Seattle

Coordenaes: 47°36′N 122°18′W / 47.6°N 122.3°O / 47.6; -122.3
De Wikipedia
Seattle
Bandera de Seattle (es) Traducir
Alministración
PaísBandera de Estaos Xuníos d'América Estaos Xuníos
Estaos Washington
Condáu condáu de King
Tipu d'entidá ciudá de los Estaos Xuníos
Mayor of Seattle (en) Traducir Bruce Harrell
Nome llocal Seattle (en)
Nomatu Emerald City (en)[1]
Queen City (en)[2]
Jet City (en)[3]
Códigu postal 98101
Xeografía
Coordenaes 47°36′N 122°18′W / 47.6°N 122.3°O / 47.6; -122.3
Seattle alcuéntrase en los EE.XX.
Seattle
Seattle
Seattle (los EE.XX.)
Superficie 369.243614 km²
Altitú 20 m
Llenda con
Demografía
Población 737 015 hab. (1r abril 2020)
Porcentaxe 100% de condáu de King
9.57% de Washington
0.22% de Estaos Xuníos
Densidá 1996,01 hab/km²
Viviendes 344 629 (31 avientu 2020)
Más información
Fundación 13 payares 1851
Prefixu telefónicu 206
Estaya horaria UTC−08:00 (horariu estándar)
Tiempu del Pacíficu
UTC−07:00 (horariu de branu)
Llocalidaes hermaniaes
seattle.gov
Cambiar los datos en Wikidata

Seattle ye una ciudá portuaria del estáu norteamericanu de Washington, sede alministrativa del condáu de King. La so población estimada pal 2019 (U.S. Census Bureau), de 753.675 habitantes, faen d'ella la ciudá mayor del estáu y tamién de la rexón pacífica del noroeste, y tamién la ciudá de mayor crecimientu en tol país. El so área metropolitana, con alredor de 3,6 millones d'habitantes, ye la decimoquinta mayor del país. La ciudá asítiase nun ismu perestrenchu ente Puget Sound (una ensenada nel océanu Pacíficu y el llagu Washington, a unos 160 km de la frontera con Canadá. El so puertu, ún de los más importantes pal comerciu d'Estaos Xuníos con Asia, ye'l octavu del país y el novenu d'América del Norte pol volume del so tráficu de contenedores.

Lo qu'anguaño ye Seattle y la so rodiada tuvieron habitaos polo menos 4.000 años enantes de qu'aportaran ellí los primeros colonos europeos. Arthur A. Denny y la xente que lu acompañaba aportaron na goleta Exact el 13 de payares de 1851 a Alki Point. L'asentamientu que crearon treslladóse a la situación actual de la ciudá al añu siguiente, y recibió'l so nome n'honor de Si'ahl, xefe de les tribus Duwamish y Suquamish que vivíen na zona.

Skyline de Seattle al atapecer (2007).

La esplotación de la madera foi la primer gran industria de la ciudá, pero pa finales del sieglu XIX la ciudá convirtiérase yá nún importante centru comercial y de construcción naval, una y bones foi la puerta principal d'accesu a Alaska demientres la fiebre del oru. Pa 1910 Seattle yera una de les venticinco mayores ciudaes del país. La Gran Depresión, sicasí, dañó enforma la economía de la ciudá, que nun s'había recuperar hasta la Segunda Guerra Mundial, en bona parte gracies a la empresa aeronáutica Boeing, qu'estableció les sos fábriques d'aviones na ciudá. Na década de 1980 desarrolláronse enforma les empreses teunolóxiques, cola instalación d'amazon.com, Microsoft o T-Mobile US na zona. Amás de la so creciente importancia nos sectores del software, l'Internet y la bioteunoloxía, Seattle ye tamién famosu pola política de desarrollu sostenible desarrollada polos sos alcaldes.

No que cinca a la cultura, la ciudá tien una historia llarga ya interesante nel mundu de la música. De 1918 a 1951 había na ciudá cuasimente dos docenes de clubs de jazz na famosa cai Jackson (Jackson Street). Nellos entamaron les sos carreres intérpretes perfamosos como Ray Charles, Quincy Jones o Ernestine Anderson. La ciudá, na que nació'l rockeru Jimi Hendrix, foi'l llugar de nacencia, na década de 1980, del estilu de rock alternativu conocíu como grunge.

Vista panorámica de Seattle dende la torre d'observación Space Needle, iconu arquiteutónicu de la ciudá. A la manzorga vemos el Puget Sound, aú s'asitia'l puertu oceánicu de la ciudá.

Referencies[editar | editar la fonte]

  1. URL de la referencia: https://www.tripsavvy.com/why-is-seattle-the-emerald-city-2964993. Data de consulta: 9 xunetu 2020.
  2. URL de la referencia: https://www.historylink.org/File/181.
  3. URL de la referencia: https://web.archive.org/web/20061002171554/http://www.seeseattle.org/media/presskits/PKHistory.asp. Data de consulta: 9 xunetu 2020.

Enllaces esternos[editar | editar la fonte]