Sarayevu
Sarayevu[1], (en cirílicu, Сарајево) ye la ciudá más grande y capital de Bosnia y Herzegovina. Enantes de la guerra, l'últimu padrón de 1991 estimaba la población en 429.672 habitantes y anguaño estímase nunos 310.000. Sarayevu vien del turcu saray que significa «palaciu del soldáu» y ova que quier dicir campu.
La ciudá considérase una de les más importantes de los Balcanes y la so hestoria ye bayurosa dende la so creación polos otomanos en 1461. La ciudá foi'l llugar del asesinatu del archiduque Franciscu Fernandu d'Austria que marcó l'entamu de la Primer Guerra Mundial y más a lo cabero acoyó los Xuegos Olímpicos d'Hibiernu de 1984 y foi asediada na guerra de Bosnia nos años 1990. Sarayevu forma parte del cantón de Sarayevu, ún de los diez cantones de Bosnia y Herzegovina.
Xeografía[editar | editar la fonte]
Sarayevu asítiase cerca del centru del triángulu formáu por Bosnia y Herzegovina, y cubre una superficie de 142 km². La mayor parte de la ciuda ta nel valle de Sarayevu, a un altor mediu de 500 m y arrodiada de montes.
El ríu Miljacka flui al traviés de la ciudá del este al oeste. La fonte del ríu Bosna garra la so fonte nel ríu Vrelo que s'atopa na periferia de Sarayevu, cerca d'Ilidza y ye ún de los espacios naturales más grandes del país.
Arrodien a la ciudá cinco grandes montañes, que s'emplegaron nos Xuegos Olímpicos d'Hibiernu de 1984. Formen parte de los Alpes Dináricos que s'estienden al traviés de Croacia, Bosnia y Herzegovina, Serbia y Montenegro. Les montañes atraen a los turistes pa facer actividaes d'esquí y escursiones.
Les cumes más importantes son:
- Treskavica : 2.088 m, sur
- Bjelašnica : 2.067 m, sur-oeste
- Jahorina : 1.913 m, sudeste
- Trebević : 1.627 m, sudeste
- Igman : 1.502 m, suroeste
Ciudaes hermanes[editar | editar la fonte]
-
La nueva ilesia ortodoxa, delantre de la estación d'autobuses
-
Imaxe de Sarayevu
-
Catedral católica de la ciudá
Enllaces esternos[editar | editar la fonte]
Wikimedia Commons tien conteníu multimedia tocante a Sarajevo.- Gobiernu de la ciudá (en bosniu y n'inglés)
- Aeropuertu internacional de Sarayevu (en bosniu y n'inglés)
- Asociación de Turismu de Sarayevu (en bosniu y n'inglés)
- Mapa interactivu de la ciudá
Referencies[editar | editar la fonte]
- ↑ Cartafueyos Normativos. Nomes de los países del mundu y de les sos capitales y xentilicios, Academia de la Llingua Asturiana, 2010; ISBN 987-84-8168-500-8
- ↑ Les ciudaes hermanaes estraxéronse de Páxina oficial de Sarajevo
