Frasier

De Wikipedia
Saltar a: navegación, buscar
Frasier
Frasier title logo.svg
Datos
Xéneru comedia de situación
País d'orixe Estaos Xuníos d'América
Idioma orixinal inglés
Productor Maggie Blanc
Distribuidor Paramount Domestic Television
Númberu de temporaes 11
Númberu d'episodios 264
Fecha d'entamu 00930UTCThu, 16 Sep 1993 :00:00 +00009amxuevesxueves009k
Fecha de fin 00531UTCThu, 13 May 2004 :00:00 +00005amxuevesxueves005k
Cambiar los datos en Wikidata

Frasier ye una serie de televisión norteamericana, emitida na NBC. Foi un spin off de la serie Cheers basáu nel personaxe de Frasier Crane (Kelsey Grammer). Con once temporaes nel llombu ye ún de los spin-off de más éxitu na hestoria de la televisión, allabanciada pol públicu y pola crítica. El so primer episodiu emitióse'l 16 de setiembre de 1993 y el cabero'l 13 de mayu de 2004. Magar l'aición desenvuélvese en Seattle, Washington, namái se grabó un episodiu ellina. El restu grabóse en Stage 25, Estudios Paramount y en dellos llocales y na redolada de Los Angeles.

Los creadores[editar | editar la fonte]

La serie aniciáronla David Angell, Peter Casey y David Lee, que tamién la produxeron (Grub Street Productions) a comuña con Paramount Television. Angell, Casey y Lee escribieron y aniciaron tamién Cheers y Wings.

Argumentu[editar | editar la fonte]

El psiquiatra Dr. Frasier Crane torna a la so ciudá de ñacencia, Seattle (Washingon), tres el so divorciu y dexando atrás la so vida en Boston. Los sos planes pa la so vida de solteru enguedéyense cuando se ve obligao a acoyer a so pá, Martin, un detective retiráu del departamentu de policía de Seattle que nun puede vivir solu tres recibir un disparu. Frasier, Martin, Daphne, la fisioterapeuta que Frasier tien que contratar pa cudiar de so pá, y el perru d'ésti, Eddie, finan viviendo toos xuntos. L'hermanu menor de Frasier, Niles, un eminente psiquiatra, visita davezu'l so apartamentu. Niles encapríchase primero, y dempués ñamórase de Daphne, pero nun-y confiesa los sos sentimientos hasta'l caberu episodiu de la séptima temporada.

Frasier presenta un afamáu programa na cadena KACL. La so productora, Roz Doyle, ye dafechu estremada a Frasier, pero en pasando'l tiempu fainse mui bonos amigos. Frasier y los demás personaxes visiten davezu la cafetería Café Nervosa, escenariu de bien de les sos peripecies.

Frasier y Niles, de gustos axeitaos, intelectuales y con mui bona opinión sobro sí mesmos, chocan davezu con so pá que, antigual qu'ellos, ye de clas trabayadora, cenciellu y colos pies na tierra. Na rellación ente Frasier y Niles asocédense los xareos, ente otres coses pola intensa rivalidá qu'hai ente hermanos y que da llugar con frecuencia a situaciones de bulla y trafulca. Otras temas recurrentes son el fracasu del matrimoniu de Niles con Maris, un personaxe que nunca nun apaez, la gueta d'amor por parte de Frasier y los munchos intentos de los dos hermanos por ser aceutaos na élite intelectual y cultural de Seattle.

Repartu[editar | editar la fonte]

Personaxes cimeros
Personaxes habituales

La esposa de Niles, Maris, ye un personaxe habitual qu'enxamás se vió ni oyó na serie .

Premios[editar | editar la fonte]

La serie ganó 37 Emmys a lo llargo de los sos 11 años d'emisión, franciendo'l record de The Mary Tyler Moore Show, que ganara 29 Emmys. Kelsey Grammer y David Hyde Pierce ganaron en 2004, llogrando en total 4 Emmys. En magar 2004 la serie tien el fitu de ganar 5 veces consecutives l'Emmy a la Meyor Serie de Comedia. En 2014, la serie Modern Family igualó esta cifra.

Emmys
  • Guion en Serie de Comedia
    • David Angell, Peter Casey, David Lee por "The Good Son" (1994)
    • Anne Flett-Giordano & Chuck Ranberg por "An Affair To Forget" (1995)
    • Joe Keenan, Christopher Lloyd, Rob Greenberg, Jack Burditt, Chuck Ranberg, Anne Flett-Giordano, Linda Morris, Vic Rauseo por "MoonDance"(1996)
    • Jay Kogen por "Merry Christmas, Mrs. Moskowitz" (1999)

Fitos[editar | editar la fonte]

  • Grammer interpretó al Doctor Frasier a lo llargo de vente años, igualando la representación de James Arness de Marshall Dillon en Gunsmoke en cuantes al tiempu de personaxe na televisión n'hores de mayor audiencia.
  • Grammer fue per poco la estrella de televisión meyor pagada na hestoria, algamando un sueldu de 1.6 millones de dólares por episodiu ; el so rexistru sobropasóse dempués d'un añu.

Final de Frasier[editar | editar la fonte]

El 13 de mayu de 2004 emitióse la fin de Frasier. Viéronlu 25'4 millones d'espectadores. Delles circunstancies llevaron a la decisión de rematar la serie:

  • L'altu coste, qu'enantó a 75 millones de dólares la cabera temporada.
  • La serie igualara a Cheers por númberu de temporaes, un oxetivu que Grammer tenía pa la serie.
  • El cambeu d'hora de la serie. Camudó delles vegaes y tuvo que competir con series tan afamaes como American Idol y 24.

El caberu episodiu dedicóse a David Angell que, xunta so esposa (Lynn Angell), murriera nos atentaos del 11 de setiembre del 2001.