Minería

De Uiquipedia
Saltar a: navegación, buscar

La minería correspuende a l'actividá económico primaria venceyada a la estraición d'elementos y minerales de los que se pue obtener un beneficiu económicu. Dependiendo del tipu de material a estrayer y beneficiar, la minería divídese en metálica y non metálica.

Los elementos o minerales que s'estraen davezu, d'alcuerdu a la so clasificación estrautiva, son pa los metálicos: l'aluminiu (de la bauxita), el fierro (de la hematita y de la limonita), l'oru, la plata, el titaniu, el plomu (de la galena), la blenda, el cobre (de la calcopirita y de la bornita), el platinu, l'uraniu, el manganesu, el magnesiu, el níquel y el cinc; y pa los non metálicos: el carbón, los diamantes, el fosfatu, la sal, el boro y l'azufre.

Otros materiales altamente útiles pa la industria minera son l'arciella, l'arena, la povisa, la grava, el granitu y la piedra caliar. La minería nun sentíu más ampliu tamién pue incluyir la estraición de petróleu y gas natural.

Mina de carbón a cielu abiertu en Garzweiler, Alemaña.