dirixida pol británicu Richard Attenborough, pol que foi nomáu al Óscar al meyor actor de repartu. Darréu, siguió con papeles de gran entidá como en Tiempos de gloria (1989), cola que volvió tar ente los nomaos.

Washington interpretó unu de los sos papeles más aclamaos pola crítica na película Malcolm X de 1992, dirixida por Spike Lee, onde la so interpretación del líder del nacionalismu negro reportó-y una nominación al Óscar. Tanto l'influyente críticu de cine Roger Ebert como l'aclamáu direutor de cine Martin Scorsese nomaron a la película como una de les diez meyores de los años 90.

Malcolm X tresformó la carrera de Denzel Washington, convirtiéndolu n'unu de los actores de Hollywood más respetaos y aclamaos. Refugó dellos papeles asemeyaos, como la posibilidá d'interpretar a Martin Luther King.

Denzel Washington interpretó'l papel del abogáu Joe Miller en Philadelphia (1993), xunto a Tom Hanks, pero esta vegada l'Academia nin siquier lu nomó. Tom Hanks, sicasí, dixo d'él que yera l'actor del que más deprendiera.

En películes como The Pelican Brief, Crimson Tide, The Preacher's Wife, Fallen y The Bone Collector, foron ésitos de taquilla. Trabayó en The Hurricane (1999), na qu'encarnaba a un boxeador acusáu inxustamente d'un triple homicidiu pol que tuvo venti años na cárcele. Por esti papel llogró'l Globu d'Oru y l'Osu de Plata de la Berlinale.

Denzel Washington tien un estilu bien particular qu'entemez la bondá y la pasión, esti amiestu innatu da-y a los complicaos personaxes qu'interpreta una solidez bien creíble qu'apasiona al públicu, quiciabes una de les interpretaciones más representatives del so estilu seya nel filme dramáticu John Q de Nick Cassavetes, con Robert Duvall y Anne Heche.

Washington fixo'l so debú como direutor con Antwone Fisher en 2002, una película que co-protagonizó xunto a Derek Luke, na qu'interpreta a un psiquiatra naval qu'ayuda a un mozu marine con un traumáticu pasáu.

Tamién participó en grandes películes como Man on Fire, The Manchurian Candidate (2004) y Plan ocultu (2006), última película de Spike Lee.

En 2007 protagonizó American Gangster, rodada so les órdenes de Ridley Scott y acompañáu nel repartu por Russell Crowe, na qu'interpreta a Frank Lucas, un vendedor d'heroína de Harlem de la década de los 60.

Denzel Washington tamién asumió un tipu de papel bien distintu, yá que actuó como productor executivu de dos documentales biográficos: 'Half past autumn: The Gordon Parks Story', que foi nomáu pa dos premios Emmy nes categoríes d'Especial de Non Ficción y Direutor de Fotografía d'un Programa de Non Ficción. La so narración de la lleenda de 'John Henry' foi nomada pa un Grammy en 1996 na categoría de Meyor Álbum Faláu pa neños y foi gallardoniáu col premiu NAACP pola so interpretación nel especial infantil de dibuxos animaos 'Happily Ever After: Rumpelstiltskin'.

Según la revista especializada "Cahiers du cinema", l'actor preparaba pa 2012 la interpretación na gran pantalla d'un biopic sobre Obama.[5]

Pere Molina encargóse de doblar la so voz nes versiones en castellán.[6]

Filmografía[editar | editar la fonte]

Narrador[editar | editar la fonte]

Televisión[editar | editar la fonte]

Direutor[editar | editar la fonte]

Productor[editar | editar la fonte]

Premios[editar | editar la fonte]

Premiu Óscar
Añu Categoría Película Resultáu
2013 Meyor actor Flight Candidatu
2001 Meyor actor Training Day Ganador
1999 Meyor actor The Hurricane Candidatu
1992 Meyor actor Malcolm X Candidatu
1989 Meyor actor de repartu Tiempos de gloria Ganador
1987 Meyor actor de repartu Glaya llibertá Candidatu
Premiu Globu d'Oru
Añu Categoría Película Resultáu
2013 Meyor actor - Drama Flight Candidatu
2008 Meyor actor - Drama American Gangster Candidatu
2001 Meyor actor - Drama Training Day Candidatu
1999 Meyor actor - Drama The Hurricane Ganador
1992 Meyor actor - Drama Malcolm X Candidatu
1989 Meyor actor de repartu Tiempos de gloria Ganador
1987 Meyor actor - Drama Glaya llibertá Candidatu
Premios del Sindicatu d'Actores
Añu Categoría Película Resultáu
2013 Meyor actor Flight Candidatu
2008 Meyor repartu American Gangster Candidatu
2001 Meyor actor Training Day Candidatu
1999 Meyor actor The Hurricane Candidatu
Premios Satellite
Añu Categoría Película Resultáu
2007 Meyor Actor - Drama American Gangster Candidatu
Premiu Stanley Kramer
Añu Película Resultáu
2003 Antwone Fisher Ganador
Premios Tony
Añu Categoría Obra Resultáu Ref.
2010 Meyor actor Fences Ganador [7]

Referencies[editar | editar la fonte]

  1. Afirmao en: Internet Movie Database. Identificador IMDb: nm0000243. Data de consulta: 13 ochobre 2015. Llingua de la obra o nome: inglés.
  2. URL de la referencia: https://www.elle.com/culture/movies-tv/a44386535/olivia-washington-im-a-virgo-interview/. Data de consulta: 4 xunetu 2023.
  3. Identificador CONOR.SI: 6971491. Afirmao en: CONOR.SI.
  4. «Member Profile – Horatio Alger Association». Consultáu'l 12 abril 2018.
  5. Cahiers du cinema, nᵘ44. Abril 2011
  6. La Voz
  7. «Hollywood trunfa na gala de los premios teatrales Tony». El País (15 de xunu de 2010). Consultáu'l 15 de xunu de 2010.

Enllaces esternos[editar | editar la fonte]