Tianjin

De Wikipedia
Saltar a navegación Saltar a la gueta
Tianjin
Tianjin montage.jpg
Alministración
PaísBandera de la República Popular China República Popular China
Tipu entidá municipio bajo jurisdicción central
Huang Xingguo
Nome oficial 天津市
Códigu postal 300000–301900
Xeografía
Coordenaes 39°08′48″N 117°12′20″E / 39.1467°N 117.2056°E / 39.1467; 117.2056Coordenaes: 39°08′48″N 117°12′20″E / 39.1467°N 117.2056°E / 39.1467; 117.2056
Tianjin is located in República Popular China
Tianjin
Tianjin
Tianjin (República Popular China)
Superficie 11920 km²
Altitú 5 m
Llenda con Beixín y Hebei
Demografía
Población 13 245 000 hab. (2016)
Porcentaxe 0.94% de República Popular China
Densidá 1111,16 hab/km²
Más información
Prefixu telefónicu 022
Estaya horaria UTC+8
Llocalidaes hermanaes Filadelfia, Pyongyang, Łódź, Abidjan, Mykolaiv, Mar del Plata, Chiba, Fitchburg, Bangkok, Sarayevu, Dallas, Salónica, Hakodate, Járkov, Lárnaca, Kutaisi, Rishon LeZion, Groninga, Hải Phòng, Incheon, Esmirna, Kōbe, Melbourne, Ulán Bátor, Yokkaichi y Jönköping Municipality
www.tj.gov.cn
Cambiar los datos en Wikidata

Tianjin (en chinu: 天津; en pinyin: Tiānjīn) ye una ciudá asitiada nel norte de la República Popular China. La metrópoli, que tien l'estatus alministrativu de municipalidá, con control directu pol gobiernu nacional, llenda cola provincia de Hebei y la municipalidá de Pequín, y ta arrodiada al este pol golfu de Bohai, nel mar Mariellu.

Tianjin

La ciudá, que tenía 12,28 millones d'habitantes na so municipalidá al final de 2009, ye la mayor de les ciudaes costeres del norte de China, y tien dos núcleos urbanos. El tradicional, qu'inclúi el cascu antiguu, asítiase a la oriella'l ríu Hai, que ta conectáu a los ríos Mariellu y Yangtze al traviés del Gran Canal; y la zona nomada Binhai, asitiada al este de la anterior a la vera la mar. Esta ye ún de los principales polos de crecimientu del país, y nella asiéntense munches empreses importantes, lo mesmu industriales que financieres. La ciudá ye, dende mediaos del sieglu XIX, un puertu perimportante, al qu'aportaben les persones y mercancíes destinaes a la capital del país.

Dientro la so economía rescampla la importancia del sector industrial. Na ciudá hai industries petroquímiques, testiles, mecániques y siderúrxiques. Hai tamién, fabriques de coches, y una fábrica d'aviones d'Airbus. Nella allúgase tamién, nel so centru nacional de supercomputación, el supercomputador más rápidu del mundu, nomáu Tianhe-1A. El so puertu, el mayor puertu artificial d'agües profundes de China, ye'l quintu del mundu por capacidá. A la so actividá de carga súma-y tamién el so calter de puertu d'arribada de los cruceros de pasaxeros que fondean nella demientres los pasaxeros visiten la ciudá y la vecina Pequín.

La ciudá ye tamién sé de dos de les más principales universidaes del país: la Universidá de Nankai, fundada en 1919 y que ye una de les más prestixoses de China; y la Universidá de Tianjin, la más vieya del país, fundada en 1895.


Enllaces esternos[editar | editar la fonte]

Skyline de Tianjin pela nueche
Icono de esbozo
Esti artículu ye un entamu. Pues ayudar a la Wikipedia n'asturianu ampliándolu.