Woody Harrelson

De Wikipedia
Saltar a navegación Saltar a la gueta
Woody Harrelson
Woody Harrelson
Woody Harrelson 2009.jpg
Vida
Nome completu Woodrow Tracy Harrelson
Nacimientu

Midland23  de xunetu de 1961

(58 años)
Nacionalidá Bandera de Estaos Xuníos d'América Estaos Xuníos
Familia
Padre Charles Harrelson
Hermanos/es
Estudios
Estudios Hanover College Traducir 1983) Grau n'Artes
Lebanon High School Traducir
Oficiu
Oficiu actor de televisión, actor de cine, dramaturgu, actor de teatru, productor, direutor de teatru, direutor de cine, guionista, productor de cine y actor de voz
Emplegadores Kings Island Traducir
Premios
Nominaciones
Miembru de Sigma Chi Traducir
IMDb nm0000437
Cambiar los datos en Wikidata

Woodrow Tracy Harrelson (23  de xunetu de 1961Midland), más conocíu como Woody Harrelson, ye un actor estauxunidense de cine y televisión conocíu pol so papel del camareru Woody Boyd na serie Cheers de los años 1980, cola que consiguió un premiu Emmy. Tamién actuó en películes como Natural Born Killers, The People vs. Larry Flynt (pola que tuvo nomáu al Óscar al meyor actor) y l'adaptación cinematográfica de Una mirada a la escuridá.

Mientres los años 1990, Harrelson empezó como activista a favor de la llegalización de la mariguana y el cáñamu nos Estaos Xuníos,[1] tamién lluchó pola proteición de les secuoyes del pacíficu. Amás ye pacifista y formó parte de diverses protestes en contra de la invasión d'Iraq de 2003.[2]

Biografía[editar | editar la fonte]

Infancia[editar | editar la fonte]

Woody Harrelson nació en Midland, Texas, en 1961, fíu de Charles Harrelson y Diane Lou Oswald, que divorciáronse en 1964. Tien dos hermanos, Jordan Tracy Harrelson y Brett Tracy Harrelson, pilotu profesional de motociclismu amás d'actor. Mientres la so infancia foi-y diagnosticada dislexa, hiperactividad y trestornu psicolóxicu.[3] El so padre, un sicariu profesional, foi condergáu a cadena perpetua pol asesinatu d'un xuez federal en 1979 y pasó la mayor parte de la infancia de Woody encarceláu por distintes causes.[4] Harrelson creció en Lebanon, Ohio, cola so madre, una muyer fondamente relixosa.[5] Estudió nel Lebanon High School y na Universidá de Hanover d'artes lliberales en Indiana, foi miembru de la fraternidá Sigma Chi y llicencióse en artes escéniques ya inglés en 1983. Harrelson ye d'ascendencia inglesa, escocesa, alemana y holandesa.[6]

Carrera[editar | editar la fonte]

Tres la so graduación treslladóse a Nueva York y empezó a estudiar nel Biloxi Blues de Neil Simon. En 1985 foi escoyíu pal papel de Woody Boyd, l'inocente y cordial camareru de la serie de televisión Cheers, col que ganó un Emmy, ente otros premios. La so primer actuación nel cine foi na película Gatos selvaxes de 1986 xunto a Goldie Hawn. Siguió trabayando con pequeños papeles nel cine hasta l'enfrentamientu amorosu que protagonizó con Michael J. Fox na película de 1991, Doc Hollywood.

Darréu Harrelson trabayó en películes como Asaltu al tren del dineru, La cortina de fumu, White Men Can't Jump, Vaqueros de Nueva York, Indecent Proposal, Hi-Lo Country y el filme Natural Born Killers d'Oliver Stone de 1994, onde interpreta a un despiadáu asesín.

En 1996 protagonizó la revesosa película The People vs. Larry Flynt, que narra la vida del empresariu Larry Flynt, y pola cual foi nomáu al Óscar al meyor actor. En 2001 volvió a la televisión mientres 7 episodios de la comedia Will & Grace de la NBC. Interpretó a una prostituta travesti na película Anger Management, protagonizada por Adam Sandler y Jack Nicholson, y al axente del FBI Stan Lloyd en El gran golpe.

En 2006 intervieno nes películes A Prairie Home Companion y Una mirada na escuridá, estrenaes en xunu y xunetu, respeutivamente, d'esi mesmu añu. Tres una década un tanto gris, repunxo notoriedá con No Country for Old Men, filme de los Coen que ganó cuatro Premiu Óscar principales en 2008. En 2009 participó na película 2012 como Charlie Frost, un llocutor de radio. Nel mesmu añu protagonizó la película Zombieland como Tallahassee, un cazador de zombies. Nel 2012, interpretó a Haymitch Abernathy, el mentor borrachu de los protagonistes na película The Hunger Games. Va Interpretar al mesmu personaxe mientres les siguientes trés películes de la saga.

