Fernando Alonso

De Uiquipedia
Saltar a: navegación, buscar
Gtk-find-and-replace.svg
Esti artículu necesita una revisión por un correutor qu'ha d'ameyorar la so ortografía, la so gramática, la so sintaxis o'l so vocabulariu. Tamién, iguar les referencies o semeyes o con enllaces francíos.
(ver la llista completa d'artículos pa correxir)


Fernando Alonso
AlonsoCanada2011.jpg
Fernando Alonso, enantes del (GP de Canadá de 2011)
Nacionalidá Español Flag of Spain.svg
Auto # 5
Equipu Ferrari
Carreres aniciaes 159
Campeonatos mundiales 2 (2005, 2006)
Victories 28
Podios 74
Pole positions 20
Vueltes rápides 19
Primer Gran Premiu Gran Premiu d'Australia de 2001
Primera victoria Gran Premiu d'Hungría de 2003
Posición en 2012 Ver clasificación 2012 - (Ver otros años)
Autualización ficha 15 d'abril de 2012


Fernando Alonso, El Nanu (29 de xunetu de 1981), 32 años, ye un pilotu asturianu de Fórmula 1, campeón del mundu en 2005 y 2006. Ñacíu n'Uviéu, Asturies.

Fíu de José Luis Alonso y Ana Díaz, dende los cuatro años hasta los catorce (1985-1995) estudió nel colexu Santu Ánxel de la Guarda, onde cursó primaria y EXB, pasando al Institutu Leopoldo Alas Clarín de San Lázaro hasta l'añu 2000, cuando dexó los estudios ensin finar el COU.

Foi'l pilotu más xoven n'algamar la pole position, con 21 años, 7 meses y 22 díes (Gran Premiu de Malasia) y el primer pilotu español en subir al podiu. Tamién ye'l pilotu que más xoven ganó un Gran Premiu (Hungría 2003) con 22 años y 26 díes y el más xoven en ganar el mundial (2005). En 2006 algamó un nuevu récord al convertise nel pilotu más mozu en ganar dos mundiales.


Entamos en Karts[editar | editar la fonte]

Fernando Alonso entamó la so carrera nel mundu del motor con tres años, viendo al so ídolu de la neñez Ayrton Senna, cuando so pá-y regaló un kart qu'él mesmu-y construyere. Esi añu ganó la so primera carrera ya entamó con amenugamientos depués de la salida del colexu xunto con so pá, que fizo les vegaes de manager y mecánicu. Un añu más sero algamó la llicencia oficial de la "Real Federación Española de Automovilismo".

En 1988, con 7 años, algamó el so primer trunfu nuna competición oficial, el Campeonatu Infantil del Principáu d'Asturies, ganando dafechu les ocho carreres qu'ensamaben la preba. Un añu dempués, en 1989 tornó a proclamase campeón de karts d'Asturies y Galicia.

Darréu de los cambeos de categoría, la familia nun podía sofitar el gastu qu'apareyaben les carreres. Llendando col abandonu, l'importador de karts Genís Marcó fízose cargu de la financiación: apurría los karts, guetaba patrocinadores o exercía él mesmu de tal, curiando la carrera deportiva d'Alonso.

En 1991, proclámase campeón d'Asturies y del País Vascu na categoría Cadetes, algamando el Socampeonatu d'España entá ensin participar en toles carreres. Foi campeón d'España en 1993 y 1994 como júnior, lo que-y dexó competir nel Campeonatu del Mundu al añu siguiente, becáu pola "Real Federación Española de Automovilismo". Nesti campeonatu, quedó terceru per delantre de Kimi Räikkönen ente otros.

En 1996 proclamóse Campeón d'España, del Troféu Estival d'Italia, del Marlboro Grand Prix y del Campeonatu del Mundu Júnior. Al añu siguiente, vence nos campeonatos d'España, Italia y Europa na categoría Internacional A. En 1998 torna a ganar el Campeonatu d'España, el Troféu París-Bercy, el Campeonatu Industria d'Italia y l'Open Ford.

Pasos haza la Fórmula 1[editar | editar la fonte]

En 1999 entró en xuegu el ex-pilotu de Minardi Adrián Campos, que convertiríase nel so mánager. Fíchalu como sustitutu de Marc Gené na Fórmula Nissan, na qu'Alonso algama 9 poles, 8 vueltes rápides y 6 victories qu'a la fin, diéron-y el campeonatu Euro Open Movistar.

De la Fórmula Nissan coló a la Fórmula 3000 nel equipu Astromega, au s'axuntó con pilotos de gran categoría quedando namái per darrera de Bruno Junqueira, ganaor de la edición, Nicolas Minassian y Mark Webber. Alonso algamó la pole y ganó na carrera de Bélxica y quedó segundu na d'Hungría, quedando cuartu na clasificación xeneral nel año del so debút y l'únicu nel que tuvo.

Fórmula 1[editar | editar la fonte]

Minardi (2001)[editar | editar la fonte]

De siguío coló a la Fórmula 1 ficháu por Renault pero cedíu a Minardi como pilotu oficial. Con Minardi debutó nel Gran Premiu d'Australia de 2001, siendo el tercer pilotu más xoven en facelo. La so meyor clasificación con Minardi foi un 10u puestu nel Gran Premiu d'Alemaña. Nel Gran Premiu de Xapón aportó a trespasar al Toyota d'Olivier Panis y quedar per delantre del Jordan-Honda de Heinz-Harald Frentzen.

Renault (2002-2006)[editar | editar la fonte]

Nel añu 2002, finó la so cesión a Minardi y foi recuperáu por Flavio Briatore como pilotu prebador de Renault. Al añu siguiente, convirtiose en pilotu oficial del equipu n'arróu de Jenson Button, que fichó por BAR.

El 22 de marzu de 2003 convirtiose nel pilotu más xoven n'algamar una pole position y un podiu en Fórmula 1, con 21 años, nel Gran Premiu de Malasia. El 24 d'agostu del mesmu añu, nel Gran Premiu d'Hungría, llogró ser el pilotu más xoven en ganar un gran premiu, con 22 años. Estos llogros de mocedá ya-y los quitó Sebastian Vettel.

2004; la confirmanza[editar | editar la fonte]

La temporada 2004 de Fórmula 1 entamó enforma bona pal pilotu asturianu darréu que finó terceru la primera carrera en Melbourne. Metanes la temporada, Alonso llogró una pole y un segundu llugar en Magny Cours. Poco más sero, algamó otros dos podios encontaos en Alemaña, 2004 (Hockenheim) y Hungría, 2004. Nun amestó nenguna victoria aquella temporada.

2005, un añu enforma especial[editar | editar la fonte]

El 20 de marzu de 2005, nel GP de Malasia, Fernando Alonso consiguió la so segunda victoria y arriendes convirtiose nel primer pilotu español n'aportar a lliderar el mundial de pilotos. Alonso llogró vencer tamién nes dos carreres siguientes y otres cuatros más, cuntando siete trunfos no cabero la temporada, incluyendo l'últimu gran premiu de la mesma.

El 25 de setiembre de 2005, tres la llucha del GP de Brasil, fizo hestoria al convertise nel primer español y el pilotu más xoven, con 24 años, en ser coronáu Campeón Mundial de Fórmula 1 , honor qu'hasta entós caltenía Emerson Fittipaldi. Arriendes, na mesma temporada llogró'l campeonatu de constructores xunto a Giancarlo Fisichella, pa l'equipu Renault.

El trunfu algamáu nel GP de China sirvió-y pa igualar el númberu de victories de Kimi Räikkönen, segundu nel mundial de pilotos, lo que sedría tamién la so victoria col sistema de puntuación anterior[1].

El 6 de setiembre de 2005 recibió el Premiu Príncipe d'Asturies de los Deportes al fallar el xuráu que: "foi quien a aportar a la cume de la so especialidá deportiva tres años d'abondos sacrificios y renuncies col únicu sofitu de la so familia nos entamos de la so carrera, y ye güei un exemplu pa la mocedá española y mundial. La so trayeutoria ye'l frutu del so firme enfotu pol trunfu". El premiu entregose-y el 21 d'ochobre.

El 19 d'avientu del 2005 anunciose que'l pilotu dexaría la escuadra gala pa correr colos colores de Mercedes-McLaren; el so nueu equipu a partir de 2007. El 21 de xunu de 2006 dan-y el títulu de Fíu Predileutu de la Ciudá d'Uviéu, ("Oviedo").

2006, otra vegada campeón[editar | editar la fonte]

La temporada 2006 entamó como finó l'anterior, con una victoria d'Alonso, nel Gran Premiu de Bahrain. Nesta carrera, Fernando Alonso y Michael Schumacher caltuvieron un pulsu mano a mano demientres les caberes vueltes del Gran Premiu, del que salió victoriosu l'asturianu.

Nel Gran Premiu de Malasia, finó na segunda posición tres del so compañeru d'equipo Giancarlo Fisichella, lo qu'afitaba el bon entamu del mundial pa él y pal equipu Renault F1 Team

Nel Gran Premiu d'Australia, tornó a ganar la carrera. El so oponente, foi Kimi Räikkönen, que finó en segundu llugar. Dempués de tres grandes premios disputaos, Alonso tenía una bona ventaxa al frente del mundial, con 14 puntos de ventaxa sobro'l so compañeru d'equipu, l'italianu Giancarlo Fisichella. Quedó segundu nes dos siguientes cites del mundial, per darrera del alemán Michael Schumacher.

Nel Gran Premiu d'España algamó una nuea victoria énte más de 131.200 aficionaos qu'asistieren a la carrera. Alonso convertiríase asina nel primer español en ganar el Gran Premiu d'España dende qu'esta ye preba del calendariu del Mundial. El 28 de mayu, llogró la victoria nel Gran Premiu de Mónaco, convirtiéndose nel primer español n'algamalo.

Tres d'una nuea victoria nel Gran Premiu del Reinu Xuníu, la ventaya na clasificación del mundial yera de 23 puntos sobro'l segundu. Nesta carrera algamó por primera vegada el triplete (pole, vuelta rápida y victoria). Yera el meyor arranque nun mundial d'un pilotu, sumando 74 de 80 puntos dables.

Fernando Alonso nel Gran Premiu de Malasia de 2006

Dos selmanes dempués, venció nel Gran Premiu de Canadá, au enxamás enantes lo algamare. Una vegada más, Schumacher y Raikkonen acompañárenlu nel podiu. Con esta victoria, la so ventaya medraba hasta 25 puntos y Alonso totalizaba 84 puntos de los 90 puestos en xuegu. Arriendes, algamaba el so 15u podiu consecutivu, namái a 4 del récord de Michael Schumacher. Tamién llograba la 5ª pole encontada.

Nel Gran Premiu d'Estaos Xuníos, Alonso quedose por primera vegada nesa temporada fuera del podiu, al finar 5u . Nel siguiente Gran Premiu, disputáu en Francia, tornaba al caxón al finar 2u per darrera de Michael Schumacher. Na siguiente carrera, el Gran Premiu d'Alemaña de 2006, obtuvo un 5u puestu, nuna carrera que ganó de nueu Michael Schumacher, amenorgando la desventaya con respeutu al asturianu en 11 puntos. Nel Gran Premiu d'Hungría Alonso foi sancionáu poles sos aiciones na sesión d'entrenos llibres, calificaes pola FIA como "innecesaries, inaceutables y pelligroses"[2]. Demientres la carrera, y tres d'una remontada dende la decimoquinta posición, na tercera vuelta yera ya terceru trespasando a Michael Schumacher, pero una tuerca mal apertada nel neumáticu drechu traseru prevocó una salida de la pista chocando'l so monoplaza escontra les proteiciones. Vueltes dempués, Michael Schumacher dao la degradación de les sos gomes y un problema na suspensión, tuvo de retirase a falta de 3 vueltes pal final. Entá asina, Michael Schumacher acabó octavu recortando namái un puntu a Fernando Alonso.

Nel GP de Turquía, Massa y Schumacher escapáronse nun entamu, y Fernando Alonso caltuvo la 3ª posición, hasta que tuvo que salir el coche de seguridá, y entós los Ferrari y Fernando Alonso entraron a boxes. Michael Schumacher tuvo qu'esperar a que s'atendiera primero a Felipe Massa, y esi fechu aprovechólu Fernando Alonso pa ponese 2u . Nes caberes 15 vueltes, volvió a vivise un duelu Alonso-Schumacher pero al final salió victoriosu l'asturianu. L'actual Campeón del Mundu enanto asina la so ventaya en 2 puntos, quedando ésta en 12 puntos a falta de 4 carreres. Tres la so retirada nel Gran Premiu d'Italia, nel que Schumacher llogró la primera posición, la ventaya embrivió a 2 puntos. Alonso foi sancionáu na sesión de clasificación d'esti Gran Premiu por encomodar a Felipe Massa. Tres la sanción, el pilotu asturianu declaró que ya nun consideraba a la Fórmula Uno un deporte [3].

Alonso reeditó el títulu de nueu nel Gran Premiu de Brasil con un segundu puestu, algamando cola so posición el títulu de constructores pa Renault

Nel Gran Premiu de China, Fernando llogró la pole. Ya na metá de la carrera, perdió tiempu por dos errores nel pit. Caberamente, tres facer delles vueltes rápides, acabó darrera de Michael Schumacher qu'acabó primeru. El mundial taba empatáu a 116 puntos con ventaya por victories pa Michael Schumacher.

Nel Gran Premiu de Xapón sal dende'l 5u puestu y llogra trespasar a Jarno Trulli, Ralf Schumacher y, nun respostaxe, a Felipe Massa. El mundial da un xiro ablucante tres la frañedura de motor del so rival pol títulu, Michael Schumacher. Alonso llogra recuperar el llideralgu del mundial, necesitando namái un puntu o que Michael nun gane la cabera preba de la temporada pa ser campeón del mundu por 2ª vegada consecutiva.

Nel Gran Premiu de Brasil Fernando Alonso proclamóse Campeón del Mundu por segunda vegada tres acabar segundu la carrera ganada pol brasilanu Felipe Massa au Michael Schumacher dicía alón a la so carrera como pilotu de Fórmula 1.

McLaren (2007)[editar | editar la fonte]

2007[editar | editar la fonte]

El MP4/22, nueu coche d'Alonso, presentose el día 15 de xineru na Ciudá de les Artes y de les Ciencies de Valencia, con una gran puesta n'escena.

Semeya de la carrera na que Fernando Alonso llogra la so primera victoria con McLaren-Mercedes nel Gran Premiu de Malasia de 2007
  • El 15 d'abril, nel Gran Premiu de Baḥréin de 2007, algama 4 puntos más pal campeonatu de pilotos quedando 5u , tres d'una abegosa carrera, fechu que lu dexó fuera d'un llideralgu en solitariu y non compartíu, darreú que polos resultaos de la carrera, tres de les primeres plazes del campeonatu de pilotos igualaben a 22 puntos a Fernando Alonso, Kimi Räikkönen y el segundu de McLaren-Mercedes, Lewis Hamilton qu'algamó el meyor entamu d'un novalín, magar que faciendo unos polémicos cambeos de trayeutoria na reuta de salida al so compañeru d'equipu.
  • Na ronda de clasificación de Montmeló, nel Gran Premiu d'España de 2007, Massa quedó primeru, Alonso segundu, Kimi quedó terceru y Hamilton cuartu. Pero na carrera, l'asturianu intentó trespasar al brasilanu Felipe Massa na salida chocando y quedando relegáu a la cuarta plaza. Kimi Räikkönen dexó la preba cediendo un puestu a Alonso, que quedaría 3u tres del so compañeru d'equipu, Hamilton (2u), que se proclamó llíder del mundial y el más xoven hasta'l momentu. Massa ganó la carrera.
  • Nel Gran Premiu de Canadá de 2007 quedó 7u tres d'una accidentada carrera, na que salieron cuatro coches de seguridad (safety car), y nel primeru d'ellos coincidió cola so parada en boxes, polo que foi penalizáu con 10 segundos de stop & go pola mor de la nuea normativa. Tres la penalización tuvo de remontar posiciones. Nesta carrera, Alonso perdió el llideralgu en favor de Lewis Hamilton que ta a 8 puntos del asturianu.
Nel Gran Premiu de Gran Bretaña
  • La suerte paez nun tar al delláu d'Alonso nel Gran Premiu de Francia de 2007 en Magny Cours, nes clasificaciones al asturianu fráñese-y la caxa de cambeos y queda relegáu a la décima posición na salida. Finalizó la preba en 7u llugar.
  • Nel Gran Premiu del Reinu Xuníu de 2007 en Silverstone, Venció Kimi Räikkönen, per delantre de Fernando Alonso y Lewis Hamilton. Esti últimu salió dende la pole position, pero con una carga de carburante abondo escasa que-y fizo perder el llideralgu de la carrera na entrada a boxes no cabero de la vuelta 15. Más alantre entraríen Räikkönen y Alonso, que s'impondría al finlandés nel primer repostaxe, con Hamilton a gran distancia de dambos. Seique, la prematura segunda parada del español fadría-y perder la primera posición en favor de Räikkönen, que paró seis vueltes dempués. Asina, Kimi aportó'l primeru a meta.
  • El 22 de xunetu, nel Gran Premiu d'Europa de 2007, llogró una nuea victoria, tres caltener un duelu sobro la lluvia nes caberes vueltes con Felipe Massa (col que inclusu llegó a tocase al adelantalu). Nesta mesma carrera Räikkönen y Hamilton nun llograban puntuar, el primeru por abandonu y el segundu pola so 9ª posición final. El llíder del mundial continua siendo Lewis Hamilton magar que la so ventaya de 12 puntos viose amenorgada a 2 por parte d'Alonso.
  • Nel Gran Premiu d'Hungría de 2007, Alonso finaliza en 4u puestu dempués de la polémica col pilotu británicu y la sanción de la FIA al asturianu, que lu facía salir 5 puestos más atrás, pesie a algamar la pole position na clasificación del sábadu.
[ Ver artículu principal:Gran Premiu d'Hungría de 2007 ]
  • El 26 d'agostu, nel Gran Premiu de Turquía los BMW adelantaren al asturianu na salida, darréu del so escasu pesu y los sos neumáticos, y ficiéron-y perder munchu tiempu hasta que foi quien a adelantalos en boxes. La carrera llideráronla los Ferrari, seguíos de Hamilton que tuvo un reventón na rueda delantrera drecha, que lu fizo cayer a la 5ª posición, perdiendo 2 puntos respeutu al asturianu, que queda a 5 del llíder, na segunda posición de la tabla.
  • El 9 de setiembre nel Gran Premiu d'Italia algamó la Pole y ganó la carrera. El so máximu rival nesi momentu, quedó segundu, y Alonso acurtiaba d'esta miente, la so diferencia col llíder a 3 puntos.
  • Tres del Gran Premiu d'Italia, nel que quedó terceru, seguíu de Hamilton, Alonso con abondos problemes na so escudería y el so xefe d'equipu, salía nel Gran Premiu de Xapón, dende la segunda posición tres del so compañeru Hamilton, nuna carrera allanciada tres del Safety Car dempués de 19 vueltes. Tuvo un choque con Vettel que-y dexó abondos desperfeutos nel so coche, desperfeutos qu'ocasionaren la salida de pista y l'accidente que lu angarilló a abandonar la carrera. D'esta miente, el máximu rival d'Alonso, abría un güecu de 12 ptos.
  • Nel Gran Premiu de China (7 d'ochobre), les rellaciones col equipu tan dafechu frañíes. Con too a la escontra, l'asturianu recupera 8 ptos, per aciu del abandonu de Hamilton, que quedó a les puertes de los boxes na gravilla, darréu de los daños na so rueda trasera esquierda. Alonso foi segundu, tres de Kimi. Los resultaos déxenlu a 4 ptos del llíder, cola cabera carrera, Brasil, pa intentar algamar el so tercer títulu de campeón.
  • Nel Gran Premiu de Brasil de 2007, Alonso parte con desventaxa darréu que'l so motor ye'l que llevare en China, mientres que'l llíder estrena nueva evolución. Na etapa clasificatoria, tien serios problemes que lu alluguen na 4ª posición na parriella. Na carrera, Alonso xuega el too por el too na primera curva adelantando a Hamilton. Ésti intenta recuperar la plaza pero salse de la pista dañando los sos hidráulicos, fechu que lu fai perder puestos (hasta'l 18u. Ferrari, con Massa (1u)y Raikönnen (2u) tiren y llogren descolingase del restu pilotos. Esti resultáu allugaba a Alonso virtual campeón del Mundu, pero na segunda parada en boxes, Räikkönen adelanta a Massa, fechu que-y quita el Campeonatu al asturianu, en favor del finlandés. Alonso entra 3u, na llinia de meta, por delante del so compañeru d'equipu que foi 7u; y empata a puntos nel subcampeonatu del Mundu. La falta de sofitu del equipu respeutu a Alonso, y les males rellaciones, pasen factura al equipu que queda ensin Campeonatu de Constructores y Pilotos.

Resultaos en Fórmula 1[editar | editar la fonte]


Resume por años[editar | editar la fonte]

Temporada Equipu GP Victories Poles Podios V. rápides Puntos Clas. final
2001 Minardi 17 0 0 0 0 0 23º
2003 Renault 16 1 2 4 1 55
2004 Renault 18 0 1 4 0 59
2005 Renault 19 7 6 15 2 133
2006 Renault 18 7 6 14 5 134
2007 McLaren Mercedes 17 4 2 12 3 109
2008 Renault 18 2 0 3 0 61
2009 Renault 17 0 1 1 2 26
2010 Ferrari 18 5 2 10 5 246
TOTAL   157 26 20 63 18 823  

Resultaos completos en Fórmula 1[editar | editar la fonte]

Añu Escudería 1 2 3 4 5 6 7 8 9 10 11 12 13 14 15 16 17 18 19 20 Posición Puntos
2001 Bandera d'Italia
Minardi
AUS
12
MYS
13
BRA
Ret
SMR
Ret
ESP
13
AUT
Ret
MON
Ret
CAN
Ret
EUR
14
FRA
17
GBR
16
GER
10
HUN
Ret
BEL
Ret
ITA
13
USA
Ret
JPN
11
23° 0
2003 Bandera de Francia
Renault
AUS
7
MYS
3
BRA
3
SMR
6
ESP
2
AUT
Ret
MON
5
CAN
4
EUR
4
FRA
Ret
GBR
Ret
GER
4
HUN
1
ITA
8
USA
Ret
JPN
Ret
55
2004 Bandera de Francia
Renault
AUS
3
MYS
7
BAH
6
SMR
4
ESP
4
MON
Ret
EUR
5
CAN
Ret
USA
Ret
FRA
2
GBR
10
GER
3
HUN
3
BEL
Ret
ITA
Ret
CHN
4
JPN
5
BRA
4
59
2005 Bandera de Francia
Renault
AUS
3
MYS
1
BAH
1
SMR
1
ESP
2
MON
4
EUR
1
CAN
Ret
USA
DNS
FRA
1
GBR
2
GER
1
HUN
11
TUR
2
ITA
2
BEL
2
BRA
3
JPN
3
CHN
1
133
2006 Bandera de Francia
Renault
BAH
1
MYS
2
AUS
1
SMR
2
EUR
2
ESP
1
MON
1
GBR
1
CAN
1
USA
5
FRA
2
GER
5
HUN
Ret
TUR
2
ITA
Ret
CHN
2
JPN
1
BRA
2
134
2007 Bandera del Reinu Xuníu
McLaren Mercedes
AUS
2
MYS
1
BAH
5
ESP
3
MON
1
CAN
7
USA
2
FRA
7
GBR
2
EUR
1
HUN
4
TUR
3
ITA
1
BEL
3
JPN
Ret
CHN
2
BRA
3
109
2008 Bandera de Francia
Renault
AUS
4
MYS
8
BAH
10
ESP
Ret
TUR
6
MON
10
CAN
Ret
FRA
8
GBR
6
GER
11
HUN
4
EUR
Ret
BEL
4
ITA
4
SIN
1
JPN
1
CHN
4
BRA
2
61
2009 Bandera de Francia
Renault
AUS
5
MYS
11
CHN
9
BAH
8
ESP
5
MON
7
TUR
10
GBR
14
GER
7
HUN
Ret
EUR
6
BEL
Ret
ITA
5
SIN
3
JPN
10
BRA
Ret
ABU
14
26
2010 Bandera d'Italia
Ferrari
BAH
1
AUS
4
MYS
13
CHN
4
ESP
2
MON
6
TUR
8
CAN
3
EUR
8
GBR
14
GER
1
HUN
2
BEL
Ret
ITA
1
SIN
1
JPN
3
RCO
1
BRA
3
ABU
7
252
2011 Bandera d'Italia
Ferrari
AUS
4
MYS
CHN
TUR
ESP
MON
CAN
EUR
GBR
GER
HUN
BEL
ITA
SIN
JPN
RCO
IND
ABU
BAH
BRA
12


  • ≠ El piloto nun acabó el Gran Premio, pero clasificose al completar el 90% de la distancia total.


Predecesor:
Michael Schumacher
Campeón de la Fórmula 1
2005-2006
Socesor:
Kimi Räikkönen

Referencies[editar | editar la fonte]

  1. http://www.motorpasion.com/archivos/2005/10/18-alonso-ganaria-con-el-sistema.php
  2. «Alonso, sancionado con 2 segundos para los entrenamientos oficiales del GP de Hungría». Noticia en página web de la Cadena Ser (2006). Consultáu'l 2007-07-24.
  3. «Alonso: "Ya no considero a la Fórmula Uno un deporte"». Noticia en 20 minutos (2006). Consultáu'l 2007-07-24.

Enllaces esternos[editar | editar la fonte]