En 2014 estrenóse la serie de televisión True Detective protagonizada por Harrelson como un detective de Luisiana detrás d'un asesín en serie. En 2015 protagoniza'l video clip "Song for Someone" de la banda O2 al pie de la so fía Zoe.

Vida privada[editar | editar la fonte]

Woody Harrelson nel 40 aniversariu de los premios Emmy, el 28 d'agostu de 1988.

Woody Harrelson casóse en 1985 con Nancy Simon, fía del dramaturgu Neil Simon, en Tijuana. Dambos intentaron divorciase a otru día pero la sala taba cerrada y permanecieron casaos mientres 10 meses.[7]

N'avientu de 2008 casóse con Laura Louie, el so asistente y co fundandora de Yoganics, un serviciu de distribución de comida orgánica. Son pareya dende 1990 y tienen tres fíos xuntos: Deni Montana (5 de marzu de 1993), Zoe Giordano (22 de setiembre de 1996) y Makani Ravello (3 de xunu de 2006).[8]

Harrelson ye abiertamente partidariu de la llegalización de la mariguana y el cáñamu nos Estaos Xuníos.[9] El 1 de xunu de 1996 foi arrestáu en Kentucky en llantando de forma simbólica cuatro granes de cáñamu, la so intención yera la d'amosar cómo la llei nun estrema ente'l cáñamu industrial y la mariguana. Harrelson ganó'l casu.[10]

Tamién ye activista del movimientu ecoloxista, habiendo llegáu a esguilar el ponte Golden Gate de San Francisco pa esplegar una pancarta que dicía: "Hurwitz, ¿Nun son les vieyes secuoyas más precioses que l'oru?" en referencia a Charles Hurwitz, CEO de Maxxam Inc, qu'una vegada dixo: "Quien tien l'oru, manda".[11] Practica'l veganismu y una dieta basada en comida ensin cocinar nin preparar.[12] Tamién denunció los esperimentos de la industria cosmética con animales.

Viaxó al traviés de la mariña oeste d'Estaos Xuníos, dende Seattle hasta Santa Barbara, nun vehículu propulsado por biodiésel procedente del cáñamu, esta esperiencia sirvió pa la grabación de la película documental Go Further.[13] Tamién foi'l narrador principal del documental Grass de 1999, qu'analiza la rellación de la mariguana col gobiernu estauxunidense mientres el sieglu XX.

Foi dueñu mientres poco tiempu d'un chigre d'osíxenu en West Hollywood, California, llamáu "O2".[14] Ye pacifista y de cutiu intervieno en distintes charres en contra de la invasión d'Iraq de 2003.[2]

Filmografía parcial[editar | editar la fonte]

Woody Harrelson col sarxentu mayor del exércitu de los Estaos Xuníos, Gene McKinney, el 26 de xunu de 1996.

Premios y nominaciones[editar | editar la fonte]

Óscar[editar | editar la fonte]

Añu Categoría Película Resultancia
2009 Meyor Actor de Repartu The Messenger Nomáu
1996 Meyor Actor The People vs. Larry Flynt Nomáu

Globu d'Oru[editar | editar la fonte]

Añu Categoría Película Resultancia
2009 Meyor Actor de Repartu The Messenger Nomáu
1996 Meyor Actor - Drama The People vs. Larry Flynt Nomáu

Premios del Sindicatu d'Actores[editar | editar la fonte]

Añu Categoría Película Resultancia
2010 Meyor Actor de Repartu The Messenger Nomáu
2008 Meyor Repartu No Country for Old Men Ganador
1997 Meyor Actor The People vs. Larry Flynt Nomáu

Premios Emmy[editar | editar la fonte]

Añu Categoría Serie ó Telefilme Resultancia
2014[15] Meyor actor en Serie Dramática True Detective Nomáu
2012[16] Meyor actor - Miniserie o telefilme Game Change Nomáu
1999[17] Primetime Emmy al meyor actor convidáu - Serie de comedia Meyor actor convidáu - Serie de comedia Frasier Nomáu
1991[18] Primetime Emmy al meyor actor de repartu - Serie de comedia Meyor actor de repartu - Serie de comedia Cheers Nomáu
1990[19]
1989[20] Ganador
1988[21] Nomáu
1987[22]

Referencies[editar | editar la fonte]

Enllaces esternos[editar | editar la fonte